目前分類:月食 (779)

瀏覽方式: 標題列表 簡短摘要

從未試過咁早食 #月餅, 打開雪櫃仲見到粽嘅踪影...... #皇玥 月餅聽都未聽過, 但送到埋黎唔係唔食嘛. 睇書仔介紹原來都有來頭, 曾經喺 #半島酒店 #嘉麟樓 做嗰位師傅, 即係發明 #奶黃月餅 嗰個人走左嚟呢到. 收到四個口味 #流心奶黃月餅 我無試唔知咩料 #流心芝麻月餅 我都係無試, 但有人試左三個味, 話呢隻最好食. #流心薑汁白蓮蓉月餅 有意思, 首先我鐘意食傳統白蓮蓉月餅, 呢款保留到之餘仲加左薑汁搞新意. 薑汁個味唔弱雞食得出, 中間做返少少奶黃流心, 無食成件都係奶黃咁膩, 呢個值得推! #迷你奶黃月餅 同平時美心嗰啲無乜分別, 亦即係同食奶黃包差唔多, 成舊都係奶黃其實有啲over, 叮完仲衰, 成舊淋左好似齋食奶黃包個饀但無包, 連皮都化埋做餡膩到呢. 流心嗰三款一切已經流梗, 唔駛拎去叮先流, 如果叮左應該會奶野. 價錢同美心差唔多, 食悶左奶黃月餅可以轉下呢個有多啲味揀, 同埋可以雙拼, 而且淨係講個包裝都已經羸左幾條街.

20190614134944.pdf1

$368係正價, 早買平一舊.

20190614_112929

收到四個唔同口味, 每盒兩個.

20190614_112504

睇落雖然細細件, 但食半個都已經好夠皮.

20190614_114440

唔戴套是這樣的

20190614_114702

一切開已經流心, 唔駛拎去叮先流搞咁多野.

20190614_114611

流心芝麻月餅切開瞬間晶瑩剔透

20190614_123849

淨係得個盒無月餅因為一開始以為兩盒同味, 影左一盒就算, 食另一盒先發現原來唔同味, 但已經落左肚🤣

永藍蝶 發表在 痞客邦 留言(0) 人氣()

幾年前韓國出品Market O Real Brownie hit過一排, 雖然熱潮過左, 但咁多年都仲有得賣未消失算捱得. 其實佢做唔到Brownie嘅煙韌同濕潤感, 一口咬落去無阻力到底粉粉地, 但不至於餅乾咁乾, 放入冰箱雪完硬左係有返啲咬口, 但食落其實同朱古力差唔多. 一舊好細得兩三啖已經120kcal, 咁不如直接食3格朱古力仲滿足, 反正都係一樣肥. 幾年前買嗰盒包裝有教放微波爐或焗爐熱一熱佢, 嗰時我有試的確係熱左口感似啲Brownie, 但係咁細件野仲要搵個碟載住先可以翻熱 (包裝袋唔入得爐), 要我服侍佢一輪先似返啲Brownie, 而家年紀大無咁天真搞呢啲😑佢似Brownie嘅地方主要係味道, 好濃蛋糕類嘅朱古力味, 將呢種味道放喺未到餅乾咁乾嘅質地, 再改個Brownie名的確係可以幫助聯想, 但僅限聯想. 一盒四舊好細件賣$18.9唔係平, 既然做唔到Brownie質地已經無乜存在價值, 如果想要呢種味不如直接買朱古力蛋糕, 畀多幾蚊大大件. #MarketO #Brownie

20190602_132317

個樣堅似Brownie, 可惜質地唔得.

20190602_125745

$18.9其實一部份去左包裝, 個盒手感圖案都幾精緻.

20190602_125810

1件24g有119kcal, 3格吉百利提子果仁牛奶朱古力25g有129kcal, 相差唔多我寧願食3格朱古力, 襟食啲, 口感又比佢好.

20190602_131625

雖然半年食用限期偏少, 買嗰時又已經過左兩個月, 但份量咁少一下就食哂.

20190602_132034

宣稱有52%真正朱古力, 同實情吻合, 朱味的確係濃, 不過不如直接食朱古力.

永藍蝶 發表在 痞客邦 留言(0) 人氣()

無論係夜晚喺 #旺角 一個行完街, 或者同人食完晚飯想搵個地方hea多陣, #泰和堂涼茶館 都係經常諗起嘅地方. 其實佢唔至於好好食, 但係廿幾蚊食碗中式糖水可以慢慢坐, 唔係咁多選擇. 旺角好多都係偏西嘅甜品鋪, 埋單每人通常要半百, 呢到經濟實惠, 雖然間鋪殘殘地, 但食左咁多年, 反而多左情意結. 今次食 #椰汁黑糯米 對於飲乜都鐘意少甜嘅人黎講甜左少少, 但完全係接受範圍之內, 熱辣辣幾香甜, 但講唔出有乜過人之處. #黑糯米 質地無麥米粥咁好咬口, 但又無紅豆沙咁淋, 處於兩者之間, 想食淋得黎又有啲咬口揀黑糯米就啱喇.

