有一日你好想食乾炒牛河
但係賣乾炒牛河o既地方係好遠好遠
而你家樓下就有一間麥記
於是你就衝左入去同個店員講我要乾炒牛河
但人地當然係賣唔到俾你
但你都仲要迫人地收你百幾萬賣你乾炒牛河
錢邊個唔想要
人地見到有錢收就緊係唔多唔少都收 d la
唔收o個d你又放係到唔願拎走

你要麼自己配合著麥記以後食飽算 
但對我來說係唔可能
我係唔會委曲自己想要食乾炒牛河o既慾望
就算我會食下飽 都唔可能食足成世 
要不你就用任何方法令麥記做乾炒牛河賣你
如果任何一樣你都無法做到
我只能再一次說沒有的東西就是沒有
麥記係唔會賣乾炒牛河

而你現在堅持以認為麥記係會賣乾炒牛河
一可能係因為你覺得自己曾經係到食過
但會唔會係你當初食o既只係漢堡包 
因為都有牛 所以一時鬼掩眼以為自己食過
又或者麥記真係曾經有賣過
但佢地出過o既飽款都可能只係出一期就以後唔再出la
佢賣過乾炒牛河都係可以發生o既事
就算佢係有能力賣乾炒牛河 但賣過唔再賣犯法咩
如果你覺得係麥記誤導你 佢有賣過廣告話有乾炒牛河賣
所以你先去佢到買 佢誤導你佢係有唔o岩 
但係你又唔用腦諗下麥記係唔係真係會賣乾炒牛河先
人講你就信到十足呀
你要食乾炒牛河就要付出架la
呢到買唔到就要行遠D
你唔願行咁你一係就有本事唔食乾炒牛河
你話唔食又怕餓親
但又唔肯食住包先
咁你想點呢