目前日期文章:201906 (17)

瀏覽方式: 標題列表 簡短摘要

試新野
#Starbucks #星巴克 #Yogurt #乳酪
#唔識欣賞
#除左唔駛錢都無乜原因打動到我食乳酪

20190629_15155720190629_151652

永藍蝶 發表在 痞客邦 留言(0) 人氣()

#TERRA #藍薯片 明明係紫色唔知點解叫藍薯, 包裝寫無添加人造色素, 隻薯原本咁深色唔加好正路, any肥個名唔重要, 重點係好味! 其實佢就係厚切鹽味薯片, 口感無一般薯片咁脆, 質地粗糙啲, 睇落真係薯仔直接切片拎去炸. 成份好簡單只有藍薯+三種油+海鹽, 可能因為無添加味精, 所以個原薯味突出, 同埋咸味幾fresh, 感覺真係淨用海鹽調味, 不過已經好夠味. 仲有佢話無添加防腐劑, 我買返黎的確得3個月食用期限, 而且係Gluten Free, 不過呢個就唔知Free左有乜好. 一包細細地28g一次過食哂都夠頂薯片癮, 唔駛封返keep住無麻煩, 而且只係130kcal, 又好似真係成份健康啲, 睇黎我會轉食多啲呢隻代薯片. #BLUES #Chips #薯片 

20190602_204257

價錢比一般薯片貴啲$8.9/28g, 不過都係十蚊樓下嘅野啫.

20190602_204403

呢個牌子仲有十幾廿款, 除左薯片仲有南瓜蘿蔔蘋果balalala, 有機會再開發下.

20190602_205850

呢個顏色可能有新鮮感, 所以食嗰時感覺係開心啲🤩

永藍蝶 發表在 痞客邦 留言(0) 人氣()

20190625_133436

北海丼價錢$188,刺身有三文魚、珍寶帶子、蟹肉、蟹膏、三文魚子,另附有甜蝦,以及蟹子沙律和日本魚翅拼帶子裙邊。蟹子沙律味道正常,沙律醬給不少,所以味道足夠。日本魚翅拼帶子裙邊是味精的咸味,這東西在哪裡都差不多是這個味道,談不上是個問題,只是本來就不算美味。這套餐的重點在刺身,三文魚與甜蝦新鮮程度還可以,味道尚算到位,我接受,但其餘的刺身,甚至白飯,都足以令我把這家餐廳拉黑。首先三文魚子過咸,鮮味被蓋過。其次,蟹肉乾得很,口感柴,鮮味欠奉,頂多有些海水的咸味。蟹膏也是偏乾,吃不出味道來。最令我難以接受是珍寶帶子看着是最美味,竟然感覺不到有什麼味道,只有一坨軟乎乎的東西在口裡!我不知道白飯是不是日本米,它的質感太黏,口感自是偏軟,完全沒有日本米的嚼勁。$188不算便宜,但即使下調價格至$88,我也不想浪費自己去吸收這些只有熱量而沒有美味的食物。

此外,店面主要由一位男侍應打理,全程黑面,一副完全不想招待的神情,盡力用最少字數回答顧客的問題。還有上傳照片+點讚+打卡可獲得小食一客,所以不奇怪他們有大量的like。

永藍蝶 發表在 痞客邦 留言(0) 人氣()

#HiChew #軟糖 係童年回憶類零食, 有勁多唔同水果味揀, 水果味有啲做得好似, 唔似嗰啲都唔會假膠, 細個成日有一排係身. 無乜印象食過桃味, 細個食最多應該係青提, 近年鐘意多左桃味野, 見到有就買黎trytry. 香味同味道都做得似桃, 口感咁多年都無變, 有香口膠嘅彈性, 所以個名有Chew係正字正確 (但當然無香口膠可以咬咁耐). 食呢個一開始唔好咁大力咬到底, 好易癡牙, 到後面溶得七七八八扁哂咬少少都到底就無法, 有蛀牙食呢個實在係快樂並痛苦着🙈

20190530_100654

Hi-Chew雖然只係糖, 但已經勁到衝出宇宙, 2014年被認定為日本太空食品.

