琴日先食完成包薯片再食好guilty
喺759見到呢個會員價$9.9做代替品有得諗
食落真係唔錯 夠脆勁香口甜甜地
拎黎送凍咖啡幾match 佢個甜係帶住咸香
飲啡鐘意食少少甜野但飯後隊唔落蛋糕
雖然佢有得zip返個口
但一包130卡我會一次過啪哂佢🤣

#759 #零食 #蝦味海苔卷 #snack

兩個人食左$1833, 唔係話食唔起, 但係畀得呢個價錢會有要求, 呢間野真係淨食裝修同打卡
服務無水準, 侍應無培訓, 餐牌設計失敗
食物重咸, 無一樣覺得出色, 只有普通同難食兩種程度
下面慢慢講

裝修幾靚, 尤其門口好有氣派, 一睇就感覺係高級地方
侍應帶我地穿過長長走廊先入到黎小人數用餐區
呢個位o既裝修畀我感覺係歐洲式又帶點香港懷舊感
但敗筆係樓底好低

叫野食開始頭痕, 因為佢有好多種套餐
最後我揀左個感覺性價比較高o既餐
個餐牌設計問題係令人以為無寫價錢, 佢有三道主菜選擇
如果主菜只揀一道或兩道或要三道個套餐就會唔同價
多餐揀唔係問題, 問題係我睇唔到價錢
其他餐牌都會最底清晰寫住幾錢, 咁我就問侍應幾錢 
啲侍應無受訓咁佢地有啲都知價錢 
望左我畀佢個餐牌一陣, 話搵另一個侍應過黎解答
然後面對住仲有四五個套餐比較, 我又唔記得左個價錢再問
都係問一個唔得又係話要搵另一個侍應黎答
好笑係後來發現餐牌最底有幾行極細字寫個價錢點計
你地自己侍應都唔知要搵人黎解答
期望客人會喺咁暗環境睇細節條款咁地毯式搜索價錢係邊嗎

其實個價錢同其他餐牌一樣清楚寫係下面咪好
神奇係啲有侍應自己都唔知寫左要再搵其他人問

餐具一開始畀左刀叉筷子杯就完
侍應無諗過你食啲野係唔係要隻碟墊下

先來前菜
荔枝汁漬荷蘭串茄+川小籠包+蟹膏蟹肉酥
食完呢個其實覺得幾好
所以對前面講o既野未有咁大反應
但因為除左呢個OK, 後來連續失望所以不吐不快
荷蘭串茄酸酸甜甜幾清新
小籠包多湯汁辣辣地惹味
蟹膏蟹肉酥最出色 熱辣辣勁酥脆 

揀呢間餐廳唔係因為有大量好評, 係因為有爵士湯
因為我好鐘意飲但無乜地方有
而且好多都要開一煲畀8人以上用
呢到可以一位計所以就過黎 結果勁失望
個味似龍蝦湯多過爵士湯
仲要重味到我都唔知係甜到極致反而太咸定點
然後舊疑似花膠物體真係無花無假好膠
成塊野都係整體同一口感, 唔會有啲位淋啲滑啲
真係覺得自己食梗一塊膠 
憑住對香港高級餐廳信心, 應該唔駛食元素表先敢吞

呢碟叫風沙紐西蘭羊架
Its English name is Breaded Rack of Lamb with Garlic
無論中英文名都理解唔到呢碟野係幾辣
個餐牌會唔會可以做得好啲, 畀啲指引人係辣野
本身譚仔食到中辣都覺得太辣
我唔係食唔到個辣度, 但係照顧下啲唔食得辣o既客人會唔小心叫左
同埋佢啲辣o既作用好絕係辟除羊味, 唔係令到啲羊更香口
根本主要係食辣多過羊味

上左呢碟菜侍應都係無意識畀隻碟我地
呢道菜咁多碎料都唔知佢地咩料
問侍應拎碟佢應左你但係唔做野
頂唔住再叫先慢吞吞拎畀你
當晚係星期四已經無乜客人
成班係到發夢
隔離枱已經嘈左好耐點解炒飯仲未上

XO醬露筍炒蟶子皇
無鑊氣 唔知係唔係擺盤都搞到凍左唔係好熱
蟶子一般貨色, 無話特別鮮甜
但超碼唔會太咸

見唔少人讚呢個流沙黃金銀雪魚 
全晚最失望係呢個, 咸到痴線
食第一件都要挖走塊皮先食到一舊魚
兩個人只係各自食到一舊
我諗讚o既人一定係食鹽多過我食米
失敬失敬

