也許 我受過訓練 看過成果
也許 他們走了 我也走了
所以我變成了實踐家 行動派
我變得更不愛惜自己 變得對自己更霸道
卻又變得更喜歡自己 因為我欣賞他的能耐
欣賞他的想法 我欣賞他
純粹因為我也不明白他為何能堅持
為何能想出這樣的方法
為何能對自己這樣殘忍

我想起小時候 
真的單純以為自己只要長大了就會有很多人喜歡自己
我以為這是定律 小時候的我是深深相信
現在我長大了 才知道那是假的
原來沒什麼人愛惜這個我
小時候的無知 現在覺得好笑
但同時讓我想起別的 
也許我從小就喜歡著自己的一切
所以才認為理應獲得他人寵愛

現在我開始不理解別人為什麼不會喜歡我
因為我覺得自己已經做得很好了
我用我自己的尺來量度自己
所以我很少再說自己那裡不好
別人不喜歡我
我認為不過是我沒有去刻意迎合別人的口味
這並不代表我不夠好
你也許以為我變得自戀了
但這只是你不曾明白
認為自己現在做的是對
有多重要

我冷靜地進行一切
十月是我給自己的死線
我相信

昨天 鼻敏感嚴重發作
我已經理解出我的鼻敏感和流鼻血原因
就是作息不足
我發現每當晚上我很晚很累還沒去睡
就會不停打噴嚏

昨天鼻敏感異常嚴重
嚴重至被同事們隔離
老娘要求我提早離開公司
我唯有聽命回家
回家後由晚上七時睡至今早七時
但醒來後仍然疲累
心真有不想上班 但是又不想失去百多元
所以還是上班去
可是今天回到公司就被ISO突襲
早知該請假...唉

我想 我是不是該結束放工後的遊盪生活
早點回家休息 養身子
但想想直至下個月的十五日仍有不少節目
太多
我開始不知道自己在幹什麼
我不忙 也不累
我只是空了一大片
就如當初我所預言的一切
現在如常地在我身上顯現

下班後 去了乘火車
其實去的地方不遠 
但是坐火車的心情 總是讓我覺得自己遠離了市區
突然想 如果就這樣去到尾站
如果身上帶有一張回鄉卡
其實出走不過是如此容易

路過大圍 看見城門河
懷念踏單車的時光
很想再去一次
在晚上

偶然遇到這個物體
新出的 賣相挺有趣
引發了我對它意淫的慾望........嘿嘿

豬豬也不錯
成員分佈如下............

國皇級物體 x 2

善良的假面公主

2008年港女代表-Miss Hong Kong

未戒奶到連奶咀都放上頭o既幼稚生
佢仲有兩個痴痴呆呆坐埋一枱o既損友
但唔見佢地個大影 無影到

睇下左下角個小朋友幾天真
大o既唔追 追個細
有潛質!

真係唔係一般o既樣衰

殘奧飛天馬術表現
點解係殘奧呢
因為個騎師已經跌左落去

今日個mood差差地 化悲憤為食量
lunch本來已經自己食左一大個牛肉鍋 連前菜飯野飲
dinner仲要自己一個去興隆到大食一餐
本來諗住聽日先同一個人去食
但係佢臨時話唔出
見心情嬲嬲地就去狂食

興隆車仔麵o既湯底係話用鯊魚骨煲 其實係唔係真唔知
就算係都唔會係用貴料 不過味道都ok架

佢最多人食就係鹵水豆腐 但我覺得無乜特別
今次係我第一次食 亦都可能係最後一次
因為佢要結業喇.......都有D唔捨得

炸蝦棗係我每次必食
我由佢以前大大粒 超好食
食到佢而家係百物騰貴下演變成o既細細粒
佢咁多年都無加過價
但如果佢加價保持返大粒
我會開心過佢唔加價但縮哂水囉
不過雖然無以前咁好食
但呢樣野依然係好食

仲有杯凍奶茶解下喝

呢個就係我劫後o既情景
我差在未食埋隻碟
雖然佢唔叫做好好食 但一定唔會唔好食
呢到作為係旺角用黎hea o既地方都幾好
十幾蚊就可以落樓 又唔多人
佢又多小食喎 又有位可以坐
而且都開到十二點幾 真係唔錯架
不過而家將會失去呢個地方lu

