#鮮芋仙 #芋薯圓Q麻薯牛奶冰 $52
#芋圓 切得太細粒搞到無口感, 橙色嗰粒野, 味道唔錯, 有蕃薯甜味, 不過嚼頭都係差咁啲. #麻薯 糯米磁咁上下嘅軟, 但呢樣野本身好似就唔會有芋圓咁有嚼頭, 所以算係達標, 純粹未夾到自己嘴形. #冬瓜凍 無特別, 無乜味嘅啫喱. 呢盤野佔得最多係 #牛奶冰, 頂頭似係 #雲呢拿雪糕 雪糕無問題普通野, 問題啲冰係廢, 勁無味, 好似食碎冰飲雪水咁, 食幾啖就bye. 成盤野除左夠大盤睇上黎好勁咁, 毫無亮點. 仲試左個熱 #芋㘣4號 唔記得影相, 都係麻麻地, 湯底係 #紅豆沙 好水, 芋圓大粒返都係唔夠嚼頭, 裡面仲有珍珠, 普通野. 無論凍食定熱食, 心目中都有好過佢嘅餐廳, 芋㘣做得更好. 呢間野勁多人, 好似快餐點咁搵位, 唔係排隊係鬥搶, 食完要即走讓座, 群眾壓力山大, 無下次. #荃灣 #荃新天地 一期地下G46號舖

食神伝說啲野都幾抵, 我覺得係超市全線打左八折咁.

呢隻一包75g, 都係迷你size最好, 呢個開左真係好難收口, 唔食哂係強人所難😫

一包有成400kcal, 越好食越邪惡😈

吃塊薯片都是愛你的形狀❤

雖然是第一次光顧此店，但以前頗常去尖沙咀分店，由於尖沙咀分店已結業，特意到訪銅鑼灣分店。

以前光顧尖沙咀分店，店員會自動送上咸酸菜，才得以知道此店咸酸菜的美味。銅鑼灣分店沒有這麼做，我還是要下單吃上一份，十元一小碟，可惜味道沒以前好。菜爽，酸味足，但做得太甜把咸味全蓋掉，不過下次來我還是會點，我就是特別喜歡吃咸酸菜。甚少遇到餐廳收取茶錢，這裡則設每位$2收費，但給得心甘情願。我喜歡這裡的茶超級熱，茶香雖不及茶樓的濃郁，但淡薄的茶香反而使我一杯又一杯接着喝，怪好喝。

排骨菜飯是此店名物，吃飯期間看見店員不間斷從廚房送出來，而我也正是為菜飯而來。香港能吃到菜飯的地方不多，吃到的地方又大多做得飯無菜味，這裡做的比較出色，飯帶陣陣菜香，單吃也過癮。然而，它離我的理想水平還有些距離，不過我也沒找到比它好的店，所以要吃菜飯必須來這裡。排骨不好吃，肉質硬實，味道過甜，毫無炸出來的香酥感，吃第二件已經膩了，單點菜飯更適合。

上海炒粗麵比我預想的份量少，一人單吃這個也不會撐。味道中規中矩，鑊氣不夠，欠上一份惹味，除非特別想吃粗麵，這個可不點。假如很想吃，就點吧，它倒不至於令人不滿。

紅燒魚頭煲有驚喜，$78的價錢算是便宜，份量又大，上來的時候熱騰騰，氣勢討喜。鍋裡除了魚頭，還有肉片和筍，最讚是底下墊着粉皮，粉皮吸收醬汁與魚汁後味道濃郁，熱辣辣吃着非常惹味。魚頭肉多，有很輕的腥氣，但在濃郁醬汁下可忽略。要是肉片能換成豆腐更稱心，豆腐的清寡能突顯濃汁的精髓，又能減膩。

在銅鑼灣晚上二百元能吃到一頓質素不俗的飽飯是划算，除了排骨令我抗拒再吃，其他都可以再來，但願九龍區能再設分店，方便我治理菜飯的癮頭:p

之前喺大陸酒店拎左兩包 #金米蘭 #咖啡 返黎, 想睇下國產野咩料. 一打開包裝咖啡粉勁香, 香味唔似加左香精, 真係堅咖啡香, 仲要幾pro係拉耳仔掛杯滴漏嗰隻. 呢種咖啡我唔係第一次飲,  但次次對我黎講都係伏, 又酸又苦多. 呢件國產野都係同一命運, 聞落係正正子, 但飲落堅伏, 我唔敢講佢係差, 因為次次呢種咖啡我都唔會鐘意, 唔知係咪得我一個係咁呢? #MilanGold #Coffee

9月生產, 我11月拎, 都算新鮮, 仲要保質期有18個月.

