#春風撞奶鋪 #黑糖青蛙撞奶 本來以為係珍珠奶茶之類嘅野, 但原來分別幾大, 呢個係無落茶, 齋用奶. 二來啲珍珠質感好唔同, 好似湯丸咁淋咁黏, 無咁多咬口, 但係好滑, 而且珍珠個黑糖味真係好香, 會為左食多啲呢個味而暴風吸入珍珠. 原本以為唔記得叫少甜奶野喇, 但原來呢杯野本來就唔係好甜, 佢啲甜味只係珍珠到黎, 同埋為左整掛杯效果嗰啲黑糖, 飲完一杯都唔會覺得甜耶耶. 奶唔知係唔係鮮奶, 反正香港啲鮮奶一向都唔香奶味, 分唔到佢係鮮奶定奶精. 其實成杯野重點只係為左食個黑糖味, 而珍珠呢種野又有啲咬口, 係齋飲黑糖茶做唔到咁正, 而用奶就正在無平時啲台茶咁甜咁漏, 我有小小鐘意呢杯野, 但都係想珍珠有返咬口啲.
全站熱搜
留言列表
我寫意 (4)