魚湯鮮菌浸菜苗
無特別 唔難食 唔過咸 唔鮮甜

蝦頭醬龍蝦粒炒絲苗
味道正常偏咸, 但佢個咸都算接受範圍內
當晚食唔落因為已經食左好多又咸又重口味野
反而打包拎返屋企蒸返食可以接受
但都係普通炒飯

蜜瓜甘露又係多人讚
好多人係咪今世未飲過維他蜜瓜豆奶? 
建議試一試會發現身邊有很多平價小確幸
呢碗野同維他蜜瓜豆奶一樣咁稀, 味道唔見得比維他好
裡面有為數唔多o既西米粒同柚子
如果將呢碗野改為做特飲會比較好受

總之呢間野就係擦靚個門面放啲有手有腳侍應
同砌靚啲食你唔壞o既野
好耐都無寫食評, 佢都算勁令我可以打返咁多字
完全口語, 因為想快, 希望呢篇幫到有緣人

🏠多寶美食@太子水渠道30-32A號美星樓地下10號鋪

呢個鋪位前身係美味食店, 之前宣布執笠大排長龍, 但就算唔執笠佢本身都多人食, 自己都幾鐘意食佢嘅炸大腸, 執左之後呢個位又開左間同類食店, 就試下佢個炸大腸比唔比得上前身.

好耐無去openrice寫食評, 所以食野無乜正經影相, 通常只係快影幾張記錄行程. 一間野如果好多人話好食, 但我講唔好食, 而家幾容易成為眾矢之的, 所以漸漸都無乜興趣寫, 因為我唔輕易話啲野好食. 另一個諗法係, 可能人地真心覺得好食, 只係我要求高, 我唔提出問題可能啲人就會一直覺得好食, 咁又何必掃人興, 呢個世界多啲人開心點都好啲.

🍡炸大腸 $16
由於呢個炸大腸太令我太失望, 所以我忍唔住都想講幾句, 我食左一粒先影相, 因為真試左先差到我想影低. 
▪大佬炸大腸炸嗰喎, 炸都只係微暖? 
▪成舊野好乾, 皮都乾到酥皮化, 裡面更加唔會juicy.
▪味道唔香唔濃郁, 豬大腸嗰陣除好淡, 有啲似食橡筋咁.
完敗!

呢間野openrice一個負評都無, 可能係我時運低, 自己無食神, 只能說你們高興就好😂

#多寶美食 #美味食店 #太子 #旺角 #香港 #美食 #美食日記 #美食分享 #美食推薦 #炸大腸 #臭豆腐 #PrinceEdward #Mongkok #MK #restaurant #hk #hkig #hongkong #foodie #foodiehk #hkfoodie #foodlover #gourmet #foodblog #foodpic #food #dessert #snack #chinese #cuisine

維他有氣檸檬茶嘥氣, 講明有氣都仲要靠自己幻想先feel到😑

#維他檸檬茶 #維他 #檸檬茶 #香港 #美食 #美食日記 #美食分享 #美食推薦 #食好西 #中伏 #Vita #LemonTea #lemon #tea #cafe #restaurant #hk #hkig #hongkong #foodie #foodiehk #hkfoodie #foodlover #foodblog #foodpic #food

利苑擁有幾十年中菜經驗，走的是中高檔路線，這裡是跟長輩吃飯的安全區，質素穩定又不乏鮑參翅肚菜式，吃小貴一下，讓老人家樂一樂。六天內到訪兩次，第一次吃感到滿意後，再跟其他朋友來一次，所以這篇是把兩次經驗合拼起來寫。

第一次來點了一壺水仙，茶味香濃，第二次特意加錢點人參烏龍，用上透明茶壺，卻大感失望，人參甘甜全無，只是單純的烏龍茶。這點小問題不減我再訪的意欲，但下次只喝普通的茶，不會額外花錢。

冰燒三層肉是利苑名物，皮厚有質感，脆如薄冰。肉不肥膩，有彈性，而且厚度經過控制，肉不會太厚而削弱脆皮的口感。一碟只有12件，目測每件邊長兩厘米，份量不多，咸度適中，一人獨吃也不會膩。這碟小東西售$135，可不便宜，但下次還是會死心蹋地再點，好吃得不會感到不值。

