好耐之前就知道金華菠蘿包出左名
幾年前食過 嗰時覺得OK
但要新鮮出爐先好食 過一陣個包會變硬
而且好食得黎又唔算好好食 不過起碼唔錯

成日見有人排隊買 有日朝早見無人排買黎做早餐
每一個都已經預早入好紙袋 摸上手微暖
唔得閒即刻食 放低一個鐘
只係短短一個鐘 個包我形容為硬到可以掟死狗= =
啲麵粉唔駛差成咁掛 我諗麵包呢種食物唔係只活於新鮮出爐一剎吧
就算我一早知道佢啲包放耐左會變硬 都唔係一個鐘都唔得掛
有無少少身為麵包o既自覺 知唔知咩叫鬆軟
同埋硬係覺得個包有種唔新鮮o既質感 就算明知佢係新鮮出爐
呢個係選用食材o既質素問題
仲有個皮脆純粹因為佢厚 如果好薄又貼住個飽正常唔覺得脆
但因為佢整到好厚 焗到乾哂
咬落去自然會裂開 會有脆o既錯覺
不過唔係鬆脆香口 個皮都係偏硬
平心而論個菠蘿皮都仲食得下 就算做唔到鬆脆
但佢始終有脆o既錯覺 加上佢做到菠蘿皮本身獨有嗰種甜甜地味道
所以個皮係可以接受 但皮下個麵包都好重要
硬到咁叫人點食 咁o既質素就算出爐即食都係一般貨色
唔值得排隊買 恕我唔識欣賞 無下次