20190612_211939

一年加左兩蚊, 睇黎好快要改口叫三十幾蚊碗.

20190612_212258

唔知係咪個樣似紅豆沙, 食嗰時都覺得同紅豆沙個味幾似😅

永藍蝶 發表在 痞客邦 留言(0) 人氣()

這家餐廳前身是Weinstube,易手後裝修與菜式沒什麼改動,但食物質素差別明顯,不過我已多年沒光顧Weinstube,所以這說法是把現在的Prosit Bar and Restaurant與多年前的Weinstube作比較,也許接近易手前的Weinstube與我記憶中的Weinstube已有巨大差異。先不拿現在這家餐廳與前身比較,單是評論當下菜式,質素也有很大不足之處,下面一一細說。

20190608_141737

餐廳位於大廈一樓,地方小小的,除去酒吧部份,只可招待不多於十桌客人,小規模的店面頗有家的感覺,生出一份親切感。然而,若不幸碰上幾桌客人是同一伙,卻又不是完全包場,情況或會挺吵人,這裡地方小,他們幾桌互相聊起來聲浪可不小。

20190608_143736

德國香脆咸豬手配酸菜及烚薯是我吃德國菜的必點菜式,這裡做得非常差,咸豬手不香不脆,豬皮厚硬硌牙,豬肉也粗糙得很,吃這盤東西就是跟牙齒較勁。酸菜的口感像是被半脫水,"乾爭爭"的無趣。烚菜反而成為最正常的東西,因為做這個既沒有特殊技巧,而且理應淡而無味,但同時難以稱得上可口。

20190608_143725

白酒磨菇汁牛仔肉配炒薯肯定比硬邦邦的豬手要好,牛仔肉裹上炸漿下油鍋,口感是既脆且綿,炸過的牛仔肉依然軟而濕潤,尤其有了豬手的對比,牛仔肉的口感好太多了。然而,它的脆未算上盛,炸皮不夠乾爽,而且牛仔肉的味道有些過咸,這種咸使人感覺食物廉價。雖然餐牌所示這道菜提供的是炒薯,但薯仔看着吃着也似是炸過,油炸食物本來就易於俘虜舌頭,所以絕不難吃,但是它的口感偏乾且沒什麼薯味,大概屬於連鎖快餐店的質素吧。這道菜的好只有牛仔肉沒豬手硬,質素太有港式快餐的感覺,做不出價值二百五的味道。

20190608_161543

我們先點兩道主菜,本來想再多點一份,可是吃過前面兩道菜已經不想再碰壁了,但是我來之前已決定吃德國式蘋果批,想着這是最後一次來,死就死吧,把甜品點了。想不到是主菜很差,但甜品大大挽回了分數,讓我有了再來的理由。

20190608_161700

首先我特別愛吃熱甜品,但是西式的熱甜品不多,我以為德國式蘋果批是處於室溫狀態,想不到它是熱哄哄的。蘋果批表皮有着酥皮的脆,帶着淡淡肉桂香,我本身不太喜歡肉桂的味道,它給我的感覺是味道濃俗卻在裝淡的Bitch😂這個肉桂的味道卻是淡淡的清幽,我喜歡。餡料我只認得出用上果仁與蘋果肉,甜味不太重,味道舒服。然而,餡料的口感太乾了,不能一直單獨吃,這時候伴的雲呢拿雪糕正好大派用場。把雪糕塗上蘋果批除了可滋潤它,當熱的蘋果批碰上冷的雪糕形成冰火效果產生出說不出的滿足感,而且這種雙重甜味跟單獨吃蘋果批有所不同,別有一番新鮮感。

20190608_143931

這裡有賣奧地利的生啤Stiegl,看圖理解是一種帶西柚味的啤酒。

20190608_142112

這款Stiegl生啤非常容易入口,沒有苦澀,雖然喝不出西柚的味道,但味道很清,合乎帶水果氣的啤酒質感,而且味道沒到白啤的淡,不過平常愛喝啤酒的人大概會嫌它啤酒味不夠濃郁。

20190608_165509

Erdinger Hefe是我愛喝的啤酒之一,雖然它的味道也是偏淡,但麥味還算是明顯,而且我喜歡喝着它的時候感覺到氣很綿密,令人舒暢!

20190608_142030

Hong Kong Gunner是一款Mocktail,我沒有嚐,不過朋友說好喝。

飯後感是我對這裡的主菜與炸物毫無興趣,要不是德國式蘋果批出現,肯定差評。我很有意欲再吃德國式蘋果批,而且來喝Erdinger與Stiegl生啤也不錯,但是甜品配啤酒怪怪的,也許下次點一盤香腸來配啤酒吧。香腸多是現成貨,在餐廳裡或煎或烤加熱就成,一般不會出現太大問題。此外,這家餐廳於網上訂座可享折扣,雖然只適用於餐牌內的單點食品,但某些時段可打六折,真的能省下不少。

永藍蝶 發表在 痞客邦 留言(0) 人氣()

最好味嘅朱古力一定係 #提子果仁牛奶朱古力 超鐘意裡面有提子乾煙韌口感加埋果仁硬脆嘅咬口, 仲有提子乾嗰隻果甜又係正嘅👍必須配milk chocolate, dark chocolate太苦我唔識欣賞. 牌子唔重要, 平平地$9.9 #吉百利 都已經可以滿足, 反而貴又食唔出有乜更好感覺係蝕左😅 #Cadbury #Chocolate #朱古力 #巧克力

20190601_091329

唔一定食吉百利, 總之價錢大概十蚊就ok.