蜜汁叉燒又是另一名物，叉燒軟腍，半肥瘦。個人覺得蜜汁可以少甜一點點，把汁的稠度調高，做出叉燒被蜜汁包裹的質感，不過這純熟個人口味，目前的質素已經no complaint。蜜汁叉燒比冰燒三層肉便宜$5，但份量大概是冰燒三層肉兩倍，相比之下好吃又划算。

蠔皇扣四頭鮑魚花膠玉掌是當晚的重頭戲，四位用價錢共$2828 (未算上加一服務費)。整體質素達標，比如份量對辦，鮑魚、花膠與玉掌已是軟腍，蠔皇也是平常可預見的味道。在利苑吃鮑參翅肚是安全的，沒有驚喜，但也沒有失望，不會覺得白花錢吃貴價食材。若然要再進一步，我希望能做到食物熱得冒煙，蠔汁的味道更加浸入鮑魚與花膠。這次剛入口味道足，但咬開來淡了一些。

蔥油脆皮龍蝦是唯一不滿意的菜式，說是蔥油脆皮只見脆皮卻無蔥油味，脆皮也不香脆，而且味道太咸，吃不出龍蝦的鮮味。眼看份量偏少，還怕不夠吃，結果因為味道欠佳，大家你推我讓下"迫"其中一人把它吃完。

龍蝦湯過橋太子象拔蚌，侍應先把未煮的食材送上來過目，以示真材實料。

一份可分成四碗，龍蝦湯鮮甜濃郁，象拔蚌厚薄適中，質感爽。這道菜加入切片油條，當油條被龍蝦湯浸透又帶着幾分脆，真的很惹味，再伴上爽口的芽菜，在海鮮的鮮甜中注入一股清新。這道菜的妙處是既可作為一道貴氣海鮮小菜，又可視為湯品，當人少的時候，不能點太多東西，這道菜正好上場。

野菌銀杏炒蘆筍配上半個鳥巢造型，增加看頭，為蔬菜多添幾分貴氣。各種食材鮮味突出，而且蘆筍爽口，沒有煮過頭，卻能入味，並非只有淡淡的清草氣。蘆筍不容易沾上味道，有時候久煮味道有了，卻失爽口感，要不就是爽口感保留下來，卻淡而無味。利苑能做到兩者兼得，不錯。

陳公炆齋材料非常豐富，菜芯、雲耳、髮菜、白果、冬菇、草菇、很嫩滑的紅燒豆腐，應該遺忘了一些，太多記不下。窩裡還有一種豆製品，疑似是豆乾，咬開來看見一層一層的，口感有嚼頭，我很喜歡。所有食材以鮑魚汁入味，味道濃郁，即使齋菜也絲毫不寡淡，煲仔菜的做法更使齋菜熱氣騰騰，惹味！

龍蝦湯西施泡飯也是利苑名物，湯味濃郁散發着海鮮的鮮甜，放入炸米更添食慾，脆口的東西就是自帶魔力。湯底上佳，但脆米仍有上進空間，侍應把炸米倒下去，米碰上湯本應發出明顯的"sasa"聲，但這次只有微弱聲音，吃的時候也感到炸米沒有預期般脆。我當時已達八九分飽，仍能吃下滿滿一碗，要是脆米做得更好，怕是要再多吃一碗。

利苑的甜品也不馬虎，我很少吃楊枝甘露，老是怕它帶着柚子的苦味。這裡做的不苦，但柚子味也不突出，不過芒果味道香濃，愛吃芒果的人不會失望。

我喜歡榴槤的味道，但很少直接吃榴槤，吃一件已感到很膩，所以只愛吃榴槤味的甜品。這裡的榴槤布甸有驚喜，榴槤味道濃郁且真實，很像直接吃榴槤生果的味道，但又不會多吃而膩。味道我是喜歡的，但我抗拒布甸軟乎乎的質感，真是讓人又愛又恨。同行其中一人表示讚賞，更外賣一份回家，好吃得要與他人分享發現。

