又係 #千両 啊喂! 壽司九成都唔錯, 最出色係 #鵝肝壽司 燒到好靚個面脆脆地, 大塊到塞左入口就鵝唔出, 但最愛依然係入口即有幸福感嘅 #炙燒左口魚裙邊 ❤千両啲壽司係唔錯, 但之前講過熟食係hihi, 今日又好奇心殺死喵而中伏, 食左 #千両特製厚燒甜蛋(明太子醬) 個醬咸到唔識咩係甜, 其實乜醬都唔落先係最好味. #板燒芝士牛舌 食落唔似係全部畀真芝士, 目測先落芝士醬再係上面鋪少少芝士, 個芝士味半假膠, 啲牛舌又無口感淋patpat. 最差係 #汁煮鱈魚鮫 魚肉食落似係煮得太耐嘅鞋口帶子肉, 魚肉唔鮮甜, 啲汁啱啱上質地杰杰地都仲有啲味, 放多一陣變稀水越食越淡口. #牛油果軟殼蟹卷 明明都係壽司, 但包係入面嘅軟殼蟹一係熟野又係麻麻地, 總之千両近乎係逢熟必伏.
#第一次兩個人食千両可以過七百蚊
#飽到人已汁煮鱈魚鮫

食左咁多次千両, 真係唔多熟食係OK, 如果真係要食就揀蛋類野, 甜蛋/無醬燒玉子/茶碗蒸呢啲都整得唔錯. 

#牛油果軟殼蟹卷 軟殼蟹佢又真係軟畀你睇唔係脆, 啲牛油果好生咁無乜味硬掘掘.

#洋風特大帶子

腐皮壽司雖然係熟食, 但黎千両係必食, 暫時未食到好過佢, 鐘意佢啲飯唔會多到脹爆塊皮, 可以專注多啲喺腐皮味, 同埋千両嘅腐皮甜味係特別鮮明.

鵝肝喺呢間美麗華分店先有咁大塊, 喺其他分店都有食過鵝肝, 但頂多只係佢三分二又無燒得咁靚.

今日油甘魚腩dry左啲, 但點都好過熟食先.

#板燒芝士牛舌 啲芝士醬假味令到成碟野cheap哂, 牛舌又淋patpat cheap多一層.

#汁煮鱈魚鮫 其實我唔係好知佢想點.......