20190530_100743

一粒20kcal唔過, 但呢個咬口會有令人想追住食就不得了🙈

20190531_144950

白裡透粉好水嫩~

-153318fdc6cf1cca

呢隻梅味搵左好耐都無, 睇黎已經永久失傳😞

永藍蝶 發表在 痞客邦 留言(0) 人氣()

再度推爆 #金沙炸魚皮

20190622_14134620190622_141827

永藍蝶 發表在 痞客邦 留言(0) 人氣()

#Pie&Tart 係少年回憶, 中學嗰時好hit下, 而家雖然好似無左影, 但其實仲有好多鬼崇分店, 買黎做早餐係肥美而啱胃口. 其實食一個已經夠哂頂到Lunch, 但難得黎到唔食返兩個對唔住條脷. 揀左 #美式螺絲肉汁批 呢個麻麻地, 薯蓉似係粉開水嗰種無乜味, 批底係茄汁螺絲粉個汁又太甜, 佢個甜直頭係糖味重, 連蕃茄醬嘅酸味都無乜, 呢個咱一吸引係早餐可以食到焗意粉有啲新意, 但無下次. 呢到太多選擇, 第二個揀左勁耐, 最終貢獻左畀 #麻辣牛柳批. 本來覺得呢個配搭太奇怪, 但我又太鐘意食麻辣野所以怪都照去, 結果估佢唔到係好好味, 但佢好味並唔係因為個味夾, 反而係批皮同麻辣兩種味完全互不相干, 所以放埋一齊無問題. 批皮係少甜厚身曲奇, 能夠少甜因為本身佢就唔係為左整曲奇, 佢個少少甜帶住陣陣牛油香, 真係肥死但正到死, 我又鐘意食硬野, 厚身曲奇皮咬得爽. 至於麻辣牛柳啲牛純粹係畀返啲口感, 有野可以咬下, 用其他肉代替都得, 反正個味都會畀麻辣汁蓋過哂, 但絕對唔可以得汁會太漏. 麻辣個味有料到, 雖然對鐘意食辣嘅人黎講唔辣, 但麻辣香幾濃, 而且唔多食辣嘅人都未必頂到個辣, 以批黎講有呢個程度已經滿意. #批&撻

20190620_085555

美式螺絲肉汁批size都唔細

20190620_085910

有啲火腿同菇做饀, 但唔係好帶動到薯蓉個味.

20190620_091217

螺絲粉有粟米粒咬下唔錯, 但敗在個汁太甜.

20190620_093231

食完麻辣牛柳批, 想試埋佢南瓜批同叉燒批, 都係做呢個皮.

20190620_093609

麻辣味好香

20190620_151515

蛋撻唔關Pie&Tart事, 純粹想表達下一日裡面實在食左太多批&撻🙈

永藍蝶 發表在 痞客邦 留言(0) 人氣()

  • Jun 20 Thu 2019 00:48
  • 值了

零晨十二點多,餐廳選擇所餘無幾,看見這家在大馬路旁的餐廳依然燈火通明,門前張貼着粉麵價錢,三十多元有交易甚為經濟,因此不作多想就進門了。

20190620_001843

 來了一碗牛肚河粉,模樣看起來不俗,可是吃過就知道落差挺明顯,問題出在湯底太淡,我只好自行加多紅醋與辣椒油來帶動味道。

20190620_002236

牛肚欠彈性,吃起來口感扁扁的,還好沒到死硬咬不開。

20190620_002051

河粉有驚喜,又薄又滑卻不會碎掉,吮入口中的時候有一份爽口感,要是湯底出色河粉定必更美味。

因為飯後需要吃中藥粉,所以向侍應姐姐要求一杯熱水,必須是很熱的水才能溶解藥粉,所以我再三強調不能給暖水,姐姐沒嫌我礙事把熱水送來,服務有加分。這家餐廳營業至零晨二時,即使十二點多來到也不用急着把麵吃完。雖然湯底與牛肚有所失色,但河粉真不錯,而且價錢經濟,在深夜時份能夠以這種價錢慢慢享受一碗熱騰騰的湯河,我覺得值了,不過要給好評還是說不過去,但願將來他們能把湯底做好💪

