呢樣野十幾歲就開始食, 但一直唔知叫乜, 係今次想講兩句先認真搵下咩名. 佢叫做 #柿種米果 因外觀似柿子種子而得名嘅米果. 我呢個睇包裝估計係海膽味, 但食唔出同平時醬油味有乜分別. 柿種米果通常都係醬油味或者醬油味加辣, 細細粒又脆口咸中帶甜有時仲辣辣地真係好挑逗味蕾, 成日都要食到無哂為止先肯收口😅不過佢無薯片咁惹味, 係味道有啲刺激得黎又比較溫和嘅零食, 心理上會覺得佢無咁熱氣同肥(純粹心理上...). 佢通常會同花生擺埋一齊, 花生有咬口過米果, 我覺得呢個組合最正, 一個夠脆, 一個有得咬, 不過我呢包係同wasabi粒粒放埋一齊. 雖然佢裡面都有花生, 但細粒到唔係我八掛咬開佢都唔知裡面有花生, 完全食唔出花生嘅口感. 好嘅係我本身唔多鐘意wasabi味零食, 呢個做得好淡, 一啲都唔攻鼻, 無咁抗拒. Any肥都係專注食柿種算. 

呢啲野切記要買細包裝, 或者一大袋裡面有分裝, 大大包一包過嗰啲肯定出事🙈

其實唔只柿種, 日本出嘅米果唔係wasabi味都應該好食.

粒粒飽滿 (唔包括綠色嗰啲) 橙色對我黎講都算係令我比較有食欲嘅顏色