唔知咩料而家食個 #肉醬意粉 咁困難(Pizza Hut嗰個自動屏蔽), 唔多地方有, 就算有又唔係用返最平凡嘅意粉, 改用扁意粉寬麵etc. 見到OK有個 #一叮 #芝士肉醬意粉 童年回憶起細個好鐘意食7仔個叮叮肉醬意粉就買左trytry, 一盒好大份實夠飽, 但肉醬意粉係邪惡之物有之成七百幾卡. 食呢啲叮叮野都唔望佢個意粉做到al dente, 佢又無太淋太pat已經收貨, 但佢有個完全不能原諒嘅死症──好！鬼！死！甜！咁肥仔我都再加半塊芝士落包茄汁都救佢唔到, 真係甜到未食飽就放棄......#SpaghettiBolognaise

叮叮野食而家都唔平, 一盒$25.9都夠喺快餐店食個下午茶仲有埋野飲.

其實糖不足4茶匙, 我覺得唔算太多點解咁鬼死甜😓

啲肉醬多到呢......鋪滿成個面總值759.2kcal好邪惡呀🙈

意粉幼過茶記舊時用嗰啲意粉, 嗰種意粉係最易變patpat, 呢種幼啲本身就無咁易淋到癲, 叮完出黎都仲有少少少少口感, 不過甜到咁一定唔會返單!