#澳門 #最香餅家 唔係身處喺多遊客嘅地方, 只此一家喺啲前左右都無鋪開門嘅位置, 但咁都有人排隊, 貌以唔係流, 同行人話佢都係人地介紹黎買 #杏仁餅. 大熱天時行左9曲13彎先到, 就算唔好杏仁餅又見咁多人排隊都買返盒擲袋, 成份好簡單得杏仁、綠豆粉、砂糖、植物油、花生醬. 我印象中杏仁餅質地鬆化, 一咬就散, 呢個係我估唔到咁硬, 又唔係話硬到難咬, 不過咬落去口入面有啪啪聲感覺, 呢個硬度唔多唔少有失風味. 味道算係啱我嘴形, 因為有陣花生醬味, 不過拉低左杏仁餅嘅感覺, 覺得唔夠特色. 畀左三個人試食個個都話食到椰子味, 但我自己食唔出又唔見成份有, 唔知係唔係整餅工具之前用過黎整椰子野🤔一盒十個$32都唔平, 感覺杏仁餅個格唔夠出, 買一次見識下OK, 但要9曲13彎再黎就無謂喇.

我講最香餅家啲人自動解碼成咀香園, 我話兩間唔同架, 無分店, 係一間殘老店對方先相信自己唔識呢間野😅

 今時今日都係用Google map導航

有成份但無營養標籤, 買返黎最好兩個月內殲滅佢.

小店無獨立包裝是常識吧

有得揀有杏仁粒同無杏仁粒係入面, 我話“恨人亦要花氣力”, 唔要杏仁慳返啲氣力, 畀人話我好爛😂

個底燶燶地"睇落"更加有風味←只限睇落

可見密度好高, 所以質地偏硬.