今日同平日返工一樣訓咁少
同阿爸阿媽去左愚人馬頭飲茶
因為佢地話未去過o個邊
間酒樓唔算大 但係幾靚o既
落地玻璃對住個海
不過最cheap係佢十點見人客唔多就開好細冷氣
老豆一坐低就話咁熱要走
阿媽當然唔想轉
最後擾攘左一輪揀左個涼啲o既位坐
不過就坐唔到窗邊 因為太陽曬入黎真係幾熱下
阿爸就話呢到啲荼幾靚
阿媽就話點心唔錯
我就覺得一般貨色 不過不失
最重要係佢兩老滿意
11點前埋單有6.8拆盛惠$102 
唔貴 不過係差在唔可以坐得耐
一過11點就要成百五蚊先埋到單
之後係愚人馬頭行左一圈
老豆話下次要試三樓o個間茶樓
o個間係大就大 靚就靚 不過我知好貴下
佢話俾人搵笨一次都要試下
其實我覺得試下無妨
但佢次次一食貴少少就會嘈足幾日
講完一次又一次o個下煩

之後經海旁行返出去
同佢地影左幾張相同自拍照
老豆都讚我自拍手勢一流 唔駛求人
然後去左行街買野
我係奇華掃左啲貨阿媽就買左啲螺片
全部入老豆數
阿媽仲介紹左一個超級平靚正o既cushion俾我
只需$29.5  拎返公司用抵爆
之後拉左佢地去冒險樂園玩 
不過我地角色調轉左 
我做左家長 佢地做左小朋友
我負責換錢影相 佢地負責玩
阿媽玩掟彩虹有返啲架勢 掟到個最細奬 
不過禮物係廢o既
仲有玩左籃球 阿媽玩到興奮肉緊
有片為証 
我地仲捐左入架超音鼠車影相
超低能 勁搞笑
係墓園阿媽見到老豆心儀已久o既坐倚
不過係迷你版 要成五千幾張飛 (下圖所見)
屋企有張結構一樣但係大人坐得落
已經爛到不堪入目 不過老豆仍然唔捨得丟
佢地當時用$99買返黎 平到hihi
而家已經搵唔返一張 仲要話唔過二百先肯買= = 

 

行多陣就返左屋企樓下食M記
用左勁多Coupon同埋上次個好買家送o既十蚊禮券
之後返歸訓左個晏教
七點被佢地叫醒落樓下食飯
食到超級飽 老豆仲要叫左四大隻壽飽
一人一隻埋尾
但我而家竟然仲心思思想食靈食.....................= =