20190601_092100

吉百利呢隻一條50g有6格, 一格就已經食左43kcal🙈

永藍蝶 發表在 痞客邦 留言(0) 人氣()

前幾日吹水提起 #水煮魚 一講起就搞到勁想食, 於是即日衝左去, 仲要在場根本無乜人食, 我都堅持叫一盤, 最終自己啃左半盤, 半盤打包. 因為隔兩日個胃先得閒食, 所以成盤放入冰箱諗住會keep得高質啲, 琴晚諗起今日有得係屋企慢嘆水煮魚咁疏肝仲好期待.......但想法太美好, 結局神反轉😭呢盤野翻煮之後成為我印象中最難食嘅辣, 放左兩日啲魚唔滑好正路我接受, 但佢個辣係食一半都頂唔順. 當日即食仲食得好輕鬆, 覺得辣多少少都OK, 兩日後個辣濃縮左, 辣多成倍都有, 食嗰時上顎即腫, 食完耳仔同胃都feel到拿住. 辣都算, 仲要有苦味, 我諗係啲調味已經高度濃縮到苦😓本來仲煮左碗麵諗住撈汁食, 但所有野都只係食左一半, 個辣其實慢慢食係勉強食到, 但咁肯難食, 食哂即係浪費自己, 一半倒左. 之前覺得食水煮野咁大盤汁淨左唔打包好可惜, 今次打包雖然好難食, 但我呢世都唔會再覺得唔打包水煮野係可惜, 因為拎返去都係廢......唔夠人我唔會再任性叫水煮野🤦‍♀ 

20190602_120052

成盤冰左係咁樣

20190602_120611

煮嗰時成個廚房勁大陣味, 屋企人聞到係咁咳, 我唔咳但食到流鼻水🤧

20190602_122644

一熄火極速瓊油😱

20190530_131943

當日食真係正嘅, 如果唔係趕時間, 同埋叫左太多其他野食, 我覺得自己食到八成.

永藍蝶 發表在 痞客邦 留言(0) 人氣()

近來幾鐘意食J'aime Pain嘅 #車打芝士軟法包 質地一啲都唔軟, 但唔知點解叫佢做軟法包, 明明平時呢隻係一般 #法包 佢啲車打芝士好夠味, 一咬到芝士粒成個口就好香, 芝士個酸味偏重, 酸味令到芝士味好突出. 仲有平時我覺得芝麻係得個樣睇, 唔會真係食到咩味, 但呢個黑芝麻好加分, 成條包都有陣陣芝麻香, 嗰陣香味就好似焗爐烤出黎嘅香味, 我可以一次KO成條! #JaimePain@旺角亞皆老街100號地下B舖

20190601_151642

一條$16

20190601_152358

芝士粒唔係放好多, 但勝在芝士味夠濃, 咬到一粒接住幾啖都仲有芝士香係口.

永藍蝶 發表在 痞客邦 留言(0) 人氣()

這家作為房署職員飯堂的餐廳,只有晚市時段才對外開放,晚飯提供酒樓小菜,款式雖沒酒樓多,但比茶餐廳多一些,價錢則跟茶餐廳差不多,只是多了每人$5茶位費,並無加一。環境似酒樓,然而沒有酒樓寬敞,但比茶餐廳與快餐店要好,這家餐廳整體來說是酒樓以下,茶餐廳以上。

20190531_185610

羅漢上素是一道我很少吃到的菜式,平常在餐廳也不多察覺到它的存在。材料有粟米芯、雲耳、草菇、菜芯和筍,雖然是全素菜式,但吃起來一點都不單調,食材口感各有特色,比如粟米芯是爽硬的、草菇是軟滑的、雲耳是爽嫩的等等,組合成豐富的口感享受,而且全素菜式令人心理上感覺健康高營養,這道菜咱一美中不足是味道太淡了。

20190531_190129

海鮮豆腐煲勝在材料豐富,魚塊、魷魚、鮑片、蝦與豆腐共冶一爐。海鮮類食材全是雪藏貨,毫無鮮味,但以$65的價錢來說,早是意料之內,也沒有覺得受委屈了。雪藏貨好不好吃,純粹視乎汁料能否救場,但就如上一道菜的情況,味道是過淡了。其實不只這兩道菜,這裡大部份菜式都做得偏淡,就連豉油也是調成淡淡的。我本想向侍應取豉油為餸菜添咸,侍應即事先說明他們的豉油是調成特別淡,看來味道淡不是這裡的問題,而是一貫風格😅 還好他們的淡沒到病人餐的程度,而是在可接受範圍內的最低下限,所以並不至於令我們討厭。這道菜最好吃的是豆腐,雖然它是下價食材,但正因為便宜,所以用上新鮮食材。豆腐嫩滑,我又特別愛吃豆腐皮被油泡過的香口感,而且豆腐容易吸收味道,即使汁料略淡,反而味道是最濃郁。

