唔知點解 次次見Yumi姐都係食呢間
不過Gelare係澳洲係我o既恩物
係香港再食雖然感覺無係澳洲咁好食 (可能係情意結問題)
不過我仍然捧場
上次食個細waffle唔夠喉
今次食個大 都係相差好似五個大洋咁大把
一向作風走cream留syrup
Waffle大個左 不過覺得無上次咁好食
最後仲食唔哂

雪糕係Jamaican chocolate同Blueberry cheesecake
Blueberry cheesecake又係我係澳洲必點
o個時Gelare未係香港開我仲擔心以後無得食
但係而家香港開左我又覺得佢整得唔夠澳洲好食
不過佢個Jamaican chocolate反而令我有驚喜
裡面有D朱古力碎 幾脆口 朱古力味又夠
另外推介佢隻Macadamia Nut 
真係唔錯唔錯  過多排一定又要再去回味
不過希望唔係同Yumi姐 轉下人都好掛 哈哈

一向對節日不熱衷的我
也藉著聖誕節的名義努力清還飯局債務
並順道和朋友們一聚

Round 1~泰國菜
呢間餐廳唔係第一次食
多年前水生半夜三間車過我去食
當時對佢印象麻麻 因為味精重及油多
今次朋友再度推介 因此故地"重油"
兩個人點左四樣野加多杯青檸梳打

呢個蝦餅唔錯 即炸即上 夠香口
唯兩人八件難以將它完全消化

第一次食咖哩蜆
咖哩蟹聽得多亦食過幾次
咖哩蝦亦有聽及見聞過
唯獨咖哩蜆於我來說是新奇之物
但環觀餐廳內食客 近乎每枱只有咖哩蜆
而沒有咖哩蟹/蝦/海星/水母/海草...............

啲蜆真係好Q大隻 佔左隻碟一大半

我都係第一次食咁大隻蜆
不過其實味道就一般
個咖哩汁太甜 味道好重
D蜆其實上唔到咖哩味
不過呢個係正常
一向蜆聖子之類o既海產都係難上味
拎佢清酒慢煮都仲有得救下

薄餅一碟真係估佢唔到係咁多
不過油到爆 完全唔似食naan
點個汁一齊食中和下都可以食到好多塊
唔expect佢係naan咁食 其實都OK

之後仲叫左個串燒豬牛羊共六串
無影到相
肉係一貫串燒品質
個汁對我黎講就太咸
食剩一串 好飽lu~~~~~~~

朋友叫左杯青檸梳打
對我黎講太甜 但朋友好接受
本來食啲咁重味o既野想叫支啤酒降下火
但係得我一個飲所以打算叫細支裝
點知細支裝未雪就無叫
但真係好鬼死口渴
食完呢餐我係口渴到第二日= =
其實呢間野又未到唔好食
但咁多年黎佢都仲係保持重味精同油o既風格
不過朋友好鐘意食呢間野
而我自己永遠都唔會提議再去食呢間
但你鐘意食 我下次仍然可以捨命陪君子
見係你咋 呵呵

p.s. 當晚仲見到2R其中一R (假如無認錯), 同埋吳建豪一齊黎食飯

朋友們驚奇我未曾嘗過心太軟這名物
經歷過幾次被人稱奇後
心裡有了個慨念該是時候吃一下

第一次吃的心太軟
不錯 不錯
不足之處只是餅身略乾
難怪有人會對它鐘情
在心臟中間切下去 立即血如泉湧   
心臟伴著血漿吃下去
真是會讓人心太軟
這個承惠三十八個大洋

自上次一試後 已把這名物列入可吃清單中
這次在別家再嘗一次 每個只需十個大洋
和上次相比 質素相差太遠
可謂一分錢一分貨
慶幸第一次吃的質素較好
否則從此和它有緣無份

今日本來諗住去巴蜀食米線
點知落到去偏偏見到貼住休息一天
我先前諗住可能人多要等位o者
估唔到黑仔到無開
所以最後就走左去郁香園食麵
叫左個雙丸麵 牛根丸+墨魚丸
郁香園最好一樣野就係雙拼唔駛加錢
佢D牛根丸好食過一般麵檔
墨魚丸亦真係有墨魚丸味
不過始終唔係我杯茶 因為佢唔係爽o個種
睇黎佢都係牛丸類味道最好
仲有叫左杯豆漿 唔太甜 o岩我心意
但係好夠凍 好似係冰箱雪過一陣咁
Good~~