永藍蝶 發表在 痞客邦 留言(0) 人氣()

出開去做野, 順路過黎LCK買我成日掛住嘅早餐──超級熱奶茶+腸粉. 超級熱奶茶其實只係 #OK便利店 野, 佢正在超級熱到辣手, 朝早長期有條買野飲嘅人龍, 兩三個店員摩打手專沖奶茶咖啡, 絕對係新鮮滾熱辣, 而且味道到位. 兩三年無飲, 佢依然咁多人排隊同熱到辣手, 但茶味弱左好多, 無以前咁香濃, 似係茶包沖出黎嘅野, 保唔住我心目中嘅神級地位😢腸粉喺一間零食店到買, 以前佢係偷偷地賣, 而家可能拎左牌光明正大擺出黎賣, 質素依然咁正, 腸粉彈牙實淨又滑, 唔會淋patpat. 啲醬食得出香甜啲, 稠度啱啱好, 唔會杰撻撻痴住太多係腸粉身上. 腸粉雖然無以前咁大份, 但一份只係$9, 以而家物價黎講合理. 呢個質素其實通達食店都做到, 但佢賣成$17份, 所以細份小小賣9蚊唔覺得貴, 依然喜歡❤ #荔枝角 #早餐 #奶茶 #腸粉

20190617_090534

 

熱奶茶$11

 

 

20190617_090916

 

滿到瀉即刻暴風吸入, 但真係好一般.

20190617_085351

 

腸粉你要堅強保持住唔好變粉腸😿

 

 

永藍蝶 發表在 痞客邦 留言(0) 人氣()

兩年前已經嫌棄左 #陳記魚蛋 個特製辣醬, 跟手diss埋佢魚蛋燒賣牛柏葉, 反正要加醬嘅野都唔想再試. 由於之前已經食左少少野, 唔想食正餐, 經過陳記買左 #魚肉碗仔翅 諗住呢個唔駛加醬無事, 點知都係要出事😑呢碗野如果唔要埋魚肉根本就只係馬蹄粉漿, 材料只有極少量木耳粉絲肉絲, 食嗰時係少到無乜存在感, 但有魚肉都唔係咩好事, 魚肉只係軟patptat無彈性嘅粉團. 雖然魚肉口感唔掂, 但又未至於令人嘔心, 一舊無味嘅野都入得口, 咱有加多啲醋一齊食, 成碗野變左好似齋食醋咁, 呢間野以後真係乜都唔駛再試......

20190602_154851

十八蚊碗價錢正常, 但質素太唔正常!

20190602_154914

魚肉白雪雪,  如同佢嘅味道一樣咁清白......

永藍蝶 發表在 痞客邦 留言(0) 人氣()

餐廳位於一個幾乎沒有食店的廣場內,正門還要被行人天橋遮蔽,可謂隱世食店。出奇的是星期六下午座無虛席,還好等候的人不多,我們大概十五分鐘後被安排入座。我知道這家餐廳是因為曾經光顧同區的另一家分店,但那家分店已經結業,所以我們轉到這裡來。這裡較我之前光顧的分店擠迫,桌子與桌子之間緊貼着,燈光有點過暗,稍欠舒適的氛圍。

20190615_135252

這裡最令人讚賞的地方是平價套餐,花個百元就能吃到兩款前菜+主菜+飲料,而且冷飲不額外收取附加費。前菜提供五個選擇,我們二人選了四個,除了餐湯,全都點了,圖中是田園沙律。

20190615_135414

另一個前菜是日式蟹子沙律,我把它與田園沙律混到一起吃,味道與新鮮程度中規中矩,醬料放不多,所以吃起來不算惹味,但是以這個價錢來說,質素是可以的,而且我們的主菜都是肉,吃一些蔬菜感覺生理(其實是心理)上有所平衡😅