我同個超好人o既靚姐傾左陣
留左電話 但願他日有緣再會
食你整o既炸蝦棘
不過拍硬檔 唔該變返大粒佢先

這三個月 眼看變化很大
但在我心中其實沒出現過太多驚訝
雖然很多稱得上大事
而且有很多都是出乎意料
儘管我流淚
但我很冷靜

突然不習慣下班後直接回家這回事
因為這兩個月下班後都有要見的人 要做的事
但是我沒有感覺很忙
曾聽過忙不忙只再於心境
說得真對
再多事情其實也可以覺得不忙
再少的事情其實也可以感覺忙得不可開交
大概就是這樣

我的生活是弧獨寂寞 但並不枯燥
因為我相信這個世界的多姿多采
因為我習慣尋找一個人的快樂
所以好玩或要做的事情總是無處不在

這兩個月我有流過淚 也有高興過
對於這些極端的情緒 我完全明白並且消化了 
然後銘記於心 我沒有逃避
但我無法解決這些問題

當那個我走掉了 
我反而真正感受到原來我是一個很喜歡自己的人
我無論任何時候都選擇要當現在的自己
不管快樂與否 還是消沉沮喪
我都不曾希望回到過去
我還是認為現在這個我是最好
我抽身地喜歡自己一切的想法
所作的事情 不管他做得好不好
然後我享受能夠掌控自己的感覺
實現一件又一件看似難以完成的事情
又或者建立一件東西 從沒有到有

但是我並不愛惜自己
所以我才讓他受了那麼多的傷害
往他心臟上插著一把刀由他繼續去愛別人
我過份享受掌控自己的感覺
所以我用他做了很多事情
然後任由他染上種種可以避免的痛苦
最後我把他迫走了
剩下這個我
這個不太懂得痛苦的我

星期一至到星期六上午都要返工
所以而家好珍惜所有假期
鬼叫以前習慣返兩日放五日o既生活咩
而家咩都唔同哂lu~

所謂珍惜假期 反而係咩特別野都唔做
通常星期六日盡可能都唔會約人
就算出去都係自己一個
想享受下簡單無拘無束o既感覺
又或者留係屋企摸東摸西
都幾寫意~~

好多人都覺得放假唔出街會有D悶
但我真係覺得留係屋企好HAPPY
可以做好多唔駛用錢又HAPPY o既無聊野
坐係屋企同阿爸阿媽吹水睇奧運
經過呢十幾日 我阿媽已經成為左體育界業餘評審員
我而家每日都會問佢中國有咩金牌產生同埋今日有乜比賽
佢而家仲識D運動員名 
仲會一邊睇一邊俾評語
有時見到佢睇到勁肉緊 表情動作多多
真係好搞笑 想影低佢
不過佢頂盡都係體育界業餘評審員
因為佢真正身份係職業性雀局運動員
所以有麻將打o個日 奧運o既野佢會問返你轉頭............

放假好鐘意難身難世咁行出街 好relax
通常兩點幾打個電話俾老豆阿媽
可能就係佢地返屋企前係留下食個tea o既時光
我會抓緊呢個機會 然後去扼飯食
知道佢地食緊tea 我就會著住屋企d訓教衫加件外套
頭都唔梳 帶返頂cap 然後踢拖落街
最重要係我行出門口o個陣 key tissue mobile通通都無帶
錢當然都唔例外
因為最大o個張提款咭咪就係留下食緊野囉
hahaha~~~
然後食完野又跟埋阿媽去街市買餸
我可以現場揀選想食o既野
仲有可以學習疏果同海鮮類名稱
一舉N得

然後我又會係屋企發揮下我o既小宇宙
以下係我近來o既得意作品........

.

