今日老娘早走半個鐘
不過係僅僅半個鐘 成個office氣氛唔同哂
大家開心哂 輕鬆哂
如果每日返工個氣氛都係好似老娘唔係到o個半個鐘咁
我諗我會好鐘意呢份工
雖然今日都係好攰 好多野做 放成八點
但係個feel好好多
而且仲勁好笑
康師傅真係笑死我 一隻做跑腿o既鴨
原來佢就係一直以來我地office o既大賊
仲有個太陽能計數機又係勁正
同周星馳個太陽能電筒有返咁上下level
嘈到笑到喉嚨都痛

諗返轉頭 其實老板都係到
不過我發現老板係到我地仍然係咁happy
不過會安靜返D 玩住笑住黎做
相反老娘係到就無人會happy
其實我唔諗我自己o個筆先
只係諗佢
我覺得如果做人做左三十幾年
一個人去到有佢存在所有人就會無哂快樂
我覺得佢做人都幾失敗
車車小姐只要聽到佢話唔返就會雙眼"丁丁"
老娘唔係到老大同黃經理就會盡量返哂黎OFFICE
然後一齊食飯 可能佢自己唔覺有乜野la
不過係我角度去睇佢 我真係會覺得佢幾唔掂
但係我又覺得佢好幸福 
因為佢嫁得好 身份係老娘
所以仍然可以繼續做佢自己而無問題
係我地唔鐘意佢o者 但其實係工作上佢又唔需要得到我地鐘意
只不過如果只以人格而論 佢幾失敗o者
但呢個世界又有幾多事係以人格而論
人格好到攞奬o個D 分分鐘係死先個班
所以老娘呢類人 或者先係最後可以嘆世界班人
這就是現實