蛋白杏仁茶相對以上兩款甜品沒有那麼突出，我喜歡杏仁味道更濃烈一些，結塊的蛋白再多一些，不過當下的情況仍屬合格。

食物水準中上，願意多來幾遍。餐廳裝潢沒什麼特別，而且樓底不高，有一點壓迫感，但勝在客人不多，環境清淨舒適。部長挺熱情，主動服務性強，樂於與客人交流，旁邊的客人生日，他還帶着其他侍應唱生日歌 (先不談食客喜歡與否)，態度有加分。餐廳提供代客泊車，劃一收費$25，不是按時間計算。由於餐廳暫不售賣酒精飲料，客人自行攜帶酒精飲料不收取開瓶費。

餐廳位於山林道盡頭，淺藍偏灰的外牆頗引人注目卻又不失親切感，餐廳裡的電視播放着韓國MV，被韓國歌曲包圍下的確有點身在異地的感覺。

餐牌標示着這個雞蛋卷是BEST CHOICE，售價$128，不禁好奇過百元的雞蛋有什麼奧妙之處。蛋卷內裹着超級無敵多芝士，夾起來的時候展現拉繩效果(拉絲已經不足以表達它的多)，面頭是芥末與蕃茄醬。遺憾我跟朋友二人都覺得很難吃，蛋太厚，芝士太多，但又出奇地雞蛋與芝士的味道都不香濃，反而是蕃茄醬的味道最突出，這就不是什麼引人入勝的味道了。此外，吃一件約莫2cm闊的已經很膩，我們最終連一半也吃不下。

泡菜餅同樣令我們失望，除了邊沿的部份算是達到煎香狀態，約莫五分三的部份都是淋擗擗，陷入一種不知道自己在吃什麼的感覺......

這頓飯只有這盤辛辣麵($58)沒有感到難吃，不過即食麵一般來說很少做到難吃吧。麵裡有一團完全熟透的蛋(見麵的上方)，以及另配一小碟泡菜，我把它全放進麵裡，速吃速決。

這頓飯花了$350，$128的雞蛋卷、$128的泡菜餅、$58的辛辣麵、$31服務費及$5小費。菜式都是使用價格偏便宜的食材，吃出三百幾塊錢來，如果是好吃，還是值得的，但是當下的味道實在令人汗顏。本來覺得花$58在餐廳吃即食麵應該是最不值，連麵裡的蛋也散發着hea的氛圍，但是對比其他兩道菜反而覺得最安慰，至少飽肚又不難吃。

看見網上滿滿的好評特意從九龍駕車前來，來回約需一個半小時，餐廳地點看似隱蔽，實情是位於天水圍站背後，所以交通算是便利的。

餐廳是一片空地之上的"獨立屋"，室內座位不多，但室外地方大，放着多張桌椅，桌子與桌子之間保持適當距離，可容納的人數比大多甜品店都要多。p.s. 當晚坐在室外被蚊子叮了幾口

焦糖燉蛋售價$32，價錢偏便宜，送上來的份量竟然不少，約有家庭式的飯碗大，滿心歡喜之下吃一口就黑臉了。

燉蛋厚而死實，味道不香不甜，面頭焦糖已燒焦，味道很苦，難吃得硬着頭皮吃下去也不願意，棄了。

薑汁紫薯流心湯丸($36)附上一小杯帶薑蓉的薑汁讓食客自行添加，然而全杯下去薑味依然薄弱，湯汁未能令人回味。湯丸無特別，相約於超市的現成貨，紫薯也不甜。雪耳超大一團，吃起來有點狼狽，烹煮前先切成幾塊更好吧。

此店窩夫款式很多，發現不常見的麻薯窩夫，向店員查詢麻薯窩夫與名字沒帶麻薯二字的窩夫有什麼分別，阿姐極不耐煩，回覆道寫着有麻薯就是有麻薯，沒有寫就是沒有，嗯......明白了。
Mocha脆脆麻薯窩夫($60)口感頗乾，面頭雖有灑上朱古力漿，但少得毫無作用，只好把配上的曲奇妙脆雪糕塗在窩夫上使它濕潤，而且窩夫本身的味道很淡，主要是靠雪糕帶動味道。這道甜品唯一可取之處是它的質感，窩夫脆脆的，而且咬到麻薯的部份有嚼勁，雪糕解決了乾及淡的問題，勉強合格。如果沒有雪糕，單吃窩夫可不行呢。