用160-180ml熱水泡60-70秒

先唔講好唔好味, 但呢種即沖包裝咖啡確實係有氣勢.

難飲到我飲左兩三啖就倒左沖返G7😅

#DoiKham #脫水草莓 本來以為佢係乾到無水入口即化嗰種水果片, 原來係好似芒果乾嗰種, 口感有返啲煙韌, 正! 味道比生果士多啤梨甜, 因為加左糖, 不過唔會好甜, 芒果乾都比佢甜, 又保留到士多啤梨味, 而且話哂係真士多啤梨應該有啲營養價值掛. I approve it👍 #士多啤梨 

呢包又係人地手信畀, 如果佢有其他水果乾都想試.

25g/ 90kcal

口感比芒果乾仲煙韌, 一包25g太少唔夠喉囉.

#一福堂老店 #檸檬餅 畀人請食檸檬, 個餅大隻過檸檬小小, 外形檸檬樣, 如果塊皮上面戳返啲窿更似. 成隻野係淡檸檬味, 唔係好夠甜又零酸, 總之佢類似莎莉蛋糕, 不過無咁高密度同埋係檸檬味, 然後包左層少甜淡檸檬皮. 我鐘意食硬野, 所以佢個密度對我黎講爭咁啲. 雖然好多人包括我自己都鐘意食啲唔係好甜嘅甜品, 但呢個無論檸檬味同甜味都真係去到淡, 無特色. #台灣 #台中 #手信

總店位於台中市中區中山路67號

一個40kg/ 161.2 kcal

建議冷藏風味更佳

畀人請食檸檬無心酸

無乜特別, 只係個唔甜唔酸低密度版檸檬莎莉蛋糕.

這區泰國食店林立，我們沒有刻意挑選，走了一小段街道，隨便進入一間最合眼緣的。

小曼谷海南雞飯未有讓人感到雞香肉嫩，但雞肉不算粗糙，純粹平庸得未能令人產生滿足感，只能視作一般雞肉。油飯不香，飯粒少許散碎，咬起來欠綿彈感。附上的湯咸得要命，根本喝不得。由於雞肉尚算在正常範圍內，只要不喝湯還是能下飯，但沒有下一次。

泰式椰菜苗選擇炒豬頸肉就是不想吃咸肉，但豬頸肉還是咸得很......終歸逃不過咸肉的陰影，而且不免奪去椰菜苗一些清新，幸好菜本來味道偏寡，吃起來不算太咸。

點了滷水豬手乾麵，好奇着什麼是乾麵，原來是乾得要死的麵，乾得我忍不住問侍應乾麵的吃法，乾得我懷疑不會直接乾啃。侍應說麵已調味，可以直接食用，也可以配着湯吃，於是他送來一碗熱湯，一看又是海南雞飯所配那碗喊得要命的湯，所以我只好直接乾啃了。乾麵梘水味重，我把桌上備着疑似是辣椒鼓油的東西混到麵裡抗壓梘水味，既能把麵稍為濕潤，但始終談不上好吃。乾麵還配着咸菜，又是咸得帶苦。滷水豬手是這頓飯唯一上得了場面的，其他頂多湊合着吃。滷水豬手以滷水製作反而沒有過咸問題，口感軟腍，連着膏脂骨膠揮發着油香，頗有追吃性。

以晚市來說，價錢合理，份量大，給人消費親民的感覺，但食物質素偏差，而且每一道菜總有咸得要命的原素，即使便宜也毫無回頭打算。

本身好鐘意芒果熱情果呢個組合, 以前去澳洲會喪飲Boost Juice, 但喺其他地方都無飲過正嘅. 呢個 #威路氏 #芒果熱情果汁 又係伏, 唔睇名都唔知佢係芒果熱情果味, 話佢係橙汁都無法反駁, 睇左名先覺得佢都算係扮梗熱情果, 但芒果味真係sor9ry😑成個味太假膠, 只係未衰到藥水味, 所以買左都會飲埋佢, 但一定無下次. #Welch's #Mango #PassionFruit #Juice  #芒果 #熱情果 #百香果 #果汁

