因為劇情需要入 #鯉魚門 先知鯉魚門喺九龍區, 一直以為佢係西貢或者港島區啲fd咁遠, 估佢唔到啲海鮮飯店多成咁, 不過令我自願留低腳毛唔係海鮮係買手信嘅餅店. 呢間 #年香園 特別多人, 店員做到停唔到手同印銀紙無分別, 膠袋封口機一過又收一百幾十. 現場有好多野都可以試食, 阿姐仲好豪話最驚你唔食, 總之你係到等幾耐就食幾耐, 我見啲人真係成大塊肉乾拎黎食. 我試左雞仔餅同粟米角完全打動唔到我條脷, 但最終失守喺 #蜜味合桃 佢少少甜啱啱好, 又香又脆, 有啲似食爆谷, 不過比爆谷硬, 但無花生腰果嗰啲果仁咁硬, 同埋有少少芝麻香, 不過有時會間中食到好似魚腥嘅怪味, 唔通呢啲係鯉魚門風味? #鯉魚門海傍道中43號D
40蚊半磅
年香園有自己網頁, 佢上面個產品介紹話有助提升機體抗病能力, 會唔會吹大左, 唔食到咳都已經多謝哂.
佢嗰種脆係好似中間無野嘅空靈感
全站熱搜
留言列表