目前分類:月食 (864)

瀏覽方式: 標題列表 簡短摘要

我諗有成年無飲 #珍珠奶茶 以前最鐘意飲 #天仁茗茶 但上左市之後難飲好多, 今日路過作死買杯 #913鮮奶茶 加珍珠要七分甜. 證實情況無變依然難飲, 茶味極淡都唔知自己飲梗乜咁, 只係為左咬啲珍珠而啪哂啲肥仔水 SHIT!

20191102_131706.jpg

永藍蝶 發表在 痞客邦 留言(0) 人氣()

原來 #馬莎 無 #IcedCappuccino, 所以要左 #IcedLatte 講好飲一定跑唔贏McCafe Iced Cappuccino呢種有回甘, 但佢咖啡味都比我預期突出, 久唔久飲一次都可以, 但 #凍咖啡 有得揀我都係返老麥. #Marks & Spencer #M&S

20191026_170655.jpg

永藍蝶 發表在 痞客邦 留言(0) 人氣()

鋪頭細細, 收鋪前三十分鐘依然坐滿人, 店員黑面, 問問題唔多想答, 勉強用最少字回覆或者扮聽唔到. 雪糕定價好高, 名氣最大應該係金箔雪糕, 但金箔其實無味, 畀成舊水食無味野唔乎合我價值觀, 我又無興趣影相呃like, 完全無諗過食. 依我所見, 成間鋪得三隻味雪糕──牛奶、抹茶同赤肉蜜瓜, 本來仲有士多啤梨白朱古力雪糕, 不過當日無賣.

IMG_20191024_214444.jpg

得三隻味就試哂三隻, #北海道赤肉蜜瓜雪糕# 個味清得濟, 甜度可以, 但無蜜瓜嘅濃味, 唔係睇餐牌都唔知呢隻係蜜瓜味, 只係一種清清地嘅甜味, 連插住嗰件蜜瓜都偏淡口, 零特色. 呢個唔係北海道赤肉蜜瓜雪糕, 其實係畀左錢食就肉赤雪糕🤣

IMG_20191024_214447.jpg

#源自日本京都宇治抹茶Mix雪糕# 個名真係咁長強調出處, 成間野定位清晰一致虛榮到底👏 呢個係雙拼口味, #源自日本京都宇治抹茶雪糕# X #北海道牛奶雪糕#. 抹茶味濃到苦, 不過呢個未必係缺點, 因為自己本身唔食抹茶呢種苦, 正如有人唔鐘意啤酒咖啡覺得佢苦, 但我鐘意, 所以對其他人黎講呢個抹茶味可能好出色. 牛奶雪糕真係正嘅, 佢比老麥啲軟雪糕甜, 但呢種甜係顯得佢更濃郁. 濃味按理推測應該係黎自牛奶, 但我自己感覺唔係, 個甜味又唔係純粹加多左糖, 就好似有一種糖本身有好濃郁嘅甜味, 更甜但唔係死甜, 而係香濃. 呢到啲軟雪糕夠滑, 個筒又脆, 有威化效果, 食牛奶雪糕的確係一種享受~ 單食北海道牛奶雪糕最平, 而佢亦係咱一好食, 雖然四十蚊都唔平, 但久唔久路過慢慢嘆返個可以接受, 不過其餘兩隻味賣十蚊都無興趣再食.  

如果今次黎只係食北海道牛奶雪糕我都只係會畀中評, 一來賣得唔平, 二來店員黑哂面, 但係今次食埋北海道赤肉蜜瓜雪糕太差又貴, 加上黑面店員, 劣評走唔甩.

永藍蝶 發表在 痞客邦 留言(0) 人氣()

泰國版 #Lay's 薯片, 應該係, 除非唔係, 因為佢個Logo無左s, 最尾個字又唔似y, 有所懷疑, 不過包裝有PEPSICO, 所以當佢係先. 泰國版有超迷你包裝, 如果唔係碎左一包都唔知有無十塊.......雖然一包唔夠喉, 但我欣賞佢可以止我癮又唔駛怕喉嚨痛, 一包放盡食都無問題. 試左兩包波浪薯片, 最鐘意食波浪咬口多啲, 一包係雙拼: 烤蝦+泰式酸辣. 泰式酸辣係帶甜味嘅小酸小辣, 好食, 但唔係乜特別野. 個烤蝦就無敵了!!! 勁香, 佢做到烤蝦嗰種香氣, 令人追住黎食, 可惜後來托人買佢Big C都搵唔到😔第二隻係辣魷魚味, 呢隻食落係甜辣味配零存在感魷魚, 比泰式酸辣感覺更味精, 不過薯片好難去到難食, 只係無乜特色啫. #樂事 #利事

20190929_123850.jpg

咁細包仲要雙拼口味, 真係佢先做得出🤣

20190929_123858.jpg

 一包得13g可能係世上最細袋嘅薯片

20191001_200115.jpg

利事薯片一直畀我嘅印象係薄啲, 佢連波浪薯片都係薄身啲.

20191013_170217.jpg

明明叫Hot Chili, 唔知點解走左甜味出黎, 應該叫Sweet Chili.

20191013_172909.jpg

兩隻都係一包先70kcal, 食一包都唔駛有罪疚感.

20191013_174713.jpg

勁鐘意食炸野, 又唔敢食太多, 有機會去泰國要勁掃呢啲超迷你薯片🤤

永藍蝶 發表在 痞客邦 留言(0) 人氣()

經常到芽莊吃飯,港九新界設有分店,當想不到吃什麼,自然會來這裡。幾年前我對芽莊沒什麼好感,自從遇上它的河粉後被迷住了,順道多嚐不同菜式,發現當初不喜歡是沒對好自己口味來點菜,所以中伏率高。現在會挑了,炸物選擇多,又有湯粉與不少牛肉菜式,選擇很對我胃口。

20191019_140602.jpg

越式炸春卷的皮有別於中式春卷皮的口感,用的應該是越南米紙,吃起來像是咬上幾層東西,一同受壓碎開。中式春卷皮的口感則較單一實在,兩者相比,我更喜歡越式炸春卷的口感,它有更強烈的酥炸感。說實在我記不起饀料的味道,更別說放了什麼,單是沉浸在炸皮的酥脆感,已經足以奪去我的注意力😋

20191019_140702.jpg

這盤"植物"是配炸春卷同吃,每次來芽莊都不禁懷疑自己被當作愛吃草的羊😅 大量不經調味烹煮的新鮮葉子提供,但太草了,我就靜靜觀賞好了......

