屋企呢幾個月電器喪排住隊黎壞
次序如下:
電視 > 電話 > 冷氣機 > 電腦
今次勁到連神樓燈都壞埋
明明搬左黎十年都無出過事
有見及此我建議阿媽去拜下電器神
不過我唔知佢邊到可以搵到電器神黎拜 (我只係負責介紹 但唔包提供途徑)
而我係從以下途徑知道電器神o既存在 haha

係到清手機D相時見到呢張menu
張menu係我以前返工影低放係手機
咁我朝早返工時就可以揀定食咩打電話落去叫外賣
去到即拎即Pay即走
佢早餐都ok
最鐘意食佢咸牛三文治烘底+熱茉香珍珠奶茶
佢個熱茉香珍珠奶茶仲係我暫時飲過最好飲o既
除左早餐 其他時間食呢間野都幾貴
anyway 而家已經唔再過呢種生活lu

對我來說 
珍惜機會已經太後
製造機會又走得太前
因此我選擇了契機
不免感到自己過於懶散
但是現在還是只能這樣了
或者說現在能做到這樣也就不錯了

　　〇三年沙士後，失明女童龍懷騫梳着孖辮，在廣告中大跳「開心舞」，鼓勵港人逆境自強，時至今日，廣告仍在播，「開心舞」女孩龍懷騫已長得亭亭玉立，蓄短髮，說話時一雙「大眼睛」靈活轉動，今年更以滿分成績畢業、學能傾向測驗（SAT）考獲二千分的佳績，獲六所大學取錄。九月份，她將牽着導盲犬步入美國名校加州大學柏克萊分校修讀英文。她昨再度站出來，溫文但堅定地說：「生命是禮物，別輕言放棄」。

　　「有一樣嘢我比人哋叻嘅，就係我唔怕黑；但係我同其他人一樣，都係怕凍嘅。我希望每一個人都像我，懂得跳開心舞。」○三年，念小四的龍懷騫獲以勒基金邀請，拍下「我熱愛生命」系列廣告，穿上綿襖背心、說話時視綫並不集中的她，羞怯地勉勵港人，讓不少人留下深刻印象。拍攝廣告後一周，父母便帶着她移民美國，期望她接受更好的教育，一去就是八年。

　　聽帶學英語 聽壞錄音機

　　「開心舞」女孩龍懷騫再度回港公開亮相，亦因為以勒基金，基金會於下月舉辦布道會，邀請她擔任嘉賓，分享如何克服人生及學習遇到的困難。自小失明、裝上義眼的她昨日先向記者講述見證，來個熱身，「到美國初期，第一個困難是我不懂英語，唯有不斷聽錄音帶，跟着一遍遍讀其中的英文故事，聽到錄音機也壞了」。終於，半年後她能操簡單的日用英語，入讀主流學校，與正常人一起上學。

　　失明女孩如何考上柏克萊？龍懷騫說，遇上學習不明白，主要靠老師、同學解釋，「例如我從未看見過三角柱體、長方椎體，真的很難理解，就算有突出來的圖畫可摸，我亦不明白，此時有老師很耐心解釋幾何概念，我才慢慢掌握。」

　　她說，小時用點字做功課，全靠老師翻譯成文字，其他老師才能為她批改，隨着科技進步，有了專用點字手提電腦的協助，她只須按一下掣，就可將點字轉為文字，更可上網找資料。

　　家人的扶持不可或缺，龍懷騫的父母會駕車接送返學、放學，照顧起居飲食，「很感恩，我只須好好念書」。她每日下午五時回家，便專心溫習，疲累時拉小提琴或跑步紓緩壓力。同場接受訪問的龍媽媽說，女兒會一直溫習、背誦，直至記得為止。

　　「失明只是特徵，非缺陷」

　　龍懷騫的堅毅、勤奮，從她學習小提琴可見一斑。中一時（當地為第七班），她完全不懂拉小提琴，也看不見樂譜，老師拉着她的手教她，同學錄製不同樂曲，她憑着聆聽，將每個音符死