#UrbanBakery 出哂名食牛角包, 有饀嗰啲仲要成四五十蚊隻, 但原來佢牛角包以外嘅包唔貴, 我買左 #咸牛肉飛碟 成個碟咁大先$12. 雖然裡面啲咸牛肉仲少過啲蔥, 不過真係好好食!!! 其實唔知點解佢叫做咸牛肉飛碟, 極少咸牛肉兼無咸牛肉味, 佢根本就係西式蔥油餅加芝士底. 聞落去已經勁香蔥油味, 精髓係個包有一塊烘過嘅芝士底, 令包底口感煙韌左之餘仲好香芝士味, 呢個一定會返單!
好明顯店員都知精髓係芝士底, 所以擺出黎賣嗰時係芝士向上.
佢叫做蔥油飛碟適合過咸牛肉飛碟, 不過其實佢啲饀少到近乎無咁濟.
雖然睇落唔細個, 但係無乜餡, 食完都唔會覺得飽, 但只係$12已經值左!
全站熱搜
留言列表
我寫意 (4)