#馬莎 #牛角包 畀我嘅初印象係好L大隻, 但後來變返正常範圍嘅大隻, 即係都大隻但無左誇張效果. 馬莎超市裡面啲野我無興趣, 但佢沖嘅咖啡同麵包曲奇係平價中嘅高質 (p.s. 朗豪坊分店成日買大杯裝都畀唔足份量, 好呃錢!) 牛角包有佢自己風格, 表面挺身厚重, 但唔係好似Starbucks厚而un, 佢係硬淨得黎脆, 裡面酥得起, 牛油味夠香. 馬莎一隻牛賣$14, 平過Starbucks, 仲要買咖啡跟餐$35就得, 如果McCafe唔係揀細熱Cappuccino跟餐都平唔過佢. 凱斯最平, 但無馬莎咁好食, 有得揀我寧願貴啲食馬莎. 得A1牛價錢同質素有得同佢fight下, 但兩種牛風格唔同, 無話邊個嬴邊個, 兩隻都食下間唔中轉下口味. #Marks & Spencer #M&S #牛角酥

馬莎個牛袋都pro過人, 一面係紙, 一面係有窿嘅膠袋.

其他食過嘅牛都偏向鬆化軟身, 係得馬莎有挺身質感, 自成一格.

橫切面都睇到頂頭啲酥皮係利落硬淨

佢咖啡價位比Starbucks平, 而且咖啡味都算出, 不過朗豪坊間分店成日扮大杯, 我平時買幾杯放哂入紙袋無為意, 之後拎上手先知中伏, 下次一定會現場驗貨!