每次喺馬莎買曲奇見到啲法式牛角酥大大隻都好心動, 但又知食得曲奇就食唔落包咱有忍痛放手. 今次因為Lunch食得太飽未必食得落晚飯, 終於可以名正言順買隻牛做後備, 但最終都係變左做第二日早餐......放左一晚預左唔會好酥脆, 但焗返熱都仲有少脆唔會軟淋淋, 不過牛油味唔係好夠, 自己出手拎牛油搽上去搭夠, 佢正在一隻牛長過斜線20cm嘅碟, 絕對係貪佢大大隻價錢唔貴$14. 質素唔突出但好過Mccafe同凱施少少, 所以馬莎出品都達到中高性價比.

之前馬莎係用老麥嗰種形狀紙袋, 放牛角酥會係路上浪黎浪去, 但呢次買紙袋轉左用牛油紙質地, 感覺富貴左, 手感扎實啲, 最正係正方形尺寸啱啱好可以打横放入一隻巨角零走位🥐本來覺得呢件事要讚下, 但過幾日再落去買曲奇, 啲袋又換左, 仲衰過以前, 質地軟瀨瀨, 啲油勁勁勁過底, 放塊餅又淨返太多位, 總之點放都拎得唔自在😒

其實食一隻真係好肥🙈啲油都浸到個袋透透地, 但咁樣又多左幾分誘惑😍

好大隻啊! 不過呢隻已經比平時見到細隻左. 一定會再食, 一來抵食, 二來想試真啲即買即食會唔會效果更好.

我都算係半個牛角酥控, 一層一層搭出黎嘅口感真係好難抗拒🙈