呢幅圖擁有大師級小學生風格
我畫左都無5分鐘
算係咁la~~至少睇得出係乜
而且我都畫到佢地o既神緒~係咪先~haha~~~
其實我仲有畫其他架 不過無影到咋 
無乜Art cell o既我做乜無端端睇唔開畫野呢
事源係因為我係到構圖想整樣野送俾人
樣野我整好左架喇 整左我成大半日ar
我都ok滿意架
不過唔show得出黎住 送左出去之後先補相
到時一定要黎讚我叻叻呀!!!!
o個件野有成中二水平架~
雖然我已經大學畢業~~~haha

然後我又同小CK影左好多相la
好耐無見佢 有日係屋企想搵下有咩玩
俾我撞返佢 佢o既size係一隻手就cover哂
然後我地一見鐘情左
所以我即刻還佢清白 同佢洗白白

正在沉泡泡肉o既佢~好可愛哦~~~
不過我阿媽好殘忍 佢本來諗住黎幫手同佢沖涼
點知沖完之後 我阿媽一手渣起佢
然後渣實拳頭同佢瀝乾水 我即刻叫佢停手
話佢實在太殘忍喇 之後佢仲加多兩錢力
一路渣 仲一路話:"渣死佢!渣死佢!"    

我唔單只同佢洗白白 我仲還佢光明 (墊埋尿片俾佢)
你睇佢坐係窗邊幾寫意
佢係床下底都唔知過左幾多年不見天日o既日子

呢個係佢很cool o既背影

就係咁 佢由早上坐到夜晚
苦思人生o既真諦 

但知人口面不知心
原來佢係一個負心漢 我放左佢出黎第二日
佢就已經見異私遷 鐘意左厠紙小姐
仲即刻入埋去人地個"濃"到
就這樣 我失戀了

你睇佢笑得幾淫賤!!!!賤格!

傷心o既我 去左搵阿寬發洩
同佢黎個全身脫毛
由於佢唇厚如腸 所以超多唇毛
人地話膽生毛 我阿寬仲識牙生毛
不過而家佢已經好光滑
我手勢仲好過dermes激光脫毛
不過男性一般都唔鐘意光脫脫
所以佢係過程中好抗拒
以下係佢一段心底話節錄..................

以上就係我o既傻瓜假期事件Book
多謝收看

我覺得而家D人真係俾個社會洗腦洗得好勁
然後佢地成日都將我定格成一種人
首先佢地一聽到我做文員都不約而同會覺得: 唔係呀嘛~~~
然後會再三追問係乜文員 係邊行 工作性質係點 個title係乜
仲有會唔會係D特別類文員
真係痴痴地 文員就係文員
所以我會反問佢地: 不如你話我知邊種文員係唔普通
我都好想知 睇下有幾特別
不過唔好同我講係坐老細大脾o個種喎
亦都唔好係俾老細坐大脾o個種
然後當佢地真係確認我做一個"普通"文員 就會好唔想相信咁問
1. 點解你會去左做文員架
2.你接受到D咁悶o既工作性質架
3.人工咁少你竟然接受到 定係你人工幾好架
4. 對你黎講好似大材小用喎
5. 你性格唔似會做呢d工 咁鬼悶
最後o個句最抵死 
佢問得頭4句我已經知道佢係一個極度唔了解我o既人
但最後佢仲要黎一句: 以你性格什麼什麼..........
之後我會再回佢一句 你唔了解我性格就唔好大條道理以我性格下結論
可能好串 但係既然係講緊我自己性格
我覺得我最有權發言 亦都可以用我自己鐘意o既態度

首先 我唔覺得做文員好大問題
雖則我都有D唔甘心 但係我唔敢講我係大材小用
因為到呢一刻我都仍然唔清楚自己有乜叻
雖然好多人都以為我叻 
如果佢地咁講係恭維話 OK, Fine~
但如果係認真o既話
咁我只可以話 我諗你真係無乜遇過叻人

第二我本來就係一個唔怕悶o既人
我好大部份時候都係自己一個人好簡單生活
但係我唔知點解十個著左七個半o既人都認為我唔悶得
的確 我久唔久鐘意搞下事
但唔代表我日日都想搞事

第三我唔係真係一個咁睇錢o既人
好多人都認為我大洗
好 呢點我都唔敢再否認
雖然我到呢刻都覺得唔係 
但或者我個standard set得同個average差太多
所以從客觀角度黎講我可能真係好大洗
但係我有幾多就會洗幾多 多有多洗 少有少洗
我無借人錢黎洗 亦都無搞到唔夠洗
我捨得洗錢 但唔等如我覺得錢好重要
唔等如好多野我都要同錢看齊