之後行左陣 見無咁飽就去左買雞蛋仔
好野 竟然今日無乜人 睇黎黑仔唔哂
其實講到尾我都係為左買呢個雞蛋仔先出去食野
呢個雞蛋仔係我近期最愛o既雞蛋仔
暫時未遇到好食過佢o既
我鐘意食有餡o個種雞蛋仔
但係而家好多都係得個皮 因為成本唔駛咁多
所以好食極都係得個皮做得夠脆
但係呢到唔同 個皮脆脆地而且有餡
我本身只係會食原味 不過黎到呢到就會食下朱古力味
一般街邊朱古力雞蛋仔只係個蛋漿加左朱古力
然後底雞蛋仔就會變左啡色
但係呢到可以做到個皮係原味但係裡面係朱古力心
真係唔知佢係點做到 所以亦係佢最大特色
仲有D朱古力絕對唔係好甜o個種
我覺得似係dark chocolate 好正 好有朱古力味~~~~~~~~~~
所以黎呢到我就可以仍然食到原味雞蛋仔 兼且仲有朱古力味
而且呢到個老板娘 笑容可人 好nice

呢到D雞蛋仔總係零舍大底

手機cheap
影得衰衰地 不過都仲見到係朱古力心
真係食完都心太軟

始終食完麵食唔哂成底雞蛋仔 返到屋企再用焗爐返熱
但係已經無咁好食lu
好想下個星期又去買黎食呀!!!!

-------------------------------------------------------------------------------------------------

2011-07-30 19:52
今日又走左去買我愛愛o既雞蛋仔~~~~

名副其實朱古力心~~~~

返工挫親條氣 放工心情麻麻
又餓又攰 路經旺角賣你老味o既名店
很豪氣咁對店員講："每樣兩串"
然後就見佢不斷左執右執包左超大袋俾我
每樣兩串, 即係幾多串? 我買o個時其實都唔知
返到屋企數下 原來差唔多有成廿串
我諗過如果我買o既係魚旦
咁我已經坐擁百幾粒...........
但可惜仍然係魚旦

以下就係我o既身家........
影出黎唔係好壯觀 但係食落就好勁抽

因為我食到就黎反胃 都剩左下面成大碟

呢間野日日都會有條長龍係門口做裝飾
之前都以為又係香港人排我又排o既情操所致
就好似轉個彎o個間台式飲料鋪頭
我飲過 又唔覺得值得排咁耐
不過呢檔你老味 真係你老味咁好食
唔知點解佢比我平時食開o個d香軟爽口
仲有我之前都唔知食呢d野原來可以配甜醬   正!!!
不過美中不足係 佢D紅腸係比唔好食o既紅腸更難食
仲有有幾樣我食完都未知乜黎
經事後審計 值得食o既有以下幾樣:
魷魚 生腸 腎 牛脷 仲有一種我食完都唔知係乜o既野
不過老味野應該好難消化
腸胃唔好o既我 食完個肚脹住唔舒服
所以都係少食為妙
不過我諗應該係少食多餐
而唔係好耐食一次但又再黎每樣兩串
否則食完都只會再度奶Tart~~

相信很多喜歡四處尋食的人都看得出以上相片中的漢堡包出自何處
這個漢堡包被譽為超正漢堡包
它的出售地點為於紅磡黃埔
當我得知這個所謂超正漢堡包出自黃埔的時候
我很奇怪我竟然完全不知道它來自哪家店
因為黃埔可算是我由小蒲到大的地方
既然有一件超正的食物出現在這裡
為食的我沒理由不知道它在哪裡
所以近日去黃埔看醫生就順道去尋找它的真面目
我先在中原看了地圖
下車後行過去 行到半路中途
突然靈機一動 心想不會就是那家店吧
到達後 果真就是那家店 心裡不禁失笑
因為我在初中時就經常路過這家店
那時候的我愛玩釣魚 買魚餌的地方就在這家餐廳旁
以前經過的時候還嫌這餐廳太殘舊
我可是連在內買杯汽水也不想
想不到多年後 它的環境在依舊不濟的情況下成為大熱餐廳
也許它比從前更殘舊了 畢竟在我初中的時候它就經已很殘舊
它的格式有如八十年代的快餐店
黃色矮小椅子 座位和椅子貼貼的 坐得人不舒服
貫徹了快餐店的意思 就是想你吃完後快快離開

幸好當日人不太多 我等了沒多久就有位子了
花了十五元買了一個芝士蛋漢堡
價錢與份量算成正比的
疊得高高的漢堡包吃起來甚是狼狽
我把它吃完後得了一個疑問
它到底好吃在哪裡??
的確 它是有賣點的
漢堡是自家製 所以不像機壓式的漢堡那樣結實
吃起來會比較鬆
但可惜它就是太鬆了 也太厚了
吃起來就如山竹牛肉 而且它的漢堡也做得過喊
$15的價錢仍是可以接受的
但是成為大熱之店 實在讓人摸不著頭
也許大家都吃多了機壓式的漢堡
被M記悶著了 所以對這些一咬就散的漢堡著了迷
但如果讓我選擇 我還是偏於M記的漢堡包
I am LOVING it!