太好笑, 坐225枱係咁將啲野食寫哂去235, 然後不斷騷擾小哥哥向佢乞食😂#大井町日式放題 #荃灣 眾安街55號 #大鴻輝中心 3樓

由於第二round將啲野食"託付"左畀對情侶, 所以都唔算食左最多.

麥味都幾重, 芒果味又有啲似菠蘿, 酒精得2.5%, 其實味道似汽水多過啤酒, 唔難飲, 但qutoa珍貴, 唔算好飲就轉攻其他.

近來陽光玩復古, 但回憶中從未出現過柑香茶, 味道似淡版綠寶, 比芒果啤酒更唔好飲, 試過就永別.

今次啲刺身無上次咁鮮甜, 成盤係得個油甘魚好食, 其他質素只係勉強合格, 仲要無令人返單嘅欲望:(

呢個新野上次無, 叫白肉豚, 我覺得食落似吞拿魚, 味道鮮明得黎唔多好食.

呢個必食, 賣點係佢個柚子酢, 咸咸甜甜嘅汁好味呀~

吞拿魚同左口魚dry到裂, 左口魚仲要係我重點, 乾到愛唔落, 仲有個無入鏡嘅柚子吞拿魚, 嗰pat柚子醬簡直令難食升溫💔
燒和牛同火炙三文魚腩入口即溶, 正到要encore❤

鐘意黑松露必需吞呢個, 面頭少少已經好濃味, 仲有啲海膽點綴下.

平時食放題喪食刺身, 壽司有飯所以少食要留quota, 黎呢到相反要喪食壽司, 因為連刺身都唔夠壽司好食. 

右邊嗰件我無食, 左邊呢個應該都係新野黎, 叫辣汁炸蝦卷之類, 唔好食, 一來唔辣, 二來啲蝦淋哂.

黎呢到唔好當自己去食放題, 當食迴轉, 但揀唔坐係迴轉帶前面, 因為呢到啲熟食真係唔得. 上次燒羊架唔好食, 但真係太愛羊畀多次機會佢, 結果係好少少無上次咁乾, 但都係唔好食, 肉鞋又瘦, 睇個樣以為係貧民國家到長大😑

食左隻天婦羅炸蝦又係淋哂嘅

唔係我食, 但我諗呢啲衰極都有限吧.

呢到熟食係得燒牛舌上得場面, 牛舌咸香加埋啲胡椒香夠惹味, 咬落又爽口.

仲有榴槤炸彈同紫心香芋丸都可以食, 炸到熱辣辣, 咬落去第一口係脆, 之後個皮又軟糯, 加埋裡面甜甜的心, 正!

芝麻雞翼其實都食得過, 不過黎放題食雞翼感覺cheap左啲, 浪費quota. 黃金魷魚軍艦咸左少少, 唔係太吸引.

食得太多生野點左個櫻花蝦湯, 呢個又係上次唔見嘅, 佢係油版同辣版嘅雲吞麵湯, 飲左佢比食左太多生野更唔健康, 果斷棄.

野飲最終都係還原基本步......飲返上次飲過覺得OK嘅有汽果酒, 同埋拎左個茶包沖杯熱飲. 話說個果酒我係惠康見到特價都賣$9.9, 飲呢個有助回本. 

貴價雪糕可以揀一盒Movenpick或一條Mini Dreyer's, 但細盒裝Movenpick真係有啲難食, 所以我都係揀Dreyer's芒果雪糕批, 味道好普通, 但至少唔難食先.