🤓結論: 餐廳地方寬敞，若人在附近又吃不下正餐，來這裡吃着甜品與親朋聊天是可接受，若為了食物而來就不必了。
💯分數: 2 out of 7

🏠太子烘焙@旺角上海街709號地鋪

🥐芝士火腿牛角包大大個先$11, Starbucks要成三十幾蚊個, 以為執到寶, 但食一啖已經知出哂事. 個包又乾又硬, 大而無用, 好似隔夜再焗硬到掟死狗😑

🤓結論: 完敗
💯分數: 2 out of 7

#太子烘焙 #旺角 #香港 #美食 #美食日記 #美食分享 #美食推薦 #劣食 #中伏 #小食 #小吃 #牛角包 #火腿芝士 #麵包 #餅乾 #生活 #hk #hkig #hongkong #foodie #foodiehk #hkfoodie #foodlover #foodblog #foodpic #food #bread #croissant #pastry #cake #cookie #gourmet

🥤大杯茶-士多啤梨鐵觀音茶菌
實體店賣$48一枝, 網上訂購十支可以平到$38. 大杯茶只係品牌名, 佢其實係發酵茶, 即係用茶發酵出黎富含益生菌嘅健康飲品, 發酵過程令佢產生天然汽泡及0.5%酒精, 飲落似汽水, 但無汽水啲泡咁強勁. 

揀左士多啤梨味, 味道小甜, 但唔係好明確飲得出士多啤梨, 而係after taste有好真同新鮮但講唔出咩莓嘅味. 整體感覺幾健康, 甜味少但夠洗, 而且啱哂鐘意飲汽水嘅人, 不過$48得250ml, 窮L都係淺嚐即止

#大杯茶 #Tabocha #發酵茶 #康普茶 #kombucha #紅茶菌 #紅茶菇 #冬菇茶 #茶菌 #香港 #美食 #美食日記 #美食分享 #美食推薦 #食好西 #cafe #restaurant #hk #hkig #hongkong #foodie #foodiehk #hkfoodie #foodlover #foodblog #foodpic #food

🏠金園茶餐廳@長沙灣青山道314號

門前兩大條人龍, 一條排堂食, 一條排外賣, 黎得呢到十之八九為左蛋撻, 太多人買, 一出爐就清哂, 蛋撻長期keep住新鮮出爐, 熱辣辣.

熱辣辣睇落好似好正, 但要用排隊換返黎, 仲要$8一個特別貴, 如果話好食就抵返哂, 但試過後覺得唔值.

👌酥皮正常, 熱辣辣食夠乾身, 有層次.
👎蛋芯一食就知奶野, 雖然好厚睇落好正, 但過份結實熟透, 毫無水嫩狀態, 最慘係有樣無味, 無乜蛋香之餘仲要偏淡.

🤓結論: 完敗
💯分數: 2 out of 7

#香港 #美食 #美食日記 #美食分享 #美食推薦 #劣食 #中伏 #小食 #小吃 #金園茶餐廳 #茶餐廳 #蛋撻 #生活 #hk #hkig #hongkong #foodie #foodiehk #hkfoodie #foodlover #foodblog #foodpic #food #dinner #EggTart #gourmet

🥛5100西藏天然冰川礦泉水($13兩支)
樽身四四方方仍保留一點流線形，設計簡潔挺得我歡心，但價錢比一般貴二到三倍。 

標籤列出營養成份，不懂生物學，但一堆看似是身體所需原素的東東，有被討好😅 

礦泉水當然有一股礦物味，味道鮮明，感覺是真材實料(不就是水...)，我才明白我還是喜歡蒸餾水，完。

#香港 #美食 #美食日記 #美食分享 #美食推薦 #食好西 #礦泉水 #蒸餾水 #cafe #restaurant #hk #hkig #hongkong #foodie #foodiehk #hkfoodie #foodlover #foodblog #foodpic #food #dinner #water #snack #chocolate #patisserie #pastry #cupcake #mineralwater #bottlewater #tibet

🏠新桂香燒臘@柴灣柴灣道345號金源洋樓地下17號

🍚乳豬叉燒飯附例湯 $70
因明星效應慕名而來，約中午12點來到，門前人頭湧湧令我更有所期待，下單半肥瘦叉燒乳豬飯，但店員說只有極肥與極瘦供選擇，我要了極肥。
🥢說好的極肥叉燒，懷疑錯給了極瘦，不見半點肥膏。口感雖不算硬，但味道是死咸，要是能淡一點還願意多吃，當下三四片就膩了。
🥢乳豬皮的脆是因為足夠的硬而做出脆的假象，皮不鬆脆，並沒有層次感，而是又薄又硬，咬下去彷彿被掰斷脆掉。
🥢白飯過硬，到後來我只好把它放湯裡當湯飯吃。
🥢以為附上的例湯更差，反而是最好的，但最好也是因為其他太差了。例湯放入燒肉也沒有過咸，菜乾味濃，全部喝掉也不口渴。

見名人讚不絕口，網評又多是正面，到底是哪裡出錯? 十萬個為什麼??????