20190615_140509

另外兩款前菜分別是蜜糖雞翼與日式炸蝦,兩款都做得好吃,主要歸功於口感非常香脆且不油膩。當香脆的雞翼沾上甜甜的蜜糖倍添惹味,炸蝦上的黃色醬料也同樣有異曲同功之炒。

20190615_140231

香煎豬扒配芥末忌廉汁附有椰菜花與薯蓉作為配菜,椰菜花只是以水煮方式處理,理所當然沒什麼味道。薯蓉則加入不少牛油,很難不惹味。薯蓉中留有大顆的粒狀薯肉有助增添口感,也證明了薯蓉是真材實料,並非以粉末開水做出來。芥末忌廉汁做得不錯,追吃性甚強,但是豬扒作為主食中的主食最差勁,死硬得很,令整道菜無法令人滿意。

20190615_140244

多花$5加配意粉,想不到$5給的份量很大,跟得上一道主菜的份量。意粉有嚼頭,但是略乾,要是拌上少許橄欖油更完美,當然以$5的價錢來說,已是物超所值。

20190615_140941

下單的時候向侍應說要餐J,餐J即是香煎紐西蘭肉眼扒配雜菜薯蓉,這套餐可加$30升級為安格斯肉眼扒,可是我想先嗜他們最基本的牛扒質素,所以沒有選擇升級。然而,付款的時候才發現他們在完全沒問過的情況下已經自把自為把牛扒升級為安格斯肉眼,並收取$30附加費。我吃的時候不知道這就是安格斯肉眼,還心想沒加錢升級的牛扒果然不怎麼樣,渣子多,我吐了不少出來,直到付款才發現這已經是加錢升級了的質素……其次,我要求Medium Rare,可是做出來是約莫六成熟。

20190615_142409

隨餐的凍奶茶

20190615_142500

加$19把隨餐的飲料換成凍焦糖咖啡,我不吃奶油,所以把大量奶油抹走,咖啡質素大概與罐裝雀巢香濃咖啡相若。意思是味道平民化,咖啡的香濃與回甘未能在這杯飲料上體驗,但味道我是喜歡的,甜甜的帶上咖啡的氣息,與其說是飲料,它給我的感覺更像是一道飯後甜品。

這裡除了豬扒牛扒,其他都在接受範圍內,我最喜歡的是前菜蜜糖雞翼與日式炸蝦,但是豬扒牛扒是這頓飯的重中之重,這兩個都挺糟糕,要不是價錢便宜就要差評。以消費水平來說,食物份量又多,當下的質素是可以接受,但是再來的欲望不大。這種隱世位置不方便來往,餐廳環境挺擠迫,我覺得這家餐廳較適合日常活動範圍就在這區的人,順道來吃一個價錢便宜又飽肚的套餐,要是罕有來這區一次,我肯定把機會用在其他餐廳。

永藍蝶 發表在 痞客邦 留言(0) 人氣()

從未試過咁早食 #月餅, 打開雪櫃仲見到粽嘅踪影...... #皇玥 月餅聽都未聽過, 但送到埋黎唔係唔食嘛. 睇書仔介紹原來都有來頭, 曾經喺 #半島酒店 #嘉麟樓 做嗰位師傅, 即係發明 #奶黃月餅 嗰個人走左嚟呢到. 收到四個口味 #流心奶黃月餅 我無試唔知咩料 #流心芝麻月餅 我都係無試, 但有人試左三個味, 話呢隻最好食. #流心薑汁白蓮蓉月餅 有意思, 首先我鐘意食傳統白蓮蓉月餅, 呢款保留到之餘仲加左薑汁搞新意. 薑汁個味唔弱雞食得出, 中間做返少少奶黃流心, 無食成件都係奶黃咁膩, 呢個值得推! #迷你奶黃月餅 同平時美心嗰啲無乜分別, 亦即係同食奶黃包差唔多, 成舊都係奶黃其實有啲over, 叮完仲衰, 成舊淋左好似齋食奶黃包個饀但無包, 連皮都化埋做餡膩到呢. 流心嗰三款一切已經流梗, 唔駛拎去叮先流, 如果叮左應該會奶野. 價錢同美心差唔多, 食悶左奶黃月餅可以轉下呢個有多啲味揀, 同埋可以雙拼, 而且淨係講個包裝都已經羸左幾條街.

