話說我部notebook買左返黎成四年 一次都無format過
但近幾個月真係唔多掂 成日自己熄機 又死視窗
我一直都好唔想format佢 因為已經安左好多野 唔想又重新裝過
但係因為一D事 我覺得自己都願意動手
何況係一部只係用左四年o既電腦 所以我重裝左佢
而整個過程 backup format installation 半日都唔駛
整完之後用起上黎 如同未format之前一樣咁方便
亦解決左死視窗問題 
其實困難好多時真係自己想像出黎
format一部電腦同format一段關係大同小異

format完之後差唔多一個月
死視窗問題係解決左
但係自動熄機問題都係差唔多
原因應該係散熱問題 亦見風扇位有唔少塵
所以就一不做 二不休 諗住拆埋佢祠堂!!!!!!!!!

呢個唔係最後情況
其實已經去到可以拆哂mon/ keyboard/ harddisk 
等等其他ribbon & wire
但係我竟然去到拆殼o個下先發現無六角匙起VGA插o個兩粒野...........Orz
唯有灰溜溜地裝返好部電腦
用吸塵機係背後吸下塵算
呢個故事教訓我 做事先前除左要有決心
仲要做好事前準備
如果唔係只會付出跟收獲相距甚遠 > <

不過唔知係唔係吸過塵關係
今日未死過機 
如果佢再狂死機我實買六角匙返黎起爆佢底!!!!!