20191019_140441.jpg

這一盤植物是配河內生牛+爽腩粉,這些我倒是能用上,把它全放湯裡,可是感覺沒以前新鮮。以前只放兩三片辣椒已有很明顯的辣味,現在全放下去都不辣,青檸檬又乾得快沒汁。

20191019_140953.jpg

生牛肉粉驅使我經常回到芽莊,每次必點,不過跟前面提及的配菜一樣,湯底不及從前出色。沒有以前的熱騰騰,味道也沒有那麼濃郁,但是當下質素還是沒減少我回頭的意欲,誰叫我特別愛吃湯粉,又愛吃生牛肉,芽莊正好分店多,位置與我靠近。

20191019_141755.jpg

生牛肉超超超嫩滑~~~~軟軟的在舌頭上翻弄好迷人~~~牛肉的鮮味也挺明顯,味道與口感俱佳。芽莊的河粉比較厚,相對沒有薄滑的爽快口感,但是它依然是滑的,這個厚度在口感上多了一份彈性。除了生牛肉,不得不提湯面上的大量菜絲,洋蔥非常新鮮爽口,綠色的菜絲我不曉得是什麼品種,但是清新爽口又不帶青草氣,我非常喜歡!

20191019_142733.jpg

點菜時進入記憶誤區,我竟然忘記不要點爽腩。爽腩多年前的確是最好吃,可惜吃過幾次後已不如最初,肉質傾向粗糙難咬。雖然談不上差,但價錢又是所有單拼河粉中最貴,不如單吃生牛肉粉好了。

20191019_140906.jpg

個人偏愛熱湯粉,只有特別想吃酸甜東西的時候才會吃撈檬,這是朋友挑選的燒雞撈檬,我只吃他餘下的小部份。不知是否因為我吃的檬粉在最底下,麵條碎碎的,影響口感,燒雞也是硬邦邦。我個人來看是不合格,不過橯檬的酸汁總是無敵,粉裡加入它令人胃口大開,把它吃完毫不費力。

20191019_140834.jpg

第一次點蘇丹王D24榴槤沙冰,入口立刻令人眼前一亮,味道超級榴槤,卻沒有我所不喜歡的原件生果榴槤帶來的過度濃膩 面頭的沙冰綿密得像雪糕,底下回歸飲料狀態,結合甜品與飲料兩用,非常出色!

對我來說芽莊是優質越式快餐店,位置便利於我,價錢雖然比快餐貴兩三倍,但是質素成正比,人均大概一百五十,是成年人可以輕鬆負擔的價格。二人來各挑一碗粉麵,再點一個小吃就行,下單決策快,上菜速度也挺快。環境未見突出之處,但肯定比快餐店寬敞舒適,服務質素也合理。芽莊咱一的麻煩是顧客多,必須避開午飯與晚飯的高峰時間,否則等待比吃飯的時間還要長。

永藍蝶 發表在 痞客邦 留言(0) 人氣()

#馬莎 #牛角包 畀我嘅初印象係好L大隻, 但後來變返正常範圍嘅大隻, 即係都大隻但無左誇張效果. 馬莎超市裡面啲野我無興趣, 但佢沖嘅咖啡同麵包曲奇係平價中嘅高質 (p.s. 朗豪坊分店成日買大杯裝都畀唔足份量, 好呃錢!) 牛角包有佢自己風格, 表面挺身厚重, 但唔係好似Starbucks厚而un, 佢係硬淨得黎脆, 裡面酥得起, 牛油味夠香. 馬莎一隻牛賣$14, 平過Starbucks, 仲要買咖啡跟餐$35就得, 如果McCafe唔係揀細熱Cappuccino跟餐都平唔過佢. 凱斯最平, 但無馬莎咁好食, 有得揀我寧願貴啲食馬莎. 得A1牛價錢同質素有得同佢fight下, 但兩種牛風格唔同, 無話邊個嬴邊個, 兩隻都食下間唔中轉下口味. #Marks & Spencer #M&S #牛角酥

20190919_090631.jpg

馬莎個牛袋都pro過人, 一面係紙, 一面係有窿嘅膠袋.

20190906_092401

其他食過嘅牛都偏向鬆化軟身, 係得馬莎有挺身質感, 自成一格.

20190906_094919

橫切面都睇到頂頭啲酥皮係利落硬淨

20190919_090721.jpg

佢咖啡價位比Starbucks平, 而且咖啡味都算出, 不過朗豪坊間分店成日扮大杯, 我平時買幾杯放哂入紙袋無為意, 之後拎上手先知中伏, 下次一定會現場驗貨!

永藍蝶 發表在 痞客邦 留言(0) 人氣()

六點前完成工作,餓極了,路過這家餐廳發現仍在供應下午茶,此處為高級商業區,竟然提供着只需$36的套餐,便宜得令人驚訝。

20191017_175845.jpg

月見牛肉日式烏冬配凍咖啡,冷飲不需加費。

20191017_175915.jpg

賣相甚好,尤其面頭放着溫泉蛋,但是味道難吃得跟價錢一樣令人驚訝!牛肉是煮太久的粗糙,烏冬無嚼頭軟乎乎,最令人無法吃下去的主因是豬骨湯底太咸,我得靠着溫泉蛋的蛋汁洗去湯底的咸味,但蛋汁的量只能清洗少量烏冬,後面我都吃不下去。

20191017_175931.jpg

平常喝凍咖啡我只放少量糖漿,這杯下了差不多整包依然極苦,一個套餐齊備難吃難喝😓

20191017_182622.jpg

下午茶的份量不大,我本來又餓極了,卻只吃了一半,餘下圖片中的食物。我是首個給予這家餐廳劣評的顧客,也許其他東西好吃吧,但單以這碗烏冬及咖啡來說實在太難吃,多便宜也無用,真的好久沒吃到這麼難吃的東西🤢

永藍蝶 發表在 痞客邦 留言(0) 人氣()

#Starbucks #牛角包 唔知做乜黑左好多, 以前無咁黑, 但近來食親都好似燶左咁樣, 不過無苦味, 表面仲甜甜地. 呢隻係食過最貴嘅牛$19, 但質素麻麻, 個皮偏厚unun地, 搞到食落酥唔起有啲硬. 雖然好過McCafe, 但佢價錢唔吸引, 不如平平地食凱施算, 當然最好係買A1. #牛角酥

20190821_094816

夏天過去為牛角帶來黑皮

20190821_100334

其實個心做得唔錯, 但個皮太影響口感, 搞到成隻食落都un.

永藍蝶 發表在 痞客邦 留言(0) 人氣()

#凱施 #牛角包 食過之中賣得最平$8.5, 質地唔差, 但無A1Bakery咁酥皮, 不過好過McCafe先, 無咁淋. 個面甜甜地, 牛油味都幾香, 但咸味可以減返啲, 味道整體好過A1, 不過我覺得牛角包最重要係酥皮質感, 雖然A1貴啲又淡啲, 我都係鐘意A1多啲, 但凱施平平地又唔差都可以keep住食. #凱施餅店 #牛角酥

20190807_091336

牛油味之中有少少over左嘅咸味, 不過甜面有幫助中和下.

20190807_092256

個心無A1Bakery咁挺, 但唔會密到好似McCafe麵包咁軟.