20190614134944.pdf1

$368係正價, 早買平一舊.

20190614_112929

收到四個唔同口味, 每盒兩個.

20190614_112504

睇落雖然細細件, 但食半個都已經好夠皮.

20190614_114440

唔戴套是這樣的

20190614_114702

一切開已經流心, 唔駛拎去叮先流搞咁多野.

20190614_114611

流心芝麻月餅切開瞬間晶瑩剔透

20190614_123849

淨係得個盒無月餅因為一開始以為兩盒同味, 影左一盒就算, 食另一盒先發現原來唔同味, 但已經落左肚🤣

永藍蝶 發表在 痞客邦 留言(0) 人氣()

幾年前韓國出品Market O Real Brownie hit過一排, 雖然熱潮過左, 但咁多年都仲有得賣未消失算捱得. 其實佢做唔到Brownie嘅煙韌同濕潤感, 一口咬落去無阻力到底粉粉地, 但不至於餅乾咁乾, 放入冰箱雪完硬左係有返啲咬口, 但食落其實同朱古力差唔多. 一舊好細得兩三啖已經120kcal, 咁不如直接食3格朱古力仲滿足, 反正都係一樣肥. 幾年前買嗰盒包裝有教放微波爐或焗爐熱一熱佢, 嗰時我有試的確係熱左口感似啲Brownie, 但係咁細件野仲要搵個碟載住先可以翻熱 (包裝袋唔入得爐), 要我服侍佢一輪先似返啲Brownie, 而家年紀大無咁天真搞呢啲😑佢似Brownie嘅地方主要係味道, 好濃蛋糕類嘅朱古力味, 將呢種味道放喺未到餅乾咁乾嘅質地, 再改個Brownie名的確係可以幫助聯想, 但僅限聯想. 一盒四舊好細件賣$18.9唔係平, 既然做唔到Brownie質地已經無乜存在價值, 如果想要呢種味不如直接買朱古力蛋糕, 畀多幾蚊大大件. #MarketO #Brownie

20190602_132317

個樣堅似Brownie, 可惜質地唔得.

20190602_125745

$18.9其實一部份去左包裝, 個盒手感圖案都幾精緻.

20190602_125810

1件24g有119kcal, 3格吉百利提子果仁牛奶朱古力25g有129kcal, 相差唔多我寧願食3格朱古力, 襟食啲, 口感又比佢好.

20190602_131625

雖然半年食用限期偏少, 買嗰時又已經過左兩個月, 但份量咁少一下就食哂.

20190602_132034

宣稱有52%真正朱古力, 同實情吻合, 朱味的確係濃, 不過不如直接食朱古力.

永藍蝶 發表在 痞客邦 留言(0) 人氣()

無論係夜晚喺 #旺角 一個行完街, 或者同人食完晚飯想搵個地方hea多陣, #泰和堂涼茶館 都係經常諗起嘅地方. 其實佢唔至於好好食, 但係廿幾蚊食碗中式糖水可以慢慢坐, 旺角唔係咁多選擇, 好多都係偏西嘅甜品鋪, 埋單每人通常要半百. 呢到經濟實惠, 雖然間鋪殘殘地, 但食左咁多年, 反而多左情意結. 今次食 #椰汁黑糯米 對於飲乜都鐘意少甜嘅人黎講甜左少少, 但完全係接受範圍之內, 熱辣辣幾香甜, 但老實講唔出有乜過人之處. #黑糯米 質地無麥米粥咁好咬口, 但又無紅豆沙咁淋, 處於兩者之間, 想食淋得黎又有啲咬口揀黑糯米就啱喇.

20190612_211939

一年加左兩蚊, 睇黎好快要改口叫三十幾蚊碗.