20190531_190310

西芹腰果牛柳粒味道淡,牛肉帶有經過梳打粉處理的質感與味道,但並不嚴重,其他食材表現中規中矩,合乎它的售價。

20190531_185748

菠蘿咕嚕肉未算做到外脆內嫩,表皮不夠乾脆,但質素絕對是達標的,大部份餐廳都是這種程度,外皮輕微軟掉不構成明顯問題。這道菜是當天味道最到位的,沒有太淡,但醬汁份量略少,難以完全覆蓋咕嚕肉, 看來這裡的廚子是一片苦心竭盡所能讓客人不要吃太多調味😅

20190531_191451

最後的燒羊鞍是當晚的重頭戲,一份七支骨的羊鞍賣$256,需要至少一天前預訂及繳付$500訂金。

20190531_191701

侍應溫馨提示羊鞍需半小時燒製,在我們點菜前已先向我們確認開始製作,可是吃起來沒有燒出來的香烤氣與質感,燒過的痕跡亦不太明顯,色澤偏淡,也沒有焦香。羊羶氣近乎全無,同行中有人不太受得了羊羶味,平常不愛吃羊,他也能吃下一件半,可見羶氣極少。肉質談不上鮮嫩,看着沒有煮過頭,可是口感還是有點粗糙。七支骨的羊鞍賣$256算是便宜,但是不論羊肉本身的質素,或是燒製技術都令人頗失望,不會再點。

20190531_191529

羊鞍附上三種醬汁,右面是薄荷醬混白醋,我向來不喜歡薄荷醬的味道,沒用上。我只用中間的芥辣,味道沒什麼特別,屬平常情況。左面似是頹飯所用的燒汁,這個我沒用在羊肉上,但非毫無用處,我把它澆到白飯裡,因為這裡的白飯太乾硬了。

特別提一下服務員,負責我們的侍應態度良好,笑面迎人,工作快手利落之餘還順道跟我們聊上幾句,也會溫馨提示我們該注意的地方,不過這不代表全部,因為我曾致電到餐廳查詢,接電話的人態度明顯敷衍。這裡大多菜式定價在五六十元,經濟實惠,味道雖然比較淡,但算是在接受範圍之內,而且每人只需多花$5可享有比茶餐廳和快餐店舒適的環境,我把這裡當做高階版茶餐廳。一份燒羊鞍的價錢佔上這頓飯的五成開支,質素卻令人失望,不會再點。既然這裡的菜式大多不過七十元,表示這個範圍的菜式才是他們的專長吧,價錢近百的菜式不見得貴了就擁有相應的廚藝做好,畢竟這不是他們做得最多的菜。再且這裡連豉油也是偏淡,要是花上百元吃到的食物卻是味道太淡,容易招人不滿。看在價錢經濟份上,與較舒適的環境,我很願意再來光顧,但策略是挑選不多於八十元的菜式。

永藍蝶 發表在 痞客邦 留言(0) 人氣()

食嘅野只要我未死佢未執, 我覺得總有一日會食到, 所以儲埋儲埋水蛇春咁長嘅備食清單. 兩年前post #車厘哥夫 菠蘿包嗰時有人推介車輪包同十字包, 車輪包早就試左, 當時封佢為"我食過最難食嘅提子包", 時至今日依然無變😑至於 #十字包 朝早無得賣, 所以一直未試, 今日下午終於經過鋪頭買到, 見佢原來又係提子包心感不妙, 但waiting左咁耐唔食又唔得. 佢當時放埋同提子鬆餅一個盤賣, 食落估佢唔到有驚喜, 麵包樣但係鬆餅feel, 果然近朱者赤, 但又無鬆餅咁實, 佢突破左有時鬆餅太乾硬嘅問題, 仲要$7.5大大個! 我鐘意食鬆餅, 如果佢朝早有得賣就好可以做早餐. #旺角 彌敦道760號聯合廣場地下G29號舖

20190525_161842

十字包勉強可以睇到面頭有個十字痕

20190525_162412

佢係包中有鬆餅, 所以有返啲包嘅柔軟度, 無一般鬆餅咁乾硬.

