近來有D唔正常 只要行出屋企門口
成日都會喪笑
見到乜都想笑 見到乜都覺得好搞笑
覺得有三分一係受羅小豬影響

話說今日幫人出尖咀買書
途中有個阿叔檔路
我同佢面對面左左右右 擾攘左數秒
然後我一大步向右先走出呢個困局
但係我之後已經好想爆笑
因為個阿叔左左右右o既時候
只有上半身郁 下盤原封不動
試問只有上半身郁 有乜意思呢
我唔一大步跳開o既話 咪要對峙上一個世紀

之後我今日試電話D制
因為369o個幾個制好似有d問題
我試個9字試得太投入o既關係
打左999......即刻狂禁cut線= =

仲有今日agent打電話黎搵我
事緣係琴日我好細心打左封email俾佢
我好用心咁用書面語寫好我想要咩酒店
要撘咩機 連幾點上機落機都寫埋
點知佢今日打黎同我講話book唔到
原因係.....我同佢聯絡左咁多次
從頭到尾都無話佢知我叫乜名
我係海旁爆笑左 覺得自己太叻

以下係新機首影.........200萬像o既手機

好睇唔好食o既野 又貴喎
唔係餓到死 我都唔會求其係到食
燈光足夠影出黎都ok

成個set唯一夠熱o既野食
但係我琴日先隊左6粒
今日毫無心理準備下又隊多3粒
9筒食得!!!

我成日都想食呢個飯 可惜到而家都未係香港搵到間好食

想影遠少少就唔太得 黑左~

太陽很害羞 N咁大年紀都係唔敢從西邊升起

影外景都可以接受啦 主要都係要夠光

所以夜景即刻衰左.........
不過千四蚊呢個價錢 我已經好滿意
佢仲有我以前勁愛玩o個個射珠
不過用手機玩得好差
有待訓練......

仲有今日杯咖啡好差 D 泡仲多過D啡
Syrup太多 甜到hihi
始終都係caramel star最好飲
唔知我呢世人仲有冇機會飲到
今日食乜都好差 聽日o個餐要食勁佢!!!