20190612_212258

唔知係咪個樣似紅豆沙, 食嗰時都覺得同紅豆沙個味幾似😅

永藍蝶 發表在 痞客邦 留言(0) 人氣()

這家餐廳前身是Weinstube,易手後裝修與菜式沒什麼改動,但食物質素差別明顯,不過我已多年沒光顧Weinstube,所以這說法是把現在的Prosit Bar and Restaurant與多年前的Weinstube作比較,也許接近易手前的Weinstube與我記憶中的Weinstube已有巨大差異。先不拿現在這家餐廳與前身比較,單是評論當下菜式,質素也有很大不足之處,下面一一細說。

20190608_141737

餐廳位於大廈一樓,地方小小的,除去酒吧部份,只可招待不多於十桌客人,小規模的店面頗有家的感覺,生出一份親切感。然而,若不幸碰上幾桌客人是同一伙,卻又不是完全包場,情況或會挺吵人,這裡地方小,他們幾桌互相聊起來聲浪可不小。

20190608_143736

德國香脆咸豬手配酸菜及烚薯是我吃德國菜的必點菜式,這裡做得非常差,咸豬手不香不脆,豬皮厚硬硌牙,豬肉也粗糙得很,吃這盤東西就是跟牙齒較勁。酸菜的口感像是被半脫水,"乾爭爭"的無趣。烚菜反而成為最正常的東西,因為做這個既沒有特殊技巧,而且理應淡而無味,但同時難以稱得上可口。

20190608_143725

白酒磨菇汁牛仔肉配炒薯肯定比硬邦邦的豬手要好,牛仔肉裹上炸漿下油鍋,口感是既脆且綿,炸過的牛仔肉依然軟而濕潤,尤其有了豬手的對比,牛仔肉的口感好太多了。然而,它的脆未算上盛,炸皮不夠乾爽,而且牛仔肉的味道有些過咸,這種咸使人感覺食物廉價。雖然餐牌所示這道菜提供的是炒薯,但薯仔看着吃着也似是炸過,油炸食物本來就易於俘虜舌頭,所以絕不難吃,但是它的口感偏乾且沒什麼薯味,大概屬於連鎖快餐店的質素吧。這道菜的好只有牛仔肉沒豬手硬,質素太有港式快餐的感覺,做不出價值二百五的味道。

20190608_161543

我們先點兩道主菜,本來想再多點一份,可是吃過前面兩道菜已經不想再碰壁了,但是我來之前已決定吃德國式蘋果批,想着這是最後一次來,死就死吧,把甜品點了。想不到是主菜很差,但甜品大大挽回了分數,讓我有了再來的理由。

20190608_161700

首先我特別愛吃熱甜品,但是西式的熱甜品不多,我以為德國式蘋果批是處於室溫狀態,想不到它是熱哄哄的。蘋果批表皮有着酥皮的脆,帶着淡淡肉桂香,我本身不太喜歡肉桂的味道,它給我的感覺是味道濃俗卻在裝淡的Bitch😂這個肉桂的味道卻是淡淡的清幽,我喜歡。餡料我只認得出用上果仁與蘋果肉,甜味不太重,味道舒服。然而,餡料的口感太乾了,不能一直單獨吃,這時候伴的雲呢拿雪糕正好大派用場。把雪糕塗上蘋果批除了可滋潤它,當熱的蘋果批碰上冷的雪糕形成冰火效果產生出說不出的滿足感,而且這種雙重甜味跟單獨吃蘋果批有所不同,別有一番新鮮感。

20190608_143931

這裡有賣奧地利的生啤Stiegl,看圖理解是一種帶西柚味的啤酒。

20190608_142112

這款Stiegl生啤非常容易入口,沒有苦澀,雖然喝不出西柚的味道,但味道很清,合乎帶水果氣的啤酒質感,而且味道沒到白啤的淡,不過平常愛喝啤酒的人大概會嫌它啤酒味不夠濃郁。

20190608_165509

Erdinger Hefe是我愛喝的啤酒之一,雖然它的味道也是偏淡,但麥味還算是明顯,而且我喜歡喝着它的時候感覺到氣很綿密,令人舒暢!