我覺得都幾燥 成日俾人咁問
差唔多個個都係咁o既反應
個個都係問同類問題
見到佢地個大驚小怪樣我會躁
或者你會話你咁問 咁o既反應係好平常
但重點係當我要經常俾人用咁o既反應看待我所選擇o既職業
然後我要再一次答同樣o既問題
我會躁 都係好自然
不過躁還躁 我唔會做得D乜
頂多係串少少 如果心情好我會笑住黎串
心情唔好 最多係好撚串
如果你接受到
其實從來無問題發生過

然後有部份人俾社會洗哂腦
對此 我唔躁 仲覺得幾搞野
我係到欣賞緊佢地洗腦得幾嚴重
首先 我話佢地知我無簽contract
呢句已經可以嚇死佢 好似大禍臨頭咁
然後我糧單乜公司印公司簽名都無
又係被認為一件好大鑊o既事
然後我有自己公司印 有時會簽文件
即刻驚我俾人扼 簽左文件 揹鑊上身
然後再講左一大堆相關事情

其實我唔係話佢地傻仔
我都好明白佢地係想我小心D
咁我都真係多謝佢地有提點我o既心意
但個重點係 我見到佢地對生活個份緊張感
好似有種被社會害左好多年
而家步步為營 每日一步一驚心咁過日子
香港人放鬆D啦
錢唔係一定要楂到咁緊架
有D野小心係好 但係有時有D鑊又唔係揹唔起
唔好搞到自己每日都起哂金剛罩咁過日子先得架

不過有時我都覺得自己衰衰地
見到人地驚同緊張緊 我就覺得幾搞野
然後我就會啪著左個大話西遊串咀MODE
自得奇樂
有時返工老板娘向我開火
我都會想笑 
當然 我唔敢笑出黎 因為我都唔鐘意俾人話
但係佢唔話都話緊 咁不如趁機欣賞埋happy下都好丫
不過人就係咁 如果佢不過係想搵你出氣
但係佢搵你出氣o既時候 你竟然無唔開心
咁佢就會抒發唔到佢D唔開心 然後就會更加唔開心
但我又唔會刻意扮唔開心黎娛樂人 因為我又無做錯野
佢話我都係一時口痕之嘛
咁我都係一個好專業員工黎o既
所以我會好好將笑容收好

今日啪著左個大話西遊串咀mode
以下係一段節錄 要留返俾比比睇, haha
A君說 (1:24):
比比?

我說 (1:24):
what

A君 說 (1:24):
比比 你放心 我會醫好你架

我 說 (1:25):
yes

A君 說 (1:26):
比比係cat?

我 說 (1:26):
係呀

A君 說 (1:27):
haha

A君 說 (1:27):
我岩左

我 說 (1:27):
係呀
你o岩左
比比唔係人 係貓

A君 說 (1:27):
你而家有cat ar?

我 說 (1:27):
不过我想話

A君 說 (1:27):
話乜呀

我 說 (1:28):
如果比比真係貓
我寫係msn你估佢識唔識睇喇

A君 說 (1:28):
唔識 

A君 說 (1:29):
咁係貓定係人呀? 

我 說 (1:29):
朝早係貓
夜晚有月亮就會變成人

A君 說 (1:29):
 ]

A君 說 (1:30):
咁究竟乜係比比?

我說 (1:31):
比比其實係我火星o既同胞
今日黎左探我
唔慣地球空氣所以而家病左

A君 說 (1:31):
 
A君 說 (1:31):
你係咪講緊卡通呀

A君說 (1:32):
 
我 說 (1:32):
唔係ar

A君 說 (1:32):
一頭霧水

A君 說 (1:33):
 
我 說 (1:33):
咁係正常架
唔駛擔心

今晚講左好多只有我自己明o既說話
但真係好搞野 
我一路講msn一路笑
我諗無人知我邊句真 邊句係假
又或者某人以為全部都係真
某人又以為全部都係假
不過問題係 你會唔會以為我真係咁浪漫
將自己放係一個咁不利o既位置
你唔明 唔緊要
我明咪得囉
反正你地從來都無去參與我o既人生

