唔經唔覺年半無食 #牛角 , 啲野係明顯差左, 其實之前都有呢個感覺, 而家只係再下一層樓, 不過又唔到難食, lunch食人均百六蚊仲可以接受, 夜晚食就真係唔多願意. 牛肉無乜牛味, 油脂含量一般般, 肉唔鞋但偏韌唔容易咬開, 尤其厚燒牛舌之前好愛, 而家咬成年都唔吞得, 反而唔係牛嘅野仲好食. 仲有之前啲菜係配生蒜片, 而家畀啲炸濃到激苦嘅取代, 泡菜食落又好似係今朝先醃唔入味, 仲有個餐湯根本只係鹽水浸海帶😑
始終覺得佢啲飯太多水, 上次食仲誇, 最初食牛角飯係幾好味, 而家無乜優勢, 食佢純粹覺得食咁多肉太漏, 搵啲飯中和下.
蔬菜依然好生鮮, 但泡菜未上到色咁濟, 蒜片濃到根本就唔畀得人食, 叫呢個明明係為左生蒜片😭
食燒肉對我黎講就係殘廢餐, 無一個願意負責燒嘅同行人係無法達成.
咖啡唔好飲, 不過預左呢啲地方唔會整得好, 但求唔好太難飲, 咁佢都算係乎合呢個水平, 鬼叫自己攰到一個點無咖啡唔得.......
全站熱搜
留言列表
我寫意 (4)