永藍蝶 發表在 痞客邦 留言(0) 人氣()

之前多數食千両, 但只係無得揀之中嘅選擇, 因為遇唔到邊到壽司刺身新鮮過佢, 但自從食左穴之後真係返唔到轉頭, 除左新鮮程度更高之外, 佢解決左我最唔鐘意千両嘅問題, 就係食物選擇太少. 每次去穴都食出放題嘅感覺, 打開menu勁多野都啱食, 啲選擇又唔會太平凡悶場, 當然成日食係會悶, 因為佢唔會點轉款, 但我一個月食一次都無問題.

20191015_140244.jpg

刺身組合好啱我心水, 件件都想食.

20191015_140145.jpg

不過呢次去覺得刺身水準有一點點下降, 有啲乾身嘅感覺, 同埋海膽鮮而不夠甜, 但唔影響我對佢嘅信心💪

20191015_135322.jpg

章紅魚柚子酢沙律鐘意佢酸酸甜甜, 有啲菜清下個口, 不過章紅魚同刺身拼盤一樣有啲乾.

20191015_135841.jpg

火炙左口魚裙邊係我至愛, 嗰股油脂香真係掀起高潮, 令人好滿足. 鰻魚我無食到, 但係咁長卷住舊飯, 目測又係個味勁出, 又有少少飯中和下唔會太漏.

20191015_135447.jpg

印象中北海道帶子壽司水份OK, 但係深海池魚都係有唔夠水情況, 當日刺身食法嘅魚都有呢個情況, 不過點左豉油食問題不大.

20191015_140739.jpg

咁多好野食, 豚肉烏冬自然無乜吸引力, 所以我無食到豬肉, 只係食左兩啖烏冬. 烏冬口感好滑, 但唔係好彈, 淋左啲, 唔係差, 但唔係我追求嘅口感.

20191015_135017.jpg

雜錦天婦羅食左蝦同粟米, 質素有保證, 但我會想隻蝦個炸皮再脆啲. 第一次食天婦羅粟米, 有驚喜喎, 爽得黎條粟米又脆, 平野都有佢嘅特色.

20191015_135638.jpg

呢個蠔堅貴, $98一隻, 但無需要食, 我覺得咸過頭掩蓋左鮮味, 同行人就話調味料放太多, 食唔到蠔嘅原汁原味. 不過又唔係話好差, 只係實在太貴, 如果三四十蚊隻我會食, 因為佢creamy程度唔錯.

20191015_135807.jpg

燒銀鱈魚又係正嘅, 勁嫩滑, 夾都夾唔住. 一定要點沙律醬! 沙律醬嘅酸酸甜甜令成個味好鮮明開胃, 加強追吃性.

20191015_140056.jpg

燒鱔呢種食法突出魚肉嘅嚼頭, 咬嗰時真係有彈下彈下嘅感覺, 表面又脆脆地, 好香😍

20191015_135751.jpg

和牛係每次必食, 勁柔軟嫩口之餘仲要係滑. 從來食豬牛羊都唔會畀到滑嘅感覺我, 通常都係嫩, 只有雞可以做到呢種效果, 但係呢到嘅和牛係可以食出滑嘅感覺, 仲要係唔貴, 約莫兩舊水有交易, 好抵!

20191015_140450.jpg

平時食燒牛舌多, 鐘意佢爽口有嚼頭咬得下, 所以估佢唔到酢麵豉軟牛舌堅係軟, 但竟然仲識彈, 厚切程度更係超乎我想像, 第一次食到咁軟彈厚嘅牛舌, 好享受咬嘅過程.

20191015_140307.jpg

燒羊架又係厚切, 不過因為豬牛羊呢類肉唔會好淋, 咁厚其實食得有啲吃力, 影響口感無咁嫩, 切返薄少少會好啲. 羊膻味同坊間食到嘅差唔多, 唔會好勁, 唔多食羊嘅人應該都接受到, 好似我咁鐘意食羊就梗係唔夠喉.

20191015_140312.jpg

鵝肝壽司超級厚切, 一咬落去濃郁嘅油脂香衝出黎, 呢啲又油又香又濃味嘅正野, 最啱做野攰到死嘅時候食, 瞬間有充電感覺, 有返小小人生樂趣.

今餐食到人均八百蚊係貴, 但其實唔叫海膽同蠔仲好, 反正味道唔係咁值個價, 唔要六百有交易, 而且我地份量叫得多過頭, 我平時多數五百幾可以埋單, 當日過度放縱😅 五百蚊雖然都唔平, 差唔多係放題一倍價錢, 但係呢到無限時, 最重要係食物質素好好好好多, 辛苦搵黎志在食, 我會鐘意食呢到多過放題. 仲有當日服務特別好, 完全歸功於一位服務員, 由等位開始就照顧我地食到尾, 知我地Lunch趕時間又要喪食, 等位嗰時已經幫我地落定單. 怕我地食唔哂又幫我地揀起一啲食物唔落住, 就黎食完又主動黎睇下有乜要打包, 雖然只係食淨一件羊架咁大把都拎去幫我地入盒, 真係唔話得, 希望下次去都可以再遇到呢位哥哥仔😘

永藍蝶 發表在 痞客邦 留言(0) 人氣()

#A1Bakery #牛角包 係袋拎出黎就已經聞到香味, 睇個色以為係焦糖面, 但奶過確認無甜味😅呢隻牛一定好過McCafe, 好酥皮, 尤其個面脆脆脆, 口感高質, 但隻味有待加強. 個面其實有少少苦, 燶過頭, 麵包淡左啲, 食落香味唔算強, 不過$12隻黎講有呢個口感, 味道又唔差堅收貨. #牛角酥

20190625_095712

佢唔算大隻, 同埋酥皮之間多吉位, 單食一隻唔係好夠飽, 至少都要加多杯野飲, 仲要唔可以係茶或者檸水呢啲太稀嘅野飲.

20190625_101333

横切面睇得出挺身過McCafe嗰隻好多

永藍蝶 發表在 痞客邦 留言(0) 人氣()

對上一次黎食原來已經係八個月前, 以為而家出面咁多課外活動唔駛排咁耐, 點知都係要排大半個鐘, 但嗰日情緒低落, 諗黎諗去, 近我嘅餐廳只有呢到個意粉可以安慰下我, 所以要排都照等.

