第一次係 #PizzaHut 食早餐, 質素比預期好, 尤其用返 #香蒜肉絲意粉 啲料轉做蕃茄湯肯定好食. 奶茶估佢唔到都OK, 而且好大杯, 雞扒塊皮煎到脆有加分. 不過佢都唔係有讚無彈, 個意粉其實好鬼淡, 無加返鹽係唔會好食, 但餐廳黑胡椒芝士粉辣椒汁都有, 但偏偏無鹽係到, 問侍應佢話係有一枝不過唔知邊個客人拎左, 我問左兩次佢都話行勻成間餐廳搵唔到, 我話咁大間餐廳唔係得一樽鹽掛, 如果你搵唔到, 其實你地廚房有無鹽, 我唔介意你用個兜戴畀我, 我唔一定要用你咱一嗰枝, 同埋希望將來咁大間餐廳可以提供多啲鹽. 仲有雖然佢奶茶個味唔錯, 但係唔夠熱, 雞扒又畀好少汁要慳住食. 結論係最好下次外賣返屋企食, 而且要求雞扒多汁, 屋企有大把鹽, 奶茶可以叮返熱咁大杯慢慢嘆.
全站熱搜
留言列表
我寫意 (4)