永藍蝶 發表在 痞客邦 留言(0) 人氣()

#McCafe 學人玩 #芝士奶蓋 奶蓋勁咸仲要個味好化學合成假到呢 #四季春 齋飲無問題, 即係綠茶包整凍嘅味, 茶包有茶味(呢句好廢), 但純屬普通野. 當奶蓋同茶攪混就hihi了, 好似飲奶水咁. 我呢杯係免費送, 用錢一定唔買, 如果送多杯畀我都唔會飲, 完敗! p.s. 呢杯野無甜味, 唔知點解個App有得揀幾甜, 我要少甜係連甜都無.

mccafe-cheese-series_pr-image_15992830355cdbaa3a920190518_185005

永藍蝶 發表在 痞客邦 留言(0) 人氣()

在家食好西❤
#Ebeneezer's Kebabs & Pizzeria
#其實唔算好西大學Version無標準分店咁好食但價錢平一大截
#其次外賣焗住一段時間口感實無即食咁好

20190518_190611

永藍蝶 發表在 痞客邦 留言(0) 人氣()

#HARIBO #熊仔糖 由細食到大, 一直鐘意佢夠硬好咬口, 但呢包德國直接黎嘅軟好多. 雖然佢都係水果味, 但啲生果大部份同香港唔同, 仲要有藥水味, 不過唔係好勁, 但質感同味道都同香港買嘅無得比. #德國熊仔橡皮糖

20190516_131021

永藍蝶 發表在 痞客邦 留言(0) 人氣()

#芽莊越式料理 本來好鐘意食佢牛河, 但今次差左好多 #河內牛爽腩粉 啲肉靭到咬唔爛, 湯底又無咁濃味, 之前啲辣椒落兩三粒已經好有辣味, 今次落哂都唔覺辣, 同埋啲湯唔係好夠熱. #鑊仔牛柳粒 配嗰個沙律改左, 之前多洋蔥同埋個汁夠酸勁好食, 叫呢個我為左食沙律多過食牛, 而家沙律變返普通野, 無乜吸引力. #燒豬扒撈檬 一向普普通通同之前差唔多. 炸野整得好好 #芽莊牛油雞翼 #越式炸春卷 好脆同勁熱, 炸野夠熱食落無咁油膩, 雖然碟面都係有層油, 但入口一啲都唔油. 最有驚喜係 #牛油果沙冰 平時唔食牛油果, 第一次試呢個, 其實佢似奶昔多過沙冰, 加左奶飲落唔重牛油果味, 反而多左一種清新味道, 下次會叫呢個. 呢間野我當係越式快餐店, 百幾蚊食得飽, 只要唔差得太過份久唔久都會黎食.

20190515_20412320190515_211646

永藍蝶 發表在 痞客邦 留言(0) 人氣()

現在要找一家不限用餐時間的火鍋店有點難,先不說那些便宜的日式任食火鍋,就連人均三四百元的火鍋店也設兩小時限制,所以這家餐廳不設時限有加分。

20190514_183918

這家餐廳面積很大,樓底又高,座位編排不擠迫,空間感很好。環境設計也頗有心思,打造成書房的感覺,入口處佈置了美美的打卡位,飯後跟親朋來張大合照留念也不錯。

20190514_183850

用一顆花生作為筷子座挺有趣,我嚐了一顆,已經潮掉,這個果然只適合用作筷子座😅

20190514_192455

這裡主打椰子雞鍋作為湯底,我們選了原味海南椰子文昌雞鍋半隻。

20190514_193229

水煮開後將所有雞下鍋,把火力調到P2,然後用沙漏計時,待沙子從一邊全落到另一邊方可開吃。當晚沒有任何侍應告訴我們這些步驟,侍應把食物放下就走,不開鍋,不說用什麼火力,不解釋沙漏用途,不告知要煮多久,我知道這些只是因為已經來吃過十次八次,但從沒來過的客人又如何得知這些呢,豈不白白糟蹋食材。

20190514_194216

在我還沒到達餐廳的時候,椰子湯早已備在爐上,所以我們不管點半隻雞還是全只雞,湯的份量也是一樣少。這裡給的椰子湯越來越少,以前食物吃完了,大家還會把湯分着喝,現在是用來煮食物都不夠。加椰子湯需要額外付費,否則只能加疑似熱水的湯,反正就是沒什麼味道。椰子湯也沒有以前甜,但沒有對比就沒有傷害,朋友第一次來吃,他覺得湯很甜,當然我也不覺得現在是差,不過以前的確更高質。雞倒是沒什麼改變,只要掌控好烹煮時間,沒把它煮過頭老掉就行,所以侍應不說明煮雞步驟對服務質素非常扣分!此外,不要錯過椰子雞鍋裡的椰肉,煮過的椰肉有些會變得特別軟滑,沾上醬油很好吃。

20190514_192840

本來看見這裡有金沙脆魚皮滿心歡喜,還要送上來很大一盤更開心,可是吃一口就心碎了,咸蛋黃味弱,主要是靠咸蛋黃黏在魚皮上的泥沙口感來體現咸蛋黃的存在,而且有一點潮了硬上來,我都不想承認這是脆的,絕對不是現炸現上。

20190514_192627

除非是很熱愛花雕酒味道的人,否則這個花雕鮮雞子十有八九對他們來說是難吃,它的花雕味是重到苦的程度。我不愛吃花雕雞,但要是同行人點了還是會吃兩三塊,這個我嚐過後拒絕再吃。