🤓結論: 完敗
💯分數: 2 out of 7

#香港 #美食 #美食日記 #美食分享 #美食推薦 #中伏 #新桂香燒臘 #叉燒 #乳豬 #燒味 #燒臘 #晚餐 #小食 #小吃 #生活 #hk #hkig #hongkong #foodie #foodiehk #hkfoodie #foodlover #foodblog #foodpic #food #dinner #drink #wine #beer #BBQPork #gourmet

🏠Sift Desserts@灣仔皇后大道東51號地下
一件蛋糕如果大啖的話兩啖就食哂, 斯文啲都係四啖食完, $32一件唔算平, 不過外貌吸精, 款式又多, 揀嘅時候令人心花怒放, 由買到食係一個治癒過程, 精神慰藉效果令佢值得久唔久食一次.

左上Red Velvet:最好食, 面頭芝士cream咸咸地碰埋啲甜野好滋味, 要親自試過先領會到嗰種神髓.

左下Salted Caramel Chocolate:朱古力味好重係唔錯, 不過同時太甜, 唔多鐘意.

右上Lemon Meringue:好平常嘅檸檬味, 因為呢隻味成日食到感覺唔特別, 不過幾清新, 食完個蕉糖朱古力食呢個可以解一解.

右下Banana Foster:蕉味濃郁又唔會過甜, 平時除左食蕉無乜食到蕉味嘅野, 呢款好味得黎有啲新鮮感, 第二好食.

蛋糕個味重點係哂cream到, 雖然底下個蛋糕隻隻唔同色, 但連埋cream食唔係好食得出分別. 蛋糕主要用黎襯托出cream隻味, 所謂妹仔大過主人婆🤣

💯分數: 5.65 out of 7

#香港 #美食 #美食日記 #美食分享 #美食推薦 #朱古力 #食好西 #蛋糕 #cafe #restaurant #hk #hkig #hongkong #foodie #foodiehk #hkfoodie #foodlover #foodblog #foodpic #food #dinner #dessert #snack #chocolate #sift #patisserie #pastry #cupcake #cake #sweet #OpenRice

#大快活 #窩蛋土魷雞粒蝦乾肉餅煲仔飯 
畀個名嘅長度都吸左, 一個煲仔飯有五樣配料, 平時頂多都係食窩蛋土魷肉餅煲仔飯, 仲要唔貴, 堂食$49, 外賣畀多$6就可以拎埋個煲走, 食完還返個煲又可以拎返$6, 呢個安排食到原汁原味之餘又環保, 抵讚!

畀勁多飯, 唔大食的話, 真係可以二人一煲, 不過做唔到煲仔飯神髓. 佢雖然都有飯焦, 但啲飯餸入唔到香味, 只係普通土魷蒸肉餅飯咁, 無煲仔飯收水效果, 口感偏濕, 所以個煲只有視覺效果, 對味道無加分. 我堂食, 窩蛋放得太耐, 變全熟蛋, 肉餅偏淋欠咬口感.

🤓結論:如果附近本身無啖好食, 轉下口味食呢個OK, 五十蚊熱辣辣夠大份, 但絕對唔好為食煲仔飯而黎.
💯分數: 3.4 out of 7

#香港 #美食 #美食日記 #美食分享 #美食推薦 #中伏 #煲仔飯 #外賣 #晚餐 #小食 #小吃 #快餐 #生活 #hk #hkig #hongkong #foodie #foodiehk #hkfoodie #foodlover #foodblog #foodpic #food #dinner #takeaway #rice #meal #fastfood

🏠吉列牛忌廉烏冬專門店@香港九龍旺角彌敦道726號17樓

🍜忌廉咖哩雞烏冬 $78
▪見到呢碗野好特別, openrice上又多人讚好, 就黎試下. 其實外觀對我黎講唔討好, 全部cream係面好似都唔係正餐, 同埋平時飲野都走cream, 所以真係因為多人讚先勇敢踏出一口.
▪食完覺得麻麻地, 啲cream其實無味, 但又唔覺對烏冬口感有乜幫助, 反而溝稀左咖哩個味, 變成淡味版嘅日式咖哩. 雞肉無特別, 純粹幾舊無骨雞肉, 唔會太鞋又唔會特別嫩, 雞係靠淡味咖哩先有啲味.