其實佢仲加左蘋果, 不過真係飲落毫無痕跡😑

$13.3@TASTE, 473ml/ 250kcal

呢樣野十幾歲就開始食, 但一直唔知叫乜, 係今次想講兩句先認真搵下咩名. 佢叫做 #柿種米果 因外觀似柿子種子而得名嘅米果. 我呢個睇包裝估計係海膽味, 但食唔出同平時醬油味有乜分別. 柿種米果通常都係醬油味或者醬油味加辣, 細細粒又脆口咸中帶甜有時仲辣辣地真係好挑逗味蕾, 成日都要食到無哂為止先肯收口😅不過佢無薯片咁惹味, 係味道有啲刺激得黎又比較溫和嘅零食, 心理上會覺得佢無咁熱氣同肥(純粹心理上...). 佢通常會同花生擺埋一齊, 花生有咬口過米果, 我覺得呢個組合最正, 一個夠脆, 一個有得咬, 不過我呢包係同wasabi粒粒放埋一齊. 雖然佢裡面都有花生, 但細粒到唔係我八掛咬開佢都唔知裡面有花生, 完全食唔出花生嘅口感. 好嘅係我本身唔多鐘意wasabi味零食, 呢個做得好淡, 一啲都唔攻鼻, 無咁抗拒. Any肥都係專注食柿種算. 

呢啲野切記要買細包裝, 或者一大袋裡面有分裝, 大大包一包過嗰啲肯定出事🙈

其實唔只柿種, 日本出嘅米果唔係wasabi味都應該好食.

粒粒飽滿 (唔包括綠色嗰啲) 橙色對我黎講都算係令我比較有食欲嘅顏色

收到SMS叫我去拎沙律菜一顆, 當時都覺得怪怪地點解係一顆, 但個腦始終係諗住現成可以即食嘅沙律一盒. 去到鋪頭先知自己諗多左, 佢真係成袋生菜畀我, 仲要返到屋企拎出黎發現係成棵連根拔起, 新鮮到出乎意料🤣我估呢啲咁原汁原味嘅菜會比街市買貴唔少, 但食落真係鮮甜多少少都無, 我直接生食試過, 煮熟佢黎食都試埋, 真係平凡到有時遇啱街市嗰啲夠靚都甜過佢, 所以貴野我識條鐵🤣 #FarmDirect #沙律菜 #生菜

雖然無特別, 但免費野試下都好.

雖然味道無特別, 但食多啲菜都好, 我而家實在無乜機會食到海鮮同菜😢

感覺係單親家庭一家三口, 一家人就要齊齊整整, 已經全部同時落哂我肚😋

晚飯後想再多跟朋友聊聊，找了附近一家甜品店坐下，餐牌看起來有模有樣，該有的都有，款式不會太沉悶，初見好感甚好，然而吃過後肯定不回頭。

這款甜品命名為紫醉金迷，材料用上芒果、黑糯米、水晶珠及椰奶。我看它以椰殼盛載，預計能嘗到新鮮椰子的清甜，但實情全是罐頭椰奶的死甜味道，加上毫無嚼頭的軟乎乎水晶珠，只有黑糯米及芒果粒屬正常。然而，花上$55吃泡在死甜椰汁裡的黑糯米及芒果粒又有什麼意思? 永別。

太極小丸子把芝麻糊及合桃糊合拼，配上一小份迷你湯丸粒粒。湯丸挺有嚼頭，這個不錯，但是芝麻糊及合桃糊的原材料味道太淡，意思是甜度雖足，但芝麻香及合桃香薄弱，又是反手一個永別👋

#MAMA 應該都係去泰國必買嘅野, 之前迷過佢個冬蔭功金邊粉, 但已經絕左種無陰公😭今次收到佢個 #咸蛋 #撈麵 手信都對佢有少少期望, 因為佢出過我鐘意食嘅野. 我拎住包裝呆左一陣, 包裝99%泰文, 我憑住Stir fried同圖片無湯估計係撈黎食😅結果係令人失望, 咸到痴線, 當然唔落哂包粉可以解決, 但第一次食鬼知咩, 佢放少啲粉成本仲平啦. 不過就算唔咸都係麻麻地, 都唔似咸蛋味, 佢係靠顏色fake你佢係咸蛋, 而且辣辣地更唔似咸蛋. 唔似都唔係大問題, 但就算畀佢做返正常咸度嘅微辣麵我都食唔出特色, 隻味都唔香. 同埋個麵對於地獄廚神嘅我黎講係容易煮到無咬口, 我以為時間煮左唔係好耐都已經淋左少少, 要控制得時間更短先做到最好咬口, 我太難了:( 一句總結就算咸度咬口都做到正常水平, 佢都不過係一個唔難食無特色嘅撈麵. #媽媽 #StirFried #SaltedEgg #Noodle #炒麵

包裝紅紅橙橙表面睇係幾吸引

泰文多到理解唔到一包有幾多kcal😅

有一包粉一包醬, 我以為包橙色醬有咸蛋味, 點知係完全無味, 佢只係同啲麵上油立立令扮咸蛋......

