人有三急走左入商場行個方便
之後出返黎見到間五光十色賣指甲油o既鋪頭就俾佢吸左入去
Sales sell左我以下呢支聲稱可以保護甲油兩星期
有水晶甲效果o既面油

平時會成日搬搬抬抬 對手又周圍撞
D甲油永遠不出三日就打柴
成日聽人讚opi一直都想買返支
不過嫌有D貴見唔等用住就未買
而呢支價錢同opi正價差唔多
見Sales話呢支仲可以keep兩個星期
我又見佢手上搽得幾靚就買左
佢仲sell我買底油同改錯筆
不過o個D真係無乜需要就無買

之後仲買左呢隻色黎試下Orly面油係唔係咁堅
Orly隻面油"杰"身D 所以搽上指甲後會覺得硬D
感覺真係會保護得好D
雖然杰身 但係都乾得OK快 效果初試良好
然而搽左三日後 第三日我D指甲油都係打左柴
始終逃不過三日o既命運..............

平時都習慣買左新甲油會返黎做下實驗
今次都唔例外
唔差在一次過試多幾隻做個對比

張相唔係幾睇到個效果
不過結果係隻隻都蝕左唔少發泡膠
除左尾二o個支係無蝕過
話說呢支仲要係我當年隨便係卓悅買黎整手工野
唔係打算拎黎搽係指甲到 反而一D都唔蝕
而新買o個支Orly係最貴又蝕得最勁 Orz...........
又唔係平效果又唔見得特別好
所以Orly已經俾我black list左
我之後試過用尾二o個支搽三層當面油
可以三日都唔甩色
仲要我抹兩三次洗甲水先開始甩色
opi都慳返唔洗買

當然我知道呢個係一個不太科學o既證明
因為甲油含有有機溶劑 放落發泡膠實溶
而指甲同發泡膠結構唔同 始終不能相提並論
但雖則不能並論 如果蝕得太勁 我都會out佢出局
因為我會覺得指甲表面o既琺瑯質一定俾佢蝕得好深
除非你覺得琺瑯質唔重要啦
不過諗下如果自己D牙無左琺瑯質都幾大鑊
Anyway 成份唔天然o既甲油都係少搽為妙
我都係久唔久先搽一次玩下
不過用哂手上呢D都會轉返D天然為本o既牌子
但我久唔久先搽一次都唔知世界末日前用唔用得哂 Orz...........