紅豆魚都唔知已經食左幾多年, 雖然一年都未必食兩三次, 今次發現佢單身多年後終於有曲奇魚做伴.
我諗係因為紅豆又叫相思豆, 所以久唔久就會想食, 但紅豆糖紅豆糕紅豆雪條etc都無效, 所以有時會食呢個樓下就買到嘅頂住先.
十蚊一舊唔算貴, 但又無覺得平.
咁多年黎第一次見到曲奇魚, 即買!
睇圖唔睇細字以為都係雲呢拿雪糕, 因為中間舊雪糕疑似白色.
紅豆魚同曲奇魚都係呢個貓樣, 塊魚皮食落就似老麥個新地筒淋左咁.
紅豆魚係一層朱古力脆皮一層紅豆夾住雲呢拿雪糕, 老老豆豆紅豆味真係唔多, 雲呢拿雪糕又質素麻麻得個甜, 如果唔係紅豆病發作係呢個咁多零食選擇嘅年代唔會買.
不過曲奇魚有驚喜喎, 首先原來唔係雲呢拿雪糕, 睇返啲字係薄脆曲奇味, 不過我覺得似朱古力多啲, anyway好食過雲呢拿, 個味唔係得個甜先, 有啲朱味無咁寡. 最正係除左一層朱古力脆皮仲有一層曲奇, 食落口感似Oreo碎, 平時食麥旋風必食曲奇味, 呢種口感我鐘意呀~
全站熱搜
留言列表