#芝味蘑菇安格斯 生菜洋蔥蘑菇其實無咩味, 加左純粹多啲口感同水份, 食落無咁漏, 味道係靠個菇味醬撐起頭家, 唔係好濃, 但菇味幾鮮明, 平時少食菇味醬, 有啲新鮮感. 塊牛堅厚, 雖然唔夠juicy, 但有肉地, 下面墊塊芝士吊下味, 以 #老麥 lv黎講幾好食. 包用左法式甜包, 質感似嘉頓牛油軟包多啲, 甜甜地牛油味好重下, 重牛油無得難食, 但似嘉頓麵包就無左新鮮製造嘅初戀感覺. #麥當勞 薯條唔香唔脆唔薯又膠係常識, 不過好夠淋嗰啲又有少少好味, 加上 #煙肉芝味薯條 落左煙肉同芝士掩蓋佢陣膠味, 不過有額外成本跟餐要自付$4. 呢餐試嘅 #M記 新野係近來最滿意 #McDonald's

狂惹火辣脆雞已經食左兩次, 隔左兩個月先食芝味蘑菇安格斯.

貴啲嘅包配返張唔同嘅包裝紙, 左右兩邊其中一邊開口, 方便食用.

夾係中間有生菜、洋蔥、蘑菇、芝士、牛肉同松露風味醬, 生菜洋蔥蘑菇其實無咩味, 加左多啲口感同水份, 食落無咁漏, 味道係靠個醬撐起頭家, 唔睇返介紹都唔知知佢係松露醬, 只係feel到係菇味, 唔係好濃, 但菇味幾鮮明, 平時少食菇味醬, 有啲新鮮感.

塊牛堅厚, 雖然唔多juicy, 但夠肉地, 下面墊住塊芝士吊下味, 以老麥lv黎講幾好食. 

呢種包叫法式甜包, 唔似平時食開嗰啲漢堡包, 似係嘉頓牛油軟包多啲, 甜甜地牛油味好重下, 咁重牛油點會唔好食, 但話得似嘉頓麵包就無左新鮮製造嘅初戀感覺, 硬係差咁啲野. 

老麥薯條唔香唔脆唔薯又膠係常識, 不過好夠淋嗰啲又有少少好味, 煙肉芝味薯條加左煙肉同芝士大大掩蓋左佢陣膠味, 係好事不過要畀$4.