20191011_214355.jpg

呢個烤蒜雞肉蝴蝶粉從來無令我失望, 雖然佢啲雞亦都一直係鞋, 品質從頭到尾無變, 芝士忌廉汁夠哂濃, 不過佢芝士味一向唔算好重, 而係成個味好香夠濃, 就係呢種濃郁味道令人產生安慰感. 醬汁質地少少厚黏得住蝴蝶粉, 又唔會太杰, 食極把口都唔覺漏, 會追住食. 不過把口唔漏, 個肚都有上限, 蝴蝶粉幾頂肚, 兩個人食三分二已經夠哂, 就算個肚仲可以放其他野, 但偏偏再放唔落蝴蝶粉. 仲有個人唔開心, 食蝴蝶粉慳氣力, 一粒粒用匙筆黎食, 唔駛食意粉咁要卷, 唔卷又吊吊fling, 蝴蝶粉少少硬, 一粒粒狠狠咁咬發洩下對精神有丁丁幫助😅

20191011_215021.jpg

雖然香草三文魚上面鋪滿香草, 但只係掩眼法其實無咩味, 件魚我都有落返少少鹽吊味. 我揀呢個係因為佢用檸檬汁, 諗住蝴蝶粉咁濃味, 食返啲酸野清新一下. 個汁其實酸酸地幾好味, 但感覺同食材唔多夾, 食落感覺汁還汁, 食物還食物, 兩者互不相干. 薯蓉畀好多, 但係無乜味, 有啲乾, 個汁又唔係好幫到佢. 蘆筍最出色, 平時配菜好少畀咁粗, 新鮮爽口. 整體無吸引人嘅特點, 但一啲都唔難食, 魚肉就算淡淡地都有香, 不過近三百蚊就唔太抵, 無下次.

20191011_214335.jpg

呢到啲麵包比一般餐廳硬, 唔差, 但可唔食, 不過我鐘意用普通嗰隻麵包點蝴蝶粉個汁, 奶盡佢🤣 另一款係黑糖麵包, 之前覺得黑糖味唔係好夠, 今次濃返味道有進步, 但要個包軟啲先夠吸引.

20191011_214934.jpg

食左幾次, 今次又寫其實係因為呢杯酒引起, 之前黎食叫左杯Sparkling wine-COVA太酸澀, 都係睇返之前食評先無再伏. 今次揀左Sparkling wine-PROSECCO相對好飲好多, 無酸澀情況, 甜甜地有啲氣好易入口, 我當場飲左兩杯, 不過未至於令人懷念, 但下次想飲有氣嘅野又嫌水太淡汽水太甜可以encore.

呢間餐廳個名叫The Cheesecake Factory, 芝士蛋糕係佢嘅經典, 但我偏偏對呢樣野最無興趣, 因為超級甜. 我鐘意黎呢到食意粉, 夠濃味兼有芝士, 個人好頹嗰時食左個心會舒服啲, 所以只要意粉依然好食, 我黎呢到已經達到目的, 唔要求佢多方面都出色.

永藍蝶 發表在 痞客邦 留言(0) 人氣()

The Market 給我的印像是全城最難預訂,然而在一星期前竟能訂到星期五晚的位子,有感食神眷顧,於是懷着些微興奮的心情前往。

20191004_184214.jpg

吃自助餐必先吃冷盤,先來一盤雜綿海鮮。本來我對冷冰冰的海鮮興趣不大,因為不經調味,感覺吃起來都差不多,但光顧自助餐不吃海鮮回不了本,所以總會吃一些。出乎意料是這次竟然有驚喜,各種海鮮的鮮味突出,尤其蟹腳鮮甜肉嫩,就連不愛吃龍蝦的我也覺得它味道不錯,沒有我預想的味道單調,能夠吃出每種海鮮的不同鮮甜。

20191004_185847.jpg

刺身壽司選擇偏少,三文魚無味又乾,差評!北海道帶子鮮味不俗,最好吃是甘海老,吸吮蝦頭一股鮮甜湧上來,甜味鮮明,可惜蝦身較細少,每次給一隻不夠吃。

20191004_200919.jpg

好吃的東西要encore! 順道拿了左口魚裙邊壽司,左口魚裙邊是我的最愛,超喜歡滿口油脂香的感覺,可是這件左口魚似被脫水的乾得要命,飯又散掉,非常差。

20191004_190843.jpg

鵝肝早就煎好放涼,客人點的時候,服務員把鵝肝兩面放爐上燙一秒,真的只有一秒! 倒不如不燙,感覺被耍了......然而味道比我預期好很多,油脂香很足,就差在不熱有損完美。麵包不是鵝肝的原配,這是我自行在麵包籃取來,質素差,沒有麵包香,口感粗糙。

肝醬批味道平平,沒有內臟常見的濃郁味道,口感又太硬,不值一吃。

火腿咸香味不俗,但太乾,可吃或不吃。蜜瓜不算甜也不多汁,但是火腿太乾,配着蜜瓜吃比較好。

黑松露蟹肉多士配魚子醬主要吃到黑松露與白汁醬的味道,香濃creamy,其他不太感覺到。多士有一點潮了的感覺,硬得不尋常,不過至少得吃一件享受醬料的味道。

自助餐提供四種純芝士,羊奶芝士與聖寶利芝士苦苦的,不合我的口味。金文畢芝士本來就是我愛的,味道頗濃烈,但沒到苦的程度,站在快要苦又不苦的平衡點,帶給味蕾刺激。合桃芝士最好吃,入口先是芝士的味道,接着上來一股濃郁的合核香且帶一點甜,味道稍作停留口腔之中,令人印象深刻。

蕃茄芝士沙律就是蕃茄與Feta cheese的組合,蕃茄沒特別,Feta cheese又是我愛吃的芝士,這個完全不苦,濃烈的奶香與濕潤的口感貼服於味蕾上,特別令人有滿足感。

20191004_194859.jpg

清蒸沙巴龍躉口感不算嫩,但整體感覺OK,我平常不多機會吃到魚,吃一些也無妨。

泰式海鮮粉絲太乾了,但我又特別愛吃炒粉絲的嚼頭,我不但吃完碟上的,更要自我克制着才沒有多拿一次。

燒肉眼扒超硬,已經沒注意到牛味是否突出,一件也吃不完。

燒羊架肉質頗嫩,雖然能吃到羊膻氣,但對於愛吃羊的人來說不夠過癮, 不過正好給怕羊膻氣的人一嚐羊肉的滋味。

20191004_191306.jpg

吃過海鮮刺身後吃一盅椰子雪耳燉雞湯,既能暖胃,而且味道很好。椰子的清甜滿溢,雪耳軟滑得很,而且我喜歡它沒什麼肉在湯裡,有限的胃部空間可不想花在精華已被湯水吸去的肉上。

20191004_184300.jpg

葡汁焗海鮮只能單靠螺殼來體現海鮮的存在,內裡全是葡汁已被完美抽乾的薯蓉,當晚最難吃就是這個跟左口魚裙邊壽司,兩者並列榜首。

20191004_202131.jpg

榴槤是這次自助餐的主題,但不吃榴槤的人也不用擔心,餐廳沒有飄着榴連的味道,而且不吃榴槤還有很多其他選擇,我可是完全沒碰過任何榴槤咸食。

這裡的脆炸榴槤球跟放題吃到的不同,它的表面不脆,而是暖暖的軟糯米皮,配合濃郁的榴槤饀。我喜歡吃炸物,所以更喜歡放題炸的那種,而且自助餐做的不是現炸,放涼了只到暖的程度,但肯定要吃一個,味道確實不比放題差。

榴槤菠蘿包沒個味道,包竟然是硬的,我彷彿把一個假殼放入口......