你的離開 我的生日 他的婚禮
還有許多零零碎碎的殘渣
把我一點一點地埋下去

我原本以為我們不再相見
我原本以為已成過去
即使現在我還是相信不再開始
但我無法預計水花還會濺起

我以為我不再眷戀你的一舉一動
我以為我會缺絕
最終我還是屈服了
但這不是屈服於你之下
我只是屈服於我的長情
以及我對你永無止竟的容忍
我為你那個可以沒有我的人生
獻上最後的花
我以為至少還有這一天
把你和我變成密不可分
最後我還是留不住你的目光
你從一而終地讓我失望
從開始到現在

我對誰都停止了一切歇斯底里
不再問以後 也不再提現在或從前
對每一個人也表現得很平淡 
或表現得很幽默
但那個真正的我從不消失
它活在我的心底
那是我最珍愛的自己
我認為最美的一面
雖然他不被寵愛
但我堅決不會把它捨棄

我就是我

所以我帶著最愛的自己一同私奔
留下那個自己都不希罕的自己獻世
你以為我還存在
但其實 我已經那裡都不在

這一切
如同我對你的感情
你是我最珍愛的人
我失望及不喜愛的不過是我們之間的關係
以及你對我的態度
但我還是從一而終喜歡你這個人
你的一舉一種 你的思想 神態 情緒
那管你是快樂還是崩潰墮落 聰明或是傻氣
專屬於一個人的感情 永不磨滅
對你 我永遠愛戴
我堅決不會捨棄這份感情
縱使最後你們都離開了我

我就是我
但我過份勇於面對自己的所作所為
縱使已發展至殘缺不全
但我還是不曾為任何事情後悔
所以我變成不願重新開始任何一件事
固執到底

很久的當年 媽媽天天忠告 
好心交給人 總可得到好報 
過去按這教導埋頭做 
可惜隨年長一步 傷口隨年多一度 

伸出手攙扶 遭鬆開手警告 
交出心戀愛 反得傷心的控訴 
厭棄我過份熱情流露 
或是仁慈得恐怖 燙手我已怕碰到 

彷彿背上十字架捨我救贖未算好 
愈奉獻得到結局愈殘酷 
教我為免傷勢再會變更糟 圍牆變更高 
圍住了自己的去路 防護罩終變成墳墓 
將根本的我葬下去獨自老 

伸出手攙扶 遭鬆開手警告 
交出心戀愛 反得傷心的控訴 
厭棄我過份熱情流露 
或是仁慈得恐怖 燙手我已怕碰到 

彷彿背上十字架捨我救贖未算好 
愈奉獻得到結局愈殘酷 
教我為免傷勢再會變更糟 圍牆變更高 
圍住了自己的去路 防護罩終變成墳墓 
將真的我埋葬下去 哀悼裡獨個漸漸老

今日真係用盡左整整一日
星期六 早上半日如常返工
放工即刻去左M記 原來而家M記有玉貴狗D野換
每款只係8蚊 討厭儲野o既我都換左隻
因為又靚又得意又平又實用
覺得真係物超所值 買到正野好happy~~
買完個餐但只係食左半盒薯條就打包哂剩低o既野
因為趕住一點八睇盜墓迷城3
好耐無入過戲院
但其實我都幾鐘意係戲院睇戲
因為係戲院睇個feel真係會正好多
套戲差極會有限
情況就好似熱辣辣o既野食
難食極會有限 哈哈哈~~
所以D人話盜墓3好差 我又唔覺
我覺得都OK 係不淪不類左D
但音效都做得幾好
至少我打包左D野食入戲院
會掛住睇戲而最後成個包無食過
所以證明套戲唔算太差 haha~~

睇完戲之後即刻入左東涌 去左個會所打左2粒鐘羽毛球
幾年無打過 細個仲要係好少打
但我竟然覺得自己打得好過以前好多
hahaha~~好神奇~~~
我本來仲expect自己係走唔郁打唔中
但原來唔係~~~ha
久唔久運動下真係幾過癮
個人打完都會輕鬆返~
而且過程亦都好搞笑~~
不過東涌個環境真係relex D
連個商場design都會做返休閒feel
行遠D 離開市區 果然係唔同好多

之後打完波 沖個涼之後 仲要去大食一餐
龍蝦 鮑魚 魚翅 海斑 乳豬 好多好多.....
個壽包最可愛 好大好大個 仲要一大籠熱辣辣上
好得意 好好味~~~~~
仲有D餅仔都整得唔錯 但係已經太飽 食唔到好多

但全日最正o既一點係
成日連玩連食連車費仲要連埋換王貴狗都駛唔超過五十蚊
呢一點先係最happy o既原因~~~~~~哇哈哈~~~
我要實行我有得玩有得食用得少錢o既宗旨!!!!!!!!!

