#東海堂北海道牛乳芝士蛋糕－

#東海堂 #北海道牛乳芝士蛋糕一入口就係勁熟識嘅味道, 佢係我以前讀書嗰時流行過整嘅芝士蛋糕嗰隻味, 因為佢唔需要用到焗爐同打蛋器, 以前無而家咁興有整蛋糕工具喺屋企, 所以唔少人都會學整呢隻蛋糕. 唔知東海堂呢隻有冇焗過, 佢比我整嗰隻鬆軟好多, 以前我整嗰個係無麵粉, 成舊cream cheese搞完拎去雪硬佢, 但除左軟硬度真係九成相似, 仲要都係用返Oreo碎餅底. 蛋糕個味其實就係原磚cream cheese差唔多, 但係成磚直接咬濃到癲又硬到傻, 加返牛油糖忌廉之類調返淡同鬆佢啫. 原磚cream cheese個味無揸麵包嗰種cream cheese咁突出, 我覺得佢好食得黎又不至於令人留戀, 要食我都係用返揸麵包嗰隻. 知道左個蛋糕係呢隻味已經心息, 無乜意欲再自己買黎食, 而且佢切餅$21太細件喇, 食啲自己整唔到嘅款好過.