榴蓮奶凍富有榴槤香,而且滑滑的,值得一吃。

榴槤芝士撻兩者味道互相融入,味道濃郁,而且做成超級迷你的大小,吃兩三粒也不妨礙食力。

檸檬撻味道到位,但有點乾, 不過超級迷你的大小,吃一粒也無妨。

日式芝士蛋糕不軟又不硬,質感模稜兩可,芝士味非常弱,失望。

三重朱古力甜度高,但是與咖啡相配,正好拿來抵抗酒店咖啡必然的苦,而且底部硬中有脆,我特別喜歡吃硬的食物。

20191004_205149.jpg

鐵觀音大菜糕苦哭了我,不是食物來的><

榴槤雪糕像真度過高,它根本就是一件假裝雪糕的榴槤。我喜歡榴槤甜品,但真榴槤對我來說過於濃烈,我只吃了三分一,餘下的雪糕在我離開的時候依然維持球狀,可見它是榴槤多於雪糕。

20191004_211052.jpg

Mövenpick Vanilla Dream有微微的藥水味,我不喜歡。

20191004_205749.jpg

Häagen-Dazs Brownie Macchiato是我平常也會買來吃的口味,喜歡Brownie夾在其中的咬口感,但是這個溶太快,沒盒裝的硬,不過它已經是當天吃過之中最好的。

20191004_202344.jpg

有點詫異酒店餐廳給咖啡配的奶是預備裝的花奶,檔次略低。曾說過多次,我一直不明白為何酒店咖啡是一式一樣的苦,但以我的口味角度,甜品沒有比咖啡更好的配搭。

20191004_191910.jpg

自助餐提供一杯餐飲,如不足夠,可自取果汁,我拿了橙汁。甜味很足,看來不是單以鮮橙做出來,但也不失鮮橙的質感,合格。

向來對自助餐好感甚低,因為價錢貴,但食物平均水準中下,彷彿要自行在堆成山的食物中尋找不難吃的,有一點被玩的感覺......因此近年極少自費光顧自助餐,大多是免費飯局才會吃到。The Market價錢偏貴,不提供生蠔,食物選擇不算多,但對這裡有不錯的好感。雖然前面提及不少食物缺點,但說很難吃的只有只有兩三種,而且海鮮令人有驚喜,加分不少。以自助餐來說,這家是我願意再光顧的,市面上比它難吃的多了,不過當下質素還是追不上消費水平,要是自己花錢,肯定不會來。環境方面,有感失色,沒有酒店予人的高級感覺,裝潢平淡,真有點大學飯堂的質感 (p.s. 這家酒店由理工大學擁有),而且食物放置地方與座位相距太遠。服務未見出色之處,但也沒有需要等別提出的問題,說到底這裡最大賣點,亦是咱一賣點,就是食物中伏率偏低。

 $728+10%

永藍蝶 發表在 痞客邦 留言(0) 人氣()

這家放題餐廳下單採用QR CODE方式,大家能夠各自拿着自己的手機查看食物款式,並且下單,省卻把點菜紙傳來傳去的麻煩又環保,這做法值得推崇👍

20190928_211822.jpg

魚片刺身厚切口感真心讚,而且竟然能齊備我三大愛魚──劍魚腩、油甘魚及池魚。新鮮程度高於合格,甜度也不俗,但不能寄望達到貴價貨的質素,略有鮮甜就不錯了。帶子鮮甜度還可以,體積偏小,但跟其他放題餐廳相若,若嫌一片太小,多吃幾片就行,其他貝類刺身質素與帶子差不多。

20190928_204348.jpg

食物的數量有被自動扣減,大概是餐廳怕客人點太多又吃不完,白白增加成本。

20190928_203856.jpg

壽司質素還可以,跟超市買到的差不多。

20190928_205209.jpg

有些放題餐廳會把壽司做成迷你版,雖然可讓客人多吃不同款式,但個人還是喜歡像這裡做成平常一般大小,太小的反而不足以感受食物味道。

20190928_205225.jpg

這裡的壽司款式以常見為主,然而某些放題餐廳會提供創意壽司。

20190928_205359.jpg

海膽手卷自己沒吃到,這是第二輪點的,吃過第一輪的人都讚好又再下單,質素應該不錯吧。

20190928_204516.jpg

雪花牛肉鍋甜甜的也不錯,牛肉不粗糙,料放挺足的。

20190928_205013.jpg

日式撈冷稻庭烏冬並非軟乎乎的劣質烏冬,口感有嚼頭,吃起來冷冷的挺涼快。

20190928_204441.jpg

辣酒翡翠螺自己沒吃到,也沒聽到朋友評論。

20190928_205055.jpg

豉椒汁炒蜆自己沒吃到,也沒聽到朋友的評論。

20190928_204751.jpg

香辣魔鬼珍寶蝦味道很詭異,酸辣味道是互相排斥,這是我們咱一吃不完的食物。

20190928_205635.jpg

馬拉盞炒芥蘭苗太健康,對我來說吃放題就該走邪惡路線,所以不捨得花肚量在它身上,但吃過的其中一人說這裡連炒菜的平凡食物都做得好吃。

20190928_205049.jpg

焗BBQ雞翼味道帶甜,狀態正常。

20190928_205548.jpg

燒香草羊鞍以放題來說可接受,但我期望再嫩滑一些,不多,就一些。

20190928_204856.jpg

蒜片牛柳粒肉質粗糙,我們一行十人勝在人多,每人略試一下就把它吃完,否則肯定要剩下。

20190928_205036.jpg

蒲燒鰻魚自己沒吃到,但朋友吃過後再點,看來是好吃的。

20190928_205230.jpg

西京燒比目魚看起來燒焦了,但是沒有影響味道,跟平常的比目魚一樣嫩滑得很,沾上沙拉醬同吃味道特別鮮,比目魚神奇在不管在哪裡吃都是一樣的味道與一樣的嫩。

20190928_205425.jpg

蒜蓉芝士開邊焗蝦一出場吸引眾人目光,黃金色的芝士鋪滿蝦上,雖然芝士味不算濃郁,但經過烤焗的芝士份外誘人,而且芝士焦了的脆皮口感又是令人愛不釋手,用它來打卡絕對有呃like能力👍