20190608_142030

Hong Kong Gunner是一款Mocktail,我沒有嚐,不過朋友說好喝。

飯後感是我對這裡的主菜與炸物毫無興趣,要不是德國式蘋果批出現,肯定差評。我很有意欲再吃德國式蘋果批,而且來喝Erdinger與Stiegl生啤也不錯,但是甜品配啤酒怪怪的,也許下次點一盤香腸來配啤酒吧。香腸多是現成貨,在餐廳裡或煎或烤加熱就成,一般不會出現太大問題。此外,這家餐廳於網上訂座可享折扣,雖然只適用於餐牌內的單點食品,但某些時段可打六折,真的能省下不少。

永藍蝶 發表在 痞客邦 留言(0) 人氣()

最好味嘅朱古力一定係 #提子果仁牛奶朱古力 超鐘意裡面有提子乾煙韌口感加埋果仁硬脆嘅咬口, 仲有提子乾嗰隻果甜又係正嘅👍必須配milk chocolate, dark chocolate太苦我唔識欣賞. 牌子唔重要, 平平地$9.9 #吉百利 都已經可以滿足, 反而貴又食唔出有乜更好感覺係蝕左😅 #Cadbury #Chocolate #朱古力 #巧克力

20190601_091329

唔一定食吉百利, 總之價錢大概十蚊就ok.

20190601_092100

吉百利呢隻一條50g有6格, 一格就已經食左43kcal🙈

永藍蝶 發表在 痞客邦 留言(0) 人氣()

前幾日吹水提起 #水煮魚 一講起就搞到勁想食, 於是即日衝左去, 仲要在場根本無乜人食, 我都堅持叫一盤, 最終自己啃左半盤, 半盤打包. 因為隔兩日個胃先得閒食, 所以成盤放入冰箱諗住會keep得高質啲, 琴晚諗起今日有得係屋企慢嘆水煮魚咁疏肝仲好期待.......但想法太美好, 結局神反轉😭呢盤野翻煮之後成為我印象中最難食嘅辣, 放左兩日啲魚唔滑好正路我接受, 但佢個辣係食一半都頂唔順. 當日即食仲食得好輕鬆, 覺得辣多少少都OK, 兩日後個辣濃縮左, 辣多成倍都有, 食嗰時上顎即腫, 食完耳仔同胃都feel到拿住. 辣都算, 仲要有苦味, 我諗係啲調味已經高度濃縮到苦😓本來仲煮左碗麵諗住撈汁食, 但所有野都只係食左一半, 個辣其實慢慢食係勉強食到, 但咁肯難食, 食哂即係浪費自己, 一半倒左. 之前覺得食水煮野咁大盤汁淨左唔打包好可惜, 今次打包雖然好難食, 但我呢世都唔會再覺得唔打包水煮野係可惜, 因為拎返去都係廢......唔夠人我唔會再任性叫水煮野🤦‍♀ 

20190602_120052

成盤冰左係咁樣

20190602_120611

煮嗰時成個廚房勁大陣味, 屋企人聞到係咁咳, 我唔咳但食到流鼻水🤧

20190602_122644

一熄火極速瓊油😱

20190530_131943

當日食真係正嘅, 如果唔係趕時間, 同埋叫左太多其他野食, 我覺得自己食到八成.

永藍蝶 發表在 痞客邦 留言(0) 人氣()

近來幾鐘意食J'aime Pain嘅 #車打芝士軟法包 質地一啲都唔軟, 但唔知點解叫佢做軟法包, 明明平時呢隻係一般 #法包 佢啲車打芝士好夠味, 一咬到芝士粒成個口就好香, 芝士個酸味偏重, 酸味令到芝士味好突出. 仲有平時我覺得芝麻係得個樣睇, 唔會真係食到咩味, 但呢個黑芝麻好加分, 成條包都有陣陣芝麻香, 嗰陣香味就好似焗爐烤出黎嘅香味, 我可以一次KO成條! #JaimePain@旺角亞皆老街100號地下B舖

20190601_151642

一條$16

20190601_152358

芝士粒唔係放好多, 但勝在芝士味夠濃, 咬到一粒接住幾啖都仲有芝士香係口.

永藍蝶 發表在 痞客邦 留言(0) 人氣()