20190514_192721

冰球鵝腸是真的把冰球的上方切掉拿來當盤子用,鵝腸新鮮爽口,煮過後不會卷縮得太嚴重,不過鵝腸肥美程度略欠一些,但冰球造形加上新鮮爽口這點還是值得點來吃。

20190514_192930

我朋友特別喜歡嚐新,他看見餐牌上有我們聞所未聞的水菜嚷着要試。雖然吃火鍋必點蔬菜,但對我來說不過是用來去除油膩感,肉和海鮮吃多了就想吃幾口菜來平衡一下。然而,這晚我最喜歡的偏偏是水菜,我稱它為柔嫩版油墨菜,油墨菜也屬柔嫩的菜,但水菜是更上一層樓。菜葉吃着有柔滑口感,菜梗雖沒有葉滑,但也是爽中帶柔,這種菜既好吃又給我帶來新鮮感。

20190514_193027

脆肉鯇骨腩的賣點是它獨特的爽脆口感,可是這條鯇魚生前是玩健身吧,肉質結實到偏硬,爽脆口感自然弱掉。鯇魚帶泥味是很常見的事,這條健身鯇也有一點泥味,不過算是輕微,不好說這是缺點,因為已經很久沒遇到完全沒有泥味的脆肉鯇骨腩,久到都不知道根本存不存在於世上。

20190514_193313   

手切本地新鮮牛肉是餐廳裡最貴的牛肉,肥牛煮過後多是變薄,這個煮過後厚度沒多少變化,但它本身切得挺薄,所以煮過後的厚度完美,不會太薄又不會不夠薄,吃起來嫩嫩的,口感有加分。膏脂多的部份更好吃,嫩中有一份爽口感,遺憾是以這個價位來說牛味屬淡,未能品嚐到香濃的牛味。

20190514_201429

蜂巢豆腐軟綿綿,吸入椰子湯後甜甜的,很好吃,下次必點。煮的時候注意不要粗暴,否則散開碎掉。

20190514_210650

前面我說雞子難吃,一碟$88也沒覺得定價過高,這個$78一碟六隻的自家韭菜餃我才覺得真不值。它裡面全是韭菜,沒半點豬肉,而且餃皮破了,有些餃子還黏到一起,強行分開即破得體無完膚。即使沒有黏到一起,因為皮已破了,筷子隨便碰到也會爛掉。

20190514_191844

四季魔法梳打的味道挺像酸沙可樂橡皮糖,而且它氣不多,這就更像像皮糖的味道而不是梳打,不過這種味道無不妥,只是看名字以為是味道更特別的東西。

20190514_191904

四季文昌椰青不甜,但是椰水多得驚人,火鍋從頭吃到尾只喝掉一半,我可是一直邊吃邊喝,加上味道偏淡,我都懷疑是不是在裡面加水了。由於椰水超多,用不着多點一杯東西,當是幫忙省錢。

20190514_210907

海南柑桔檸檬沙冰酸酸甜甜令人很醒神,我們還把桌上本來備着用作調味的青檸擠出汁來澆在冰上,酸味加重後更爽。除了有汽飲料,這杯東西也很適合吃火鍋的時候喝,酸能解膩,沙冰又透心涼有下火感覺。 

20190514_203446

朋友點荔枝沙冰,他還刻意強調過,可是依然送來椰子沙冰,朋友不想浪費才沒換。這裡的侍應服務真的偏差,經常人手不足,老是要一而再再而三揮手,侍應做事也是隨便應付,不上心又不細心,還有前面說過的煮雞問題就不重覆再說一遍了。

食物有好有壞,但整體好比壞多,尚能接受。除了自家韭菜餃我覺得不值它的價錢,其他食物定價合理,但人均四百以上也不便宜,不過我們點得多了一些,而且手切本地新鮮牛肉向來是較貴的食材,我覺得要是控制好食物份量,人均大概只需三百。餐廳環境舒適美觀,侍應服務雖然較差,但他們的問題對我做成困擾不大。要是人均三百,又不設限時用餐,圖個舒適的地方慢吃火鍋是可以的,不過對食物與服務則要作出一點讓步。

永藍蝶 發表在 痞客邦 留言(0) 人氣()

呢個 #巨峰提子 #Kitkat 見到零食大王曾經賣$25, 但一盒只係得三小包, 食唔出邊忽值得咁貴. 佢個味其實都係白朱古力為主, 然後加返小小巨峰提子平時嗰陣假膠味, 但因為好弱雞, 所以唔會覺得膠, 但變左主要係食返白朱古力, 咁白朱古力實唔會唔好食, 不過感覺唔值呢個價位.

20190113_213630

平時就算食巨峰提子生果我都覺得個味偏人造, 所以可能只係我唔識欣賞掛.

20190113_213647

1小包65kcal

20190119_211433

咁貴得3包仲要係迷你版

20190513_221838

聞落就幾大陣巨峰提子味

20190513_222227

朱古力包威化餅, 甜中有脆, 只要個朱古力唔伏實好食, 不過都要睇返價錢值唔值.