天婦羅蝦質素合格,但如大多遇到的,炸皮不夠乾爽的脆,不過既然是大多數的問題,這裡又是任吃模式,當下情況並無大礙。

20190928_205732.jpg

炸吉列蠔出色,外皮酥脆不油膩,內裡保持濕潤,兩者平衡恰到好處。

20190928_205806.jpg

芝麻雞翼外脆內嫩,我發現它跟比目魚一樣,不管哪裡做的味道都是不變,品質一樣好。

20190928_211606.jpg

我們十人不算少,點的東西很多,有時候來不及即時吃,也許燒物放涼了影響質素,鹽燒雞翼吃起來有點硬。

20190928_212030.jpg

匆匆吃下鹽燒牛舌,未有察覺特別之處。

20190928_212412.jpg

燒雞軟骨硬得只能直吞,但我當然不會這樣做,捨它而去是常識吧。

20190928_211432.jpg

燒菠蘿只要菠蘿是甜,水份充足,沒有燒焦自是好吃,難度不高,這裡完全做到。

20190928_222507.jpg

每次吃放題到後段就想吃粥,因為前段吃太多生冷刺身壽司,有些暖物落肚感覺舒服起來。鮮蟹粥已成綿綿糊狀,不用咬多方便,溫度比暖高一些,個人喜歡吃更熱,但當下亦能做到暖胃效果。味道挺好,但蟹的味道只是輕輕帶過,主要是結合了其他食材與調味做出來。

20190928_223554.jpg

紫心香芋丸及脆炸貓山王是我吃放題的指定甜品,質素如同炸吉列蠔出色,表皮很脆,內裡餡料濃郁香甜。尤其榴槤餡嚇得怕榴槤的人威脅着我若不遠離他,就要吐了,哈哈。

20190928_222433.jpg

甜品與水果我沒吃到,但朋友表示不錯。

20190928_222441.jpg

雪糕選擇不是平價貨,至少有Haagen-Dazs及Movenpick,其他看起來也不俗。

20190928_214030.jpg

晚飯當日前後七天若有出席者生日可獲贈香檳及蛋糕,香檳是有氣蘋果汁,雖然是便宜貨,但我喜歡有汽飲料,這個味道也沒有過於人造或死甜,而且沒有生日人士出席喝不到,所以還是感謝餐廳的送贈。

20190928_220719.jpg

我很怕吃口感軟乎乎的蛋糕,這個雖軟,但沒到海棉蛋糕的軟,味道不會太甜,朱古力味挺濃郁,我覺得有一點好吃,不過始終是軟的,我不會自發點來吃😅

20190928_204621.jpg

除了下單的食物還有自取的,不過下單的款式已經吃不完,這些沒嚐過。

20190928_231501.jpg

晚上8:30進場可享2小時45分鐘用餐時間,這是最後一組用餐時段,相對其他時段長一些。我們一行十人佔上五張桌子,座位說不上寬敞,但不抗拒親蜜一點坐在一起。當晚是星期六,餐廳空桌子數目比預期多,我們可提早入座,只需待到8:30pm才能下單。我對放題的要求是食物好吃,上菜速度快,服務員趕快收走空碟子。在短時間進食大量不同食物,也沒空關注其他方面太多。這裡上菜速度頗快,沒察覺掉單,侍應以中等速度收拾碟子,已經足夠。食物質素以放題來說很好,真正難吃的東西只有香辣魔鬼珍寶蝦,而且好吃的款式不少。價錢公道,人均$280,放題也是自助餐一種吧,食物選擇已經綽綽有餘,這裡的性價比高於自助餐太多了。

永藍蝶 發表在 痞客邦 留言(0) 人氣()

20190922_191911.jpg

兩個多月前這家酒樓提供晚上八時半後2折牛肉優惠,這次光顧優惠有變,餐廳不設時段以優惠價錢出售十數款食物。

20190922_193145.jpg

火鍋指定動作,自家混醬組合出自己的專屬味道。

20190922_193253.jpg

上次選擇胡椒蘿蔔豬骨鍋,忘了拍照,這次特意重點為求拍一張😅 食材的味道依舊沒怎麼進到湯水裡,但味道是濃郁的,然而這並非讚賞,純粹是湯底的味精太重,食物即使不蘸上醬油已經足夠的咸。

20190922_193549.jpg

豬骨的肉硬邦邦,不過它主要用作熬汤,可以理解。

20190922_203603.jpg

由於湯底味精太重,吃不出蘿蔔的清甜味道。

20190922_193715.jpg

生劏龍躉片一份只有六片,售價$108,平均一片$18,屬貴價食材。

20190922_195227.jpg

價錢雖貴,但確實美味得令人服氣,口感柔中帶勁,嫩與嚼頭並存,鮮甜程度達中上,值得回購。

20190922_201955.jpg

游水海蝦一份8隻

20190922_203426.jpg

蝦肉結實,可見新鮮,但鮮甜程度一般,不過一份只售$58,尚算合理。

20190922_193810.jpg

餐單上標示台灣香菇貢丸六粒一份,實情卻有八粒。

20190922_201624.jpg

貢丸的美味之處是它的爽口與嚼頭,但這裡完全達不到,口感軟多了,沒有下次。

20190922_195340.jpg

我說不來這個自稱即炸響鈴卷是不是即炸,因為它沒有即炸的酥脆,但又沒到預製品的不新鮮。

20190922_200615.jpg

響鈴皮較厚,厚度跟鴨腳扎所用的腐皮相約,也許這就是它脆不來的原因之一。除非特別愛吃響鈴,否則鮮腐竹比它更好。

20190922_193835.jpg

油麥菜給很大一盤,四人吃也足夠。

20190922_200754.jpg

油麥菜鮮甜,我特別喜歡它獨有的嫩柔柔口感。

20190922_193731.jpg

水晶粉在我心目中隸屬台灣菜,因為曾經於台灣菜遇上一試難忘的水晶粉,愛它的Q彈口感,以及似是咬不斷的嚼勁。

20190922_200411.jpg

後來尋尋覓覓依然找不回當年的味道,這裡的水晶粉沒有當年Q彈,不過它算是不錯了,我可是遇到好幾次跟粗粉絲沒差的情況,這次吃到的尚算有彈性。然而,前面說過湯底味精太重,水晶粉又特別能掛湯,吃起來太咸,水晶粉可吃或不吃。

