前幾日執電腦D文件見到個整可樂雞翼o既食譜
我諗我人生裡面食過不出五次 
又幾年無食過 導致食癮起
話說呢味野好似從來唔覺係街邊到有得賣
我仲記得第一次食係小童群益會裡面個廚神整o既 : )
有日阿媽無煮飯 買左個檸檬再加埋屋企D材料整左黎食 yummy~~~

切左三分一個檸檬出黎都用唔哂
之後再將佢D汁榨落個杯仔到留返聽朝沖水飲清下腸胃
個檸檬皮用埋黎洗腳 哈哈

個汽水罐都俾我拎埋黎玩
不過摺得求其左D..............
所以用隻蝴蝶遮下醜 轉移視線
隻蝴蝶其實係由個銀包到爛出黎.........
係屋企搵到截絲帶就同佢做返個接駁手術
安置左佢係到 總算幫佢搵到個門當戶對好人家
大家都一樣係紅白色 哈哈

淨低o個三分二個檸檬就用黎沖檸蜜
但沖到個檸檬毛都出埋都未用哂 = =
最後用左黎做空氣清新劑
做法其實同平時點香薰差唔多
不過唔係落香薰油而係放檸檬落去
咁間房就會有淡淡檸檬味
雖然得少少地 但好過無啦 

一碟可樂雞翼有得食有得飲
有得護膚美容有得玩有得用
跑嬴出奇蛋幾個地球啦 :p