我鐘意食辣, 所以咸蛋加辣我係buy, 但問題個味真係太平凡, 我不如食返印尼撈麵好過.

#韓國 #杏仁 由之前好hit到而家熱潮無咁勁, 但睇黎已經成功打入成為常規零食, 不過我一直無心動要試. 果仁我都鐘意食, 但平時唔會買, 因為價錢唔平食少少就好高卡, 但朋友手信畀左我, 一試就不得了!!! 痴線! 真係搞到我追住不停食, 食到喉嚨痛都忍唔到口, 我諗住自己入貨, 點知有隻味韓國先有, 我連人地開左嗰包都唔放過, 佢話倒一半畀我即話好😂試左兩個牌子 #TomsFarm Honey Butter味超市都有, 呢個可以自己買返, 隻味勁係街邊嗰啲牛油粟米, 超香甜, 配左落杏仁到咬口大躍進, 高級正正子! 第二個牌子係 #Sunnuts 就係呢隻粟米味杏仁自己買唔到, 佢又係高級正正子, 隻味似粟米到暈, 兩隻一齊食就堅過街邊牛油粟米, 因為街邊嗰啲其實粟米味被掩蓋左, 但呢兩隻正好一個擔當牛油粟米個味, 一個做好粟米本份😂其實杏仁本身無乜味, 係正在咬口, 隻味做得咁好又配落一個咁有咬口嘅食物, 我好難唔被一擊即中🙈 #Korea #Almond

雖然肥, 但人地送左就一定會食,  所以食嗰時無考慮到卡路里.

食完想返單先google, 一包30g有187.5kcal, 可以接受, 但都真係唔低.

身為杏仁卻妄想成為粟米

食用期限都幾長可以放年幾

韓國杏仁原來係肥矮啲, Sunnuts包裝粒卡通杏仁個形態同實物做到一樣😄

#韓國 #黃金柚子 一盒五條, 包裝99%韓文, 看圖理解係沖水飲/當沙律汁/整甜品用, 隻味其實同柚子蜜一模一樣, 所以無可能唔好飲, 只係佢無渣同水啲. 不過一樽柚子蜜可以飲成世, 呢個幾次就玩完價錢貴好多, 唔係人地畀都唔會試.

個人覺得柚子味飲品熱係啱feel啲, 除非整成汽水.

一條32g/ 68kcal

包裝上教用60-80ml水開黎飲, 傻的嗎? 我開200ml都覺得甜左啲.

濃縮柚子汁

近來有人畀左啲奇亞籽我, 佢本身無味, 要拼埋啲有味野飲先得, 我試過加入水, 搞到杯水仲淡過水 用黎溝呢個正好. 我叫佢蝌蚪水, 因為同啲卵好似, 結埋一舊舊其實幾核突, 密恐的人可能受唔住😅口感幾得意, 有啲咬唔住佢嘅感覺, 所以一杯飲好耐, 因為我好想咬爆每一粒. 贈予者話飲左便便順暢左, 我暫時未體驗到, 不過有啲野咬下舒緩無聊, 同埋佢會發脹頂到下肚餓, 有意自己入手.

#鯉魚門 啲雞仔餅同我出面買過嗰啲好唔同, 大隻仔好多, 一隻等如出面兩隻咁濟, 仲要堅平, 十蚊有六隻, 一隻兩蚊都唔駛! 不過唔係間間都咁平, 一定要行盡嗰堆海鮮酒樓去到最後一間鋪. #年香園 阿姐賣野勁豪爽, 任得你企係到試食, 同埋係咁質你食, 買多小小又送你呢樣嗰樣, 十蚊六隻雞仔餅, 我最終變左八隻😅本來已經封好六隻畀我, 轉頭叫我畀返佢, 話我手上嗰啲唔新鮮, 包左八隻一袋畀我🤣佢啲雞仔餅除左大隻又平, 仲特別好食, 好煙韌, 好香南乳味, 食得多都唔會漏, 不過可能會肥死, 因為裡面唔少冰肉 (即係精製過嘅肥豬肉, 咬落去爽爽地爆開, 好鬼正~). 唔得閒入去仲可以搵佢送貨, 打畀佢就得, 唔係收錢賣廣告, 唔放電話, 自己google吧.