20190922_193801.jpg

稻庭烏冬$38一個,這價錢在超市可買到一包五個了。除了罕見或少吃的麵類,平常我極少點麵條作為火鍋食材,烏冬是同行人點的。

20190922_201132.jpg

我本身偏愛有嚼頭的食物,這裡的烏冬竟然需要特意加長烹煮時間才對我胃口,可見它的結實。由於火鍋是邊煮邊吃,這種烏冬很適合作為火鍋食材,吃到後面都不會太軟。

20190922_194237.jpg

上次吃過豬頸肉有被迷到,這次再點。

20190922_195141.jpg

豬頸肉依舊香濃爽口,入口剎那已經感受到香氣充斥口腔。

20190922_194331.jpg

招牌手切肥口牛以優惠價$88出售,平常一般賣二三百元一盤,在這裡三分一價錢就能吃到。

20190922_195657.jpg

這裡的手切肥牛雖未達至頂級香濃,但以$88來說已物超所值,牛味的濃度比肥牛出色多了,厚度亦適中,口感頗嫩。

20190922_194416.jpg

特級雪花牛肉粒沒有因為厚度增加變得難以咬開,牛味的濃度與招牌手切肥口相約。

20190922_194957.jpg

牛肉粒與手切肥牛口感有別,牛肉粒提供更好的嚼頭,手切肥牛則以軟嫩為重,兩種各有特色,這裡的豬和牛都非常得我歡心。

20190922_193641.jpg

難得在酒樓遇到Kronenborg 1664生啤,這款生啤是我愛喝的啤酒之一, 生啤裝味道清甜,我把它當作低糖汽水來喝,吃火鍋不喝可樂就必須是啤酒。

20190922_201356.jpg

環境是一般的酒樓格局,人手不足,但不至於叫天不應叫地不聞,對我來說可以接受。當天的優惠不分時段,我們七時三十分入座,酒樓約莫十時三十分清場,共有三小時用餐時間,比上一次光顧的可用時間長,改變優惠方式顧客有得着。上次只有二人同行,由於想要多吃不同食物,導致點的份量過多。這次四人進餐,能夠多吃幾種又不會過量,加上優惠食材,人均消費更便宜。食物方面,肉類出色,龍躉片美味,其他食物水準也不俗,只有貢丸較為令人失望,但是湯底味精過重不多不少毀掉食材應有的鮮味,不過以二百元消費來說,能吃到高質肉類與龍躉確實經已值回票價。

永藍蝶 發表在 痞客邦 留言(0) 人氣()

餐廳位於人跡罕至之地,附近的建築物主要是學校與唐樓,平日下午多見學生光顧,星期六下午二時近乎無人。這家餐廳天花甚高,座位編排距離適中,加上顧客流量不高,環境予人舒適放鬆的氛圍。

20190921_140943.jpg

假日午餐少不了西餐的指定動作──麵包
我只吃了其中一種,但目測兩種質感無差別,只是顏色不同。口感差,吃起來不太像麵包,質感真讓人聯想到用來洗碗的海棉,就靠面頭啡色部份帶着的芝士香啃下去。

20190921_141019.jpg

沙律配醋汁無異樣,質素中規中距。白湯比麵包更差,粉糰還未完全化開,味道淡如水。

20190921_141655.jpg

主菜是松露野菌雞肉忌廉扁意粉,醬汁以白汁來說味道尚算到位,但是不濃郁,而且毫無松露味道,味道有點淡,但自行放鹽可解決。意粉過硬,還好我特別愛吃有嚼頭的食物,所以還能接受,然而同行人偏好吃軟,吃到後面都不想吃了。此外,野菌雞肉給不多,這個在我看來就是普通的白汁撈硬意粉,愛吃硬的人對它還有點好感,畢竟白汁味道合格,不愛吃硬的只得嫌棄它了。

20190921_144815.jpg

甜品是芒果雪糕泡芙

20190921_144836.jpg

泡芙冰過硬硬的,沒有鬆化感,但冰過變得硬脆,口感也不錯,奇怪是芒果雪糕不甜,盡不到甜品的責任。

20190921_140905.jpg

餐飲可以半價優惠轉為啤酒,這裡的奶茶咖啡向來水準一般,我又不想喝檸茶或檸水,既然這裡有賣我喜歡的Erdinger,毫不猶豫點了。啤酒情況正常,跟平常喝到的沒差,餐飲能轉成酒類有加分。

套餐貼近市價,但食物質素偏差,只有沙律正常,意粉僅僅合格,而且前提是當事人特別喜歡吃硬。若非身處附近,實在沒必要來,要是本來居住在餐廳附近或工作地點相近,偶爾來輕鬆一下不錯,畢竟餐廳環境令人心情放鬆。

 

永藍蝶 發表在 痞客邦 留言(0) 人氣()

這是一家酒店附帶的西餐廳,服務質素有保證,當天主理我們的女侍應主動性高,態度和藹且挺活潑。我平常最喜歡是這裡的寧靜氛圍與寬敞環境,光顧的客人不多,消磨七八個小時也不會被趕走。然而,這次於星期四晚上光顧,竟有七成入座率,首次佔不到沙發座位。

20190912_185143.jpg

Happy Hour時段提供買一送一優惠,挑了最貴的雞尾酒 Long Island Iced Tea。雖然這杯是經典雞尾酒,但說不定這才是我第一次正式喝到,總之我對它的味道毫無印象。這次對它產生的印象是如無意外,不會再喝,味道奇怪得我說不清。酒味頗重,苦味明顯,不至於受不了,但肯定不好喝。不知道是否受視覺影響,竟感到茶澀,而茶澀是可樂跟不知道什麼碰在一起所產生的不良反應。

20190912_184954.jpg

Virgin Colada是菠蘿汁跟椰奶組合而成,我原有的概念是奶類不應和酸物混在一起,怕奶碰到酸被凝固起來,導致腸胃不適。這個組合卻出奇地好喝,香甜的椰奶中透出一絲菠蘿的酸,味道非常醒目,令人精神一振。椰奶的香甜予人溫和舒暢感,而菠蘿的酸帶有推進刺激,使人貪戀追喝。

20190912_191114.jpg

這道菜應該跟之前吃過的一樣,但名字與價格已變更,之前的名字是Mussels Mariniere,這次的名字是Fresh Blue Mussel Pot。由於味道非常相近,所以認為是同一道菜。點這個是因為對上次吃過的Mussels Mariniere好感度甚高,但留戀的不是青口,而是醬汁。可惜這次味道雖然相近,但遠沒有上次好,醬汁濃稠度低多了,味道也沒有之前香濃,當下只是一個稀薄的白汁。至於青口依舊不算肥美,但質素達到合格。

20190912_191122.jpg

由於想多吃青口的白汁,上次我們以$40的價錢點一份side dish份量的Squid Link Linguine,但這次餐牌改動了,沒有保留side dish。我們沒料到這次的白汁質素有變,所以下單的時候一同點了意粉用來"吸食"白汁。由於我不想要餐牌上那些已經配上醬汁的意粉,我向侍應查問能不能點之前吃過的side dish意粉,侍應聽了我的要求後做出一份只用橄欖油與蒜片炒過的意粉,並灑上香草。份量大概是之前吃過的side dish兩倍而已,然而價錢是它的四倍,因為餐廳收取一份意粉的正價。個人感覺清炒意粉的價錢跟餐牌上的肉醬意粉之類的菜式同價太貴了,而且它的味道不怎麼好,做得太油,底下三分一的意粉都浸在油裡,也沒怎麼感受到橄欖、蒜片與香草的味道。

20190912_191151.jpg

Black Angues striploin "Taguata Style" 300g有驚喜,首先想不到牛扒已經預先切片,吃起來方便多了。其次,它放上我愛吃的火箭菜,最後且最重要的是牛肉是超乎我預期的好吃。