永藍蝶 發表在 痞客邦 留言(0) 人氣()

距離上一次光顧三個月,環境沒變,依然寬敞舒適,但是餐牌完全改了,之前來吃過的東西一件不留。這裡有個小缺點之前沒提及,就是食物選擇不多,但這次餐牌改動徹底消掉這個缺點,食物選擇幾何級數增長,海鮮類選擇尤其多,從輕食型餐廳躍進成更全面的西餐廳。

20190511_192956

每一口都是滿滿蟹肉的Jumbo Crab Cake很適合作為頭盤,蟹肉的鮮味喚醒味蕾,半煎炸的食物香脆誘人,這道菜做得算是到位了,我不介意下次再點。然而,上進空間還是有的,比如蟹肉的鮮味其實鮮而不甜,它的鮮味有點人造質感,我猜它並非全用上真蟹肉,或是用的雪藏蟹肉經過調味處理。此外,個人喜歡表面煎炸得更香脆一些,最好連邊緣也做成脆脆的。

20190511_192818

青口不是每家西餐廳的必備菜式,所以在這家我原本定位為輕食型餐廳的地方看到它甚為驚喜。Mussels Mariniere是白汁煮青口,這個白汁不帶芝士味,味道是牛油與奶油為主,醬汁香滑俱備且濃而不膩,朋友們一致讚好。青口質素合格,但不算肥美,而且好幾個沒開口。

20190511_194431

由於白汁做得特別好,我們點了一個Side Dishes份量的Squid Ink Linguine來"吸食"白汁。墨魚汁意粉有嚼頭,沒有做得過軟,雖然有墨魚汁成份,又以牛油炒過,但它沒什麼味道。反正是用來吸食白汁,沒味道完全不成問題,達到我們想要的效果,白汁配上它事半功倍。

20190511_193142

青口其實附有薯條,但要是能換上麵包更好,薯條不能多吸汁,而且它的質素也不過是比老麥好一點而已,吃起來沒老麥膠,也比它熱,但質感與薯味不怎麼樣。

20190511_193041

Pizza Prosciutto Di Parma即巴馬火腿薄餅,以火腿、火箭菜、芝士與茄汁組成,簡單的配料做出來的味道安全通過,但是餅底質素一般,薄批偏硬,而且稍為冷下來更硬。還好它是薄批,硬起來也有限度,所以在味道過關的情況下算個合格。

20190511_192839

朋友點了Special Cocktail,Harbour Grand Kowloon成份有Vodka, Lycee Liqueur, Blue Curacao, Grapefruit, Sprite,味道挺像波子汽水,酒味不太重,不過我只是拿匙子嚐了面頭一口,不知道用吸管從底下喝一整杯酒味重不重,但感覺朋友喝了後有進入興奮狀態,哈哈🤣

20190511_193757

另一杯Non-Alcoholic Cocktail選了Mango Cooler,以Mango Juice, Fresh Lime Wedges, Fresh Mint, Ginger Ale調製。看名字與飲料的外觀本以為是芒果味為主的飲料,但實情是極重草青味,而這個草青味絕不是薄荷味那麼簡單,真的就像草地上的草......還好我朋友特別喜歡草青味,所以他覺得挺好喝,要是沒有這種"特殊"愛好的人,我強烈建議別點。雖然點這杯東西的人覺得好喝,但基於它的芒果味太弱,我覺得沒做到它的基本標準,不合格。

20190511_194253

我喝生啤Stella Artois,味道微苦,這是預料之內,我只是在沒有更好選擇下才點這個。其他的選擇青島/ 嘉士伯/ Asahi/ Guinness對我來說更不吸引,不想在餐廳花上百元喝一杯超市主打品牌的啤酒,要是選擇多些更好。

20190511_203428

之前在這裡吃過焦糖燉蛋伴雲呢嗱雪糕,味道不錯,但餐牌更改後沒有了,侍應推薦Custard Flan with Cointreau,他說這個與焦糖燉蛋近似。的確兩者有相似之處,因為它就是冷版焦糖燉蛋,即焦糖布丁,可是我喜歡這裡的焦糖燉蛋是因為它未經冷藏,處於微暖狀態,所以跟我想要的有所出入。如果不談對溫度的個人喜好,焦糖布丁確實做得好,散發香甜濃郁的焦糖味,我吃下不少。雲呢嗱雪糕的奶味感覺沒有上次重,輕一點比較對我口味。這道甜品只有不知是橙還是柑的東西不想放入口,也許它泡過酒,似苦不苦,味道怪怪的。

20190511_203448

Pineapple Carpaccio with Coconut Ice Cream是椰子雪糕下放着刨出來的菠蘿片和蜜瓜粒,椰子雪糕真的富有椰子清甜,味道一點都不人造,很好吃。Harbour Grand Kowloon那杯飲料掛着一片又香又甜的新鮮菠蘿,所以我預想這道甜品的菠蘿不會差,結果並非如此。菠蘿味道詭異了,朋友說是罐頭菠蘿,可是罐頭菠蘿不是都放在糖水裡甜甜的嗎,這個不甜,也沒多少菠蘿味,水份又少,它就像被瀝成半乾的菠蘿。蜜瓜粒只有微甜,但已經比菠蘿好太多,這道甜品其實只有椰子雪糕能上場面。