其他食物不過不失, 一啲都唔難食, 但全部都無令人想追住食, 總之叫左就食哂, 以後都唔會想再黎, 無一樣食物有吸引力. 疫情關係夜晚無乜人, 但窗邊卡位只限坐75分鐘.

🤓結論: 百幾蚊試一次買個經歷都可以, 但可一不可再.
💯分數:3.4 out of 7

#香港 #美食 #美食日記 #美食分享 #美食推薦 #中伏 #忌廉 #咖哩 #烏冬 #晚餐 #小食 #小吃 #生活 #hk #hkig #hongkong #foodie #foodiehk #hkfoodie #foodlover #foodblog #foodpic #food #dinner #drink #cream #curry #udon #wine #beer #blog #vlog #life #openrice

🍔來自老麥嘅新餐肉炒蛋堡, 包正常, 炒蛋激厚, 但新餐肉隻味新到我carry唔到🤮

🍖新餐肉即係植物cosplay肉, 我食過impossible meat覺得唔錯, 所以對呢塊Omnipork有期待, 但佢個味衰到我都唔知點形容, 我只能描述為午餐肉拎去做臘味然後放到過期嘅味, 不過臘味邊有過期, 而佢過得到嗰下先勁🤢又或者簡單啲講係溢左嘅油放左萬年, 真係食到反胃想嘔, 頂唔住丟左三分一......

#香港 #美食 #美食推薦 #難食 #新餐肉 #中伏 #麥當勞 #老麥 #漢堡包 #新餐肉炒蛋堡 #hk #hkig #hongkong #foodie #foodiehk #hkfoodie #foodlover #foodblog #foodpic #food #dinner #drink #McDonalds #burger #omnipork

🏠澳洲牛奶公司@佐敦白加士街47-49號
餐廳收9pm, 8點先剷落去, 配搭毛毛細雨, 果然唔駛排隊, 但呢個唔係重點, 重點係伙計叔叔會笑! 會笑! 係笑容啊~其實今晚都八成滿, 不過唔駛打仗, 加上我落單快到阿叔寫唔切, 無位畀佢吹我, 然後佢笑住覆我一次有無落錯. 理論係當你落單快過阿叔支筆就會產生速度快過光速嘅效果......bullshit

🍲叉燒通粉/意粉: 老老實實麻麻地, 意粉太淋, 通粉普通, 叉燒偏薄無乜口感.
🍳炒蛋/煎蛋: 蛋係澳牛嘅靈魂, 炒蛋真係又香又滑, 蛋黃味好重, 煎蛋可以前後蛋白都煎哂中間流心又唔穿.
🍞多士: 厚切加溶哂嘅牛油好香, 不過再烘多陣挺身啲會有更好口感.
🍖火腿: 唔起眼嘅野但都覺得好食啲, 唔會乾爭爭鞋口, 同埋味道幾突出, 有時出面食嗰啲就咁一塊無味嘅野咁.
🍮蛋白燉鮮奶($30): 真係好滑, 裡面偏液態半固體火候啱啱好, 但係太甜, 一個人食半碗已達上限. 唔記得相機食先碗野無左忽...
☕茶走/杏霜: 茶走要少甜都甜過燉蛋, 似乎水吧大佬豪放型不解少甜, 建議自己落返沙糖掌握命運, 不過茶味係得嘅, 濃郁又無苦澀. 杏霜唔錯, 唔落糖已經夠甜, 唔會太多嘔吐味.