不過凡事都有代價 就係攰到個人散哂
第二日周身骨痛 隻手無哂力
我仲搞到打爛左係澳洲拎返黎o個隻杯~~~唉~~
覺得好唔捨得 話哂佢係澳洲陪住我
我通頂趕功課捱夜飲熱咖啡都係用佢
而家打爛左 好sad
個殘骸唔捨得丟 睇下仲有冇得救
覺得自己自從返左工真係笨左好多
成日撞到自己周身傷瘀哂
仲要唔係瘀少少 係幾嚴重下
有幾個人已經叫我去驗下眼
佢地話我可能近視所以成日撞到野
但係我又覺得自己睇野好清楚
真係唔似有近視
如果我對眼真係有問題
我覺得唔會係近視或遠視
頂多會係老花..............= =

不過人蠢就係蠢
邊到有得賴近視
我蠢我認

今日又係出糧日 終於係整整一個月o既糧
象徵式俾左一千蚊阿媽
阿媽好好人 佢問返我有無錢洗先
如果唔夠洗就叫我留返自己用
突然覺得自己搵咁少錢有D過意唔去

自從做左野意識到自己係一個窮人
身家已經見底
諗返轉頭 都唔多記得o個十萬洗左去邊
我諗不外乎都係飲下食下 買下野 去一兩次旅行
唔見得做過D乜大事 但係錢就已經唔見左
但係我無後悔 反正錢本來就係要黎洗
我雖然唔太記得D錢用左係邊
但同時我亦記唔起有邊次洗左係唔應該洗o既地方
除左o個一次 但當買個教訓
而且又唔係真係去到咁差 
不過我一定唔會再俾自己有下次
所以可以算係洗得無怨無悔
再且而家又未到要憂柴憂米
錢財身外物 何必太在意

曾經有D人問我點解咁多錢洗
我成日都會笑笑口話俾人包起左
唔知有無人真係信
但如果有人信左真係要驗驗眼同IQ
因為邊有人咁肯蝕底拎錢黎包我D咁o既質素o既人
如果真係有 唔該快D介紹黎
不過係我個人立場黎講
呢十萬應該都算係唔見得光o既地方黎
但每一件事終會有佢o既代價
只係差在你願唔願意負責
同幾時及咩方式去償還
但係呢十萬我本來就唔係為左吃喝玩樂而籌備
佢係助我改變自己整個人生o既踏腳石
最後胎死腹中 錢還在手 
倒不如吃喝玩樂去罷
不願再想太多

不過積蓄防飢好重要
所以由而家開始我要將每一蚊 每一分資源
都要用得其所 儲返D錢返黎
不過我係一個唔主張慳錢o既人
因為我相信錢唔係慳返黎 
而係因為懂得運用錢而生財
如果一件物件經過計算所有tangible cost及intangible benefit後
真係值$1000
我絕對唔會為左要銀行戶口個銀碼保持不變
而唔買呢樣野
如果錢能夠買到快樂 我覺得已經係物超所值
因為對我黎講 我o既快樂實在太罕有
而且我覺得一個人如果去到無錢旁身o既地方
好手緊
真正原因唔係單單因為佢買野太多
而係因為佢無將一蚊當成一蚊咁洗
即係佢總係用一蚊買左只係值五毫o既野
呢種洗錢心態先係真正致窮o既原因
所以我o既target係 
一係就保持生活質素依舊但係用o既錢少左
如果唔係就用o既錢係一樣咁多但係生活質素上升
我唔係單單追求要慳多D錢
我覺得有好多野 用下腦花少少心思 安排下
Make and Match
同樣可以用好少錢就做到好多野
呢個世界其實存在著好多種玩法
但同時又會萬物歸一
兩者並列但絕不矛盾