頂佢
出發前買左個無牌子細風筒
其實佢同PANASONIC價錢差唔多
我見佢W數勁D 顏色好D
就覺得都唔一定要買大牌子
點知用左半個月琴晚吹完頭就壞左
仲搞到間房跳制無電要求救
其實一開始都覺得佢壞壞地
因為每次用都好似有陣燶味
好在佢係我吹完頭先壞 
好在佢壞o既時候唔算好夜
算你死都識得揀時候

夜晚同Bewix & 仔仔去左間意大利餐廳食飯
間餐廳幾靚 (其實呢到間間都靚 本來就係佢地個style)
門口仲有個阿茂現場整餅
自己平時唔會煮肉食
黎到緊係叫返塊扒咬下
話說我地黎到意大利餐廳都無人叫pizza同意粉 哈~
但係成餐都無影相 呢到好似唔多興
所以同人食飯就無四圍影免得失禮人
唯有靠文字記載

先對左兩舊百吉飽加牛油
然後就牛扒配菜加薯條上枱
賣相好靚 塊扒勁厚同界紋整得靚靚
配菜好fresh 用紅綠青 very eye catching
成個歐洲好似都係咁
佢地所謂o既medium都已經出哂血水
以前奶過一次野 所以都唔敢叫medium rare
今次食完medium都係一盤血水
不過無上次食完咁一片鮮紅
味道肉質OK 都係平時應有貨色 
但佢地個黑椒汁幾正 
同我地平時食o既唔同
佢應該係普通cream sauce再加原粒黑椒 幾野味
叫左jar rose 感覺似係稀釋左D o既紅酒
平時唔飲紅酒o既我都refill左三四次
飲完都真係有d high high地 所以係咁係到吹水 haha~~~
不過個人當然仲好清醒 
如果唔係都唔會仲係到寫到blog
而家仲飲緊Hoegaarden Rosee 飲開有條癮

先前Bewix話今晚落Bar 下午我話左唔去
但dinner飲到興興地如果今晚去我實又落場
不過最後餐飯食到太夜大家都返歸

食完麵包對完塊扒及大半碟薯條仲有幾杯酒又黎甜品
又係三球雲尼拿雪糕打底
仲要再加朱古力醬 
雖然已經走cream 但仍然飽到無朋友  
Oh shit! 睇下我最後會肥幾多磅 

經驗所看 係呢到大部份餐廳食飯每人最低消費二百五
本來今餐張單係Bewix埋 
點知佢張visa唔知做乜過唔到數
我即刻上位埋左張單佢 計返港紙都未過千
佢平時照顧我唔少 我都唔知點回報佢
今日俾我埋到張單 個人安樂哂
絕對係物超所值

話說食飯期間坐係我後面o個枱竟然有人講廣東話
話哂我又唔係旅遊區
真係估唔到係火星都避唔開廣東話 
So Sad~~~

今日起獨佔房子兩星期
NO HUMAN, NO DOG
So happy I could be ALONE!!!!!!!!!!!!!!!!!
High爆炸!!!!!! 真係要點蠟燭賀賀佢!!!!!