買十蚊已經好夠皮, 我放左成十日先食哂都依然好食👍

咁大隻, 我鐘意細細啖分開慢慢嗒~

左邊半透明嗰啲就係冰肉, 我勁鐘意咬到佢🙈

#Dreyer's Belgian Chocolate Vanilla Twist($18@7-11)面頭朱古力雪糕完全無朱古力味, 仲要唔甜先勁, 連少少戲都唔交, 好在有啲杏仁咬下, 要食到筒入面嘅呍呢拿雪糕先有甜味, 不過隻呍呢拿味cheap cheap地得個甜字, 好在唔算太甜. 最好食反而係個筒同筒尖裡面粒朱古力, 個筒好脆, 粒朱古力凍凍地令人舒爽三秒咁大把......不過食雪糕最唔好食係雪糕咩玩法, 無下次啦😑#Dreyers #icecream #雪糕

佢仲有抹茶呍呢拿同柚子味, 不過完全無興趣試.

125ml/ 233kcal

得個樣睇得下

我好鐘意食Dryer's Rocky Road, 大家都係有朱古力雪糕, 但差咁遠.

#東海堂 #北海道牛乳芝士蛋糕 一入口就係勁熟識嘅味道, 佢係我以前讀書嗰時流行過整嘅芝士蛋糕嗰隻味, 因為佢唔需要用到焗爐同打蛋器, 以前無而家咁興有整蛋糕工具喺屋企, 所以唔少人都會學整呢隻蛋糕. 唔知東海堂呢隻有冇焗過, 佢比我整嗰隻鬆軟好多, 以前我整嗰個係無麵粉, 成舊cream cheese搞完拎去雪硬佢, 但除左軟硬度真係九成相似, 仲要都係用返Oreo碎餅底. 蛋糕個味其實就係原磚cream cheese差唔多, 但係成磚直接咬濃到癲又硬到傻, 加返牛油糖忌廉之類調返淡同鬆佢啫. 原磚cream cheese個味無揸麵包嗰種cream cheese咁突出, 我覺得佢好食得黎又不至於令人留戀, 要食我都係用返揸麵包嗰隻. 知道左個蛋糕係呢隻味已經心息, 無乜意欲再自己買黎食, 而且佢切餅$21太細件喇, 食啲自己整唔到嘅款好過.

呢款蛋糕勁無賣相

上面鋪白朱古力係多餘, 甜到拉低蛋糕水平.

年少回憶

#SiftPatisserie #CupCake $29一件, 揀左Red Velvet同Chocolate Banana. 我揀Red Velvet係因為鐘意佢嘅酸味, 但呢個我食唔到酸味, 只係一個甜甜地嘅蛋糕, 好在頂頭cream cheese夠濃味, 否則成個蛋糕好無癮, 但個蛋糕唔酸點都無興趣再買. Chocolate Banana係面頭朱古力cream加香蕉味蛋糕, 又係好在朱古力cream夠濃味, 同埋幾滑, 不過蕉味蛋糕好普通, 同埋我唔多鐘意佢Cup Cake質地偏軟, 不過呢個純粹個人口味, 只係我自己鐘意食硬啲. 總括黎講, 味道同口感都唔係好到我位, $29一個唔平, 靚靚地試一次可以, 反正點都唔叫難食, 但唔打算再食. #RedVelvet #ChocolateBanana

罐裝咖啡首推肯定係雀巢香濃咖啡, 性價比好高, 一罐卡路里唔過百, 但糖份高到我要加冰飲, 一罐有4.5茶匙. 近來買野食配餐可以揀 #UCC #微糖咖啡 就試下新野, 點知估佢唔到好掂下, 掂在唔係味道, 而係營養表現. 雀巢已經唔高卡路里, 但佢只係雀巢嘅三分一, 糖份只有大概一茶匙, 簡直係減肥恩物!! 咁低卡, 但味道都過得去, 微糖都唔會點苦, 咖啡味唔太流, 都飲到啲咖啡香. 佢同雀巢最大分別係, 佢質地水好多, 我係唔飲齋啡嘅人會覺得爭少少, 但低卡低糖係無可避免, 無咁多全脂奶同糖自然水啲, 但整體黎講真心唔錯. 減肥唔想戒咖啡, 飲佢就啱喇. #BlendedCoffee #減肥恩物

食神伝說賣梗$12三罐
85g/ 24.05kcal/ 3.145g sugar

佢細罐啲, 變相又吸少啲卡路里, 所以實則係連雀巢嘅三分一卡路里都無, 我話三分一係化返同等份量去計.