🤓結論: 火腿蛋多士先係主角, 碗粉只係用黎塞飽埋個肚, 燉蛋如果政府發出一人限聚令就唔食得. 澳牛可以食, 但不至於要排隊食.
💯分數: 4.83 out of 7

#雙黃連口服液 👉喉嚨痛人類恩物
打邊爐食到尾段喉嚨已經赤住, 返到屋企牙肉都腫埋喉嚨痛黎料, 即刻啪一支, 唔駛一個鐘喉嚨舒服返七成, 快到好似打針💉

🥘芫茜皮蛋鍋+竹蔗茅根水
無辣, 無牛, 無海鮮(除左魚)
快食個半鐘都即刻喉嚨痛
虧到無朋友🤦‍♀️

#香港 #美食 #香港美食 #美食日記 #美食分享 #美食推薦 #小食 #小吃 #零食 #劣食 #打邊爐 #火鍋 #晚餐 #喉嚨痛 #hk #hkig #hongkong #foodie #foodiehk #hkfoodie #foodlover #foodblog #foodpic #foodaholic #food #dinner #snack #igdaily #travel

康年餐廳@太子通菜街143-145號地下
早餐最方便就係返工路上買個包, 一般十蚊以內搞掂, 呢間茶餐廳做埋麵包鋪, 門口包櫃非常清晰睇哂有乜包, 就算唔買路過都會望兩眼.

🍞奶皇墨西哥包($9)
▪個皮無我預期咁鬆化, 水份多左啲, 不過絕對唔係濕左淋左.
▪墨西哥包獨特之處係個皮甜中夾住少少咸香, 呢個包做到, 但加左奶皇嘅甜搶左脷仔注意力, 品唔到咁多咸香, 同埋酥皮已經好夠味, 加左奶皇有啲膩.
🤓結論: 唔叫差, 但無出色地方令人想食多次, 紙袋出哂油就知食一個好肥, 唔係好好食又同自己增肥唔抵嘛.
💯分數: 3.85 out of 7

#香港 #美食 #香港美食 #美食日記 #美食分享 #美食推薦 #小食 #小吃 #零食 #劣食 #頹飯 #茶餐廳 ＃茶記 ＃墨西哥包 ＃早餐 ＃太子 #hk #hkig #hongkong #foodie #foodiehk #hkfoodie #foodlover #foodblog #foodpic #foodaholic #food #dinner #noodle #snack #igdaily #travel

🏠Lost Stars Livehouse Bar & Eatery@大角咀利得街11號利奧坊一期地下506號地鋪

🧀法式熱融蜂蜜芝士配法式麵包 $138
▪芝士好滾動, 嚴重拉絲, 可能加左蜂蜜所以偏液態, 但個鐵盤冷卻之後芝士都係會凝固, 要快快食, 不過凍左只係無開頭咁惹味, 依然好食. 芝士陣味濃得黎唔膩, 唔知係咪蜂蜜功勞?
▪美中不足係麵包畀太少, 再添要加幾十蚊唔平. 呢到主菜(牛&豬)偏淡味, 無乜醬, 正好拎個芝士加落去補救, 慳返麵包錢.
🤓結論:餐廳樓底高, Livehouse暗暗有情調, 黎再食芝士飲野唔錯, 但對主菜無興趣.
💯分數:4.9 out of 7

🥃Made of Gold $98
▪一杯凍朱古力要成舊水真係無叫錯made of gold~但又心服口服佢係令人一試難忘, 第一啖就有驚喜, 第二啖已經諗住下次黎都要飲呢杯🤤
▪朱古力味勁濃, 唔係死甜, 食完主菜啲冰溶得6677都係咁濃, 睇返餐牌話佢係French Earl Grey Chocolate, 茶溝朱古力咁新潮? 茶味我就唔覺喇, 但佢嗰種濃而不苦, 夠甜又唔會太甜, 唔排除就係茶仔發功. 仲有底下好多朱古力碎, 飲得之餘仲有啲野嗒下咬下過癮, 同埋掛杯嗰兩粒棉花糖好煙韌, 啱哂唔鐘意食淋野嘅我.
🤓結論: 杯朱古力比芝士更吸引人
💯分數: 6 out of 7 

#香港 #美食 #美食日記 #美食分享 #美食推薦 #芝士 #晚餐 #小食 #小吃 #生活 #朱古力 #飲酒 #食好西 #hk #hkig #hongkong #foodie #foodiehk #hkfoodie #foodlover #foodblog #foodpic #food #dinner #drink #livehouse #cheese #snake #wine #beer #blog #vlog #life #bar #restaurant #chocolate #cocktails