20190912_193056.jpg

因為朋友不愛吃生,我不能點medium rare,要了約莫六成熟,還能看到淺淺血紅的嫩,但熟透程度是朋友可接受,卻沒有熟過頭的粗糙感。雖然對我來說生一點更好吃,但當下情況能取二人的平衡點非常好,而且牛味挺鮮明,牛肉表皮被煎香,初入口已體驗到牛肉特有的香氣。牛肉灑上疑似酸醋的醬汁,放得不多,但有畫龍點精之效,少許酸甜味道讓人更開胃。下次我必定再點這個,但願不要像青口質素有變,我相信在水準保持下,加上牛肉在medium rare的鮮嫩狀態,能把我徹底俘虜😋

20190912_191200.jpg

薯條質素不變,依舊比老麥好一點點而已,吃起來沒老麥膠,比它熱,但質感與薯味不怎麼樣。

20190912_191234.jpg

飲料一杯好喝一杯不好喝,不過我不排除這個味道就是長島冰茶的經典,也許哪家做出來都是差不多這個味道,只是我個人不喜歡,Virgin Colada則是被我列為下次的指定飲料。牛扒使人留戀,我已經算着哪天有空獨自來吃一份,嘿嘿。我視薯條為不起眼的配菜,不到很難吃不會影響整頓飯的觀感,這裡的可接受。然而,青口跟意粉未達到期望,即使牛扒出色,也未能給這頓飯打個好評,但這裡總有讓我回來的理由,而這次是Black Angues striploin "Taguata Style"。

 

永藍蝶 發表在 痞客邦 留言(0) 人氣()

20190916_182438.jpg

成日經過見好多人排隊, 勾起好奇心想試下有咩咁掂, 標榜古早味道, 但我覺得蛋糕軟到應該留返畀清朝人食先啱, 仲要濕濕地, 濕軟蛋糕真係唔多吸引. 蛋味好重但奇怪係唔香, 中間有條勁咸濃味軟芝士, 軟芝士單食堅係正, 但同個有啲甜味嘅濕軟蛋糕放埋一齊產生強烈九唔搭八效果, 分開食仲啃得落, 一齊食特別難食......

20190909_163645.jpg

雖然幾大盒, 但其實只係海綿蛋糕加芝士條, $75一個貴。

20190909_163708.jpg

既然係古早蛋糕可想而知無乜花巧野

20190909_163735.jpg

除左蛋味好重同比較濕, 同一般海棉蛋糕無乜分別, 但佢蛋味又唔香, 仲要濕濕地咁, 食一般海棉蛋糕好過.

20190909_163911.jpg

條芝士好濃味係正, 但夾埋蛋糕九唔搭八到我碟上面嗰啲都啃唔哂. 如果呢種係古早味道, 古人睇黎無啖好食, 哈哈.

永藍蝶 發表在 痞客邦 留言(0) 人氣()

星期日早上六點半不到的時候,作為消費者也談不上擁有選擇權,因為大部份食店還未營業,路上只見這家茶餐廳開門迎客,所以必須是它了。

20190901_063700.jpg

炒蛋配蒜茸多士,炒蛋無蛋香且水份過多,導致狀態太散碎,若加長烹煮時間使蛋汁多凝固可改善。平常早餐多是配牛油多士,這裡用上蒜茸多士有點新意,但是多士烘烤情況不理想,沒有烤出來的香脆感。

20190901_063858.jpg

這個名叫金牌沙嗲牛肉即食麵,味道不錯,重點是沙嗲汁給很多,使整碗麵充滿沙嗲香,而且牛肉很軟,適合早上還沒睡醒的時候食用😅

20190901_064434.jpg

即食麵比一般份量大,遺憾口感不好,麵條已微脹,不爽過軟,沙嗲味道再好也因為麵條而大大失色。

20190901_063845.jpg

奶茶有點苦澀,我雖然不滿,但大多茶餐廳做出來都有這種狀況,所以這裡說不上特別差,而且它還沒苦得令我不想喝下去。

早餐咱一令我滿意的是沙嗲牛肉,其他都有不足之處,但在清晨沒有選擇的情況下,草草吃一頓還是可以。當下情況客觀來看其實能達到合格水平,倒不至於難吃,而且定價符合大眾,但寫出來總得着眼於問題之處,所以比較多提缺點。然而,個人對食物要求比較高,即使客觀來說合格,我寧可吃幾塊錢的杯麵,也不願意再來吃早餐😅

永藍蝶 發表在 痞客邦 留言(0) 人氣()

20190830_131026

一般人都不會路過這地方位置偏門,不近港鐵站,附近亦少有可吸引人來逛街的店,一般人都不會路過這地方,偏偏經常看見門口有好幾個人等着,使我好奇它有什麼引人之處。

20190830_131018

價錢合理,每件四至六元,同類食店大多都是這個價錢。

20190831_155931

這裡的食物多是即點即煮,除了韭菜窩貼剛好有四隻剩下來,其他都需要我們等候一會才送上。先來四隻不熱的,不熱自然味道大打折扣,還沒吃已知沒驚喜。後來再點一份生煎鍋貼,員工立刻給我們做,吃起來還是沒有驚喜,就是一般的窩貼,完全不會難吃,但皮與肉餡都沒有令人留下印像的特點。

20190831_161103.jpg

生煎包我們共要了八個,四個面頭放芝麻,四個放蔥,我只吃了其中一種,餐牌上亦只見一種生煎包,不知道兩者是否真有區別。我對生煎包挺失望,皮頗厚,煎過後表面做不到乾脆,蒸包感覺比煎包強烈。

20190831_161131.jpg

上海菜肉雲吞味道偏淡,香不起來,皮與餡同樣沒見得比別家出色。

20190831_160127

小籠包超多汁,我一口咬下去,噴得褲子上都是,足以證明它汁量驚人。即點即蒸,所以肉饀是被包覆在超熱的湯汁裡,蘸上一點醋提鮮,味道可人。可惜它的皮不夠薄,口感有些過於笨重,所以它是當天最好吃,但並不是表現面面到位,不過若是人在附近還是願意再吃一次小籠包。

整體來說,質素不見亮點,比它好吃的我能想到幾家,但是它的價錢合理,若然人在附近,當天又不想吃飯,以這個當主食轉換口味也可,但絕對沒必要特地過來。我們當天四人來吃,發現門前有收起的桌椅,我問店員能不能坐下來吃,他爽快給我們佈置好,店裡的食物又是即點即煮,因此我們可以坐着享受食物最熱的狀態。食物味道的確有欠,但即點即煮使熱度在最佳狀態有加分,而且能立刻坐下來享用有令人增加好感,中評還是可以的,但再次強調絕對沒必要特地過來吃。

永藍蝶 發表在 痞客邦 留言(0) 人氣()