餐廳的環境、人流與地段都非常好,食物價錢以酒店附屬餐廳來說不貴,它就是飲料比較貴,算上加一每杯上百元,不點飲料能省很多。食物質素以這個價錢來說有一點落差,我沒有覺得出了什麼大問題,只是相對它的價格沒有覺得很驚喜,但是這個價錢也是給得心甘情願。這裡的環境值得讓人花錢,而且服務質素不錯,餐牌改動後食物選擇更多,我大概會來得更頻密。

永藍蝶 發表在 痞客邦 留言(0) 人氣()

之前鐘意左McCafe爆谷焦糖芝士蛋糕, 見到 #Starbucks #焦糖布丁芝士蛋糕 又想試下, 但食一啖已經知道同McCafe無得比, 同埋佢賣$34, McCafe正價先$28, 買咖啡加錢仲要再平啲. 呢個蛋糕成個味都好淡又唔香, 追吃性弱, 同埋啲蛋糕越黎越細舊, 我都係食老麥算.#CaramelCremeBruleeCheescake #Cheescake #芝士蛋糕 #星巴克

20190509_164336

永藍蝶 發表在 痞客邦 留言(0) 人氣()

第一次食 #CroissantTaiyaki 係喺韓國街邊檔仔到買, 不過一直都知道 #銅鑼灣 #SOGO 有得賣. 之後喺SOGO買過兩三次, 但始終無韓國咁好食, 因為檔仔會即刻幫你夾返熱佢, 但SOGO無呢個服務. 作為半個紅豆控, 每次都係食紅豆味, 無特別只係豆沙包嗰種餡, 但鐘意食紅豆實鐘意, 佢外層仲有啲焦糖味, 又係我鐘意嘅野. 佢個皮係扁版牛角酥, 所以口感係硬啲脆啲少啲牛角酥裡面嘅鬆軟濕潤, 硬野啱我心水. 十八蚊一隻唔係咩貴野, 唔係驚為天人咁正, 但平民小食順路有mood買返隻咬下幾過癮, 不過都係差在無得返熱囉.

20190502_202306

紙袋兩邊開口, 雖然係方便啲食, 但唔方便在有時咬左幾啖唔食住要行街睇野, 拎住佢好唔安全好似啲碎就黎要跌出黎.

20190502_201751

擺出黎好靚仔, 我以為呢啲係放出黎賣, 但原來得個睇字, 我諗返都唔肯定呢啲係道具公仔定真係食得.

20190502_201842

畀錢之後個哥仔轉身係後面拎左塊畀貨車輾過嘅魚畀我, 人地韓國嗰啲係隻隻都同display一樣咁靚仔架.

20190502_202202

酥皮配紅豆饀無敵!

永藍蝶 發表在 痞客邦 留言(0) 人氣()

屋企樓下有 #台茶 賣係一件好危險嘅事, 放假就會掙扎落唔落去買黎飲, 今日終於被打敗左...... 第一次飲 #清玉 要左 #相思紅豆珍珠鮮奶茶 七分甜, 三十蚊杯有返咁上下份量, 味道同平時飲開嗰啲紅豆奶茶差唔多, 所以係我要嘅野, 但茶味偏弱. 佢最大問題係七分甜都好鬼甜嗰下難搞, 已經返屋企再加冰都打動唔到佢照樣咁甜, 下次試下半糖, 如果都唔得真係要絕交. 珍珠幾有咬口, 但衰在係細珠, 咁就幾有咬口都變成無乜咬口, 不過如果搞得掂個甜度, 近近地樓下有得飲我都接受.

20190505_143151

生命脆弱, 咁就甜死左個人🙈

20190505_145116

啲珠細到同紅豆咁上下大粒, 咬都咬唔住咁濟😑

永藍蝶 發表在 痞客邦 留言(0) 人氣()

本來喺 #Starbucks 想叫杯 #GreenTeaLatte, 但係店員推介我飲 #PureMatchaLatte , 佢話呢款只係特別分店先有, 綠茶味更濃, 一杯Grande Size $43. 飲完感想係佢根本就係走甜嘅Green Tea Latte, 因為Green Tea Latte本身個綠茶粉加左糖, 唔可以走甜, 少甜亦只係放少啲綠茶粉, 但綠茶味會淡左. Pure Match Latte呢個名就係茶粉無加糖意思吧, 唔甜自然綠茶味突出啲, 不過鮮奶本身有少少甜味, 所以都冚到綠茶嘅苦. 無話邊杯好飲啲, 分別只係揀有糖定無糖啫, 我自己就視乎當時食啲咩黎揀, 食甜野會偏向揀無糖嘅Pure Match Latte. #鮮奶醇香抹茶 #鮮奶綠茶 #鮮奶抹茶 #MatchaLatte

20190502_205055

永藍蝶 發表在 痞客邦 留言(0) 人氣()