呢日係我唔好彩有限o既一日
出左門無耐 眼鏡斷鬼左
頂! 外面曬到hihi 仲成三十度高溫 (或者更高)
再黎出門前發現相機無電 拿拿淋去叉
結果係.........帶左相機出街唔記得拎舊電= =
唯有用手機影相......掃興...........
無相機 無乜心機影相
赤柱個海真係非凡咁污糟
Murray House
商場o個邊圍哂板 好似成個地盤咁
裡面鋪都無得七七八八
係詢問處問個叔叔呢到有冇麥記
叔叔好友善咁答: 佢返左黎 不過要下個月先開
返左黎? 咁之前佢行左去邊 @@
呢個位夜晚好多人係到釣魚
所以幾嘈下 如果唔係係到靜靜地坐下聽下海浪聲都幾好
同埋都有DD星見到 香港黎講算係咁
除了西餐還是西餐的街道
當日見到有人係到拍野
由朝拍到晚 但係又唔多睇得出佢拍左D乜........
價錢貴 行左圈唔見得邊間質素突出
餐廳環境都係一般般 唔係好吸引
所以無係到食 求其去左Delifrance
人流超多 座位窄
意粉唔好食 試左佢個心太軟
其實質感係OK 不過佢竟然係唔熱 懶得佢
雪糕仲要一上已經呈半融狀態
餐廳質素比市區分店差幾皮
D野貴到hihi o既購物區
本來想買返副眼鏡當做手信都好丫
不過求其一副都幾百蚊
拖鞋唔見得有乜特別都賣百七蚊
係遊客先會俾佢水到
其實都只係想入黎行下
亦真係只係行左一下咁大把
因為實在太熱喇 多一陣都寸步難行= =
呢個位令我諗起九份
又係o個句 還望有生之年寫返我個trip................
不友善的背包
魚蛋粉 呢到黎講價錢又唔算貴喎
巷仔直入 真係好巷仔
肥D都入唔到去食
呢到無Starbucks
入黑之前哩埋左係Pacific Coffee
咖啡仍然保持住唔好飲o既水準
不過呢間分店又幾好坐 夠寬敞光猛
星期日黎講 夜晚唔算旺場
呢區D野都好早收
屈人寺o個d大概九點就已經打哂柴
好在食市都仲有D係到
其實呢區食野選擇都幾少下
最後爬左上呢到食
呢個係已經被殘害左o既豬手
其實都唔知食乜好 所以又返黎呢間食
等位一陣就已經有
呢個係餐牌話馳名o既薯餅+漢堡
味道都OK
今日個肚唔多舒服咁
啤酒入口都無咁好飲
第一次食赤柱間分店
豬手又整得比尖沙咀分店好食喎
差唔多十二點無巴士出九龍
唯有坐小巴出銅鑼灣轉巴士再轉巴士先返到屋企
未返到屋企已經攰到就黎係街訓著zZzzzZ
鬼叫一早零晨兩三點就醒左無訓過
入屋前先發覺連鎖匙都無帶
好在老豆係到有人開門 不過真係唔好意思咁夜嘈醒佢
當日有不濟的地方 但總算過渡了
今天看有什麼被昨天影響了?
眼鏡隨便自己修一下還能用的
照片沒拍好 但是也無傷大雅
食物好吃的一餐 最多下次返單
不好的吃也是一餐 只需記住永沒下次
沒帶門匙不代表不能進門
沒了那個朋友會發現還有這個朋友的
其實世上沒太多真正壞事
留言列表