大家收到我D Cheap Gift未呢?
Cheap + Time = 為求博君一笑

Christmas Book
呢本書原來好易搵 一買就買到
但係包裝呢本書真係整死我
間房搞到仲亂過打仗
本來影低左個戰場打算show出黎
不過諗諗下都係"龜房"保密
收到本咁勁o既書
第日發左達可以唔識我
但係唔該先過幾千萬入我戶口 (港幣我都受架喇)



Christmas Cat
忐忑左係到幾年 終於能夠送出
仲有一份 幾個月後必還
從此不拖不欠

Christmas Card 
聞說大部分寄失
但小弟早對香港郵政信心跌穿地球板塊
所以寄出前已影定哂相
Christmas o個日亦將D相email到閣下戶口
務求做到服務盡善盡美 總算有返D渣拿

Christmas Sock
除左Christmas Card外仲試左Christmas Sock
而Christmas Sock係以下咁樣黎 
我係咪型英帥靚正 哈哈


小Sock裡面有好珍貴o既野 珍貴過周生生
Only for a special someone 呵呵

中Sock裡面有D無謂野 
我不過係想借機講句: 唔該下年照住我


為免對你不敬 所以追加左個Christmas Cake
屋企無任何打蛋器 用筷子要打到蛋白企身即係等同打巢自己

焗左出黎都幾樣衰 第一次整係咁上下
但呢個蛋糕最西飛利o既地方係.......
佢係一個無麵粉成份o既神奇蛋糕


倒模出黎雪硬佢 好有年糕feel
好意頭 祝你明年步步高升
但其實佢食落去似Chocolate Brownie
多謝友人賞面又食又拎清哂佢
感動~~~~~~

大Sock裡面有Caramel & Caramel & Caramel...........
& My Favour Bear Candy...YEAH!!
o個隻Caramel消化餅貴到離哂罩 
真係食左都消化唔到
Oh Wait...........我唔係咒緊你

釘D死人絲帶蝴蝶又係搵自己黎搞............

係得咁多lu 無收禮物o既人
咁即係代表我地已經...........已經.........已經..............
至少一齊食過飯喇
之後會Post返出黎架 
不過淨係得D餸菜喎 
鬼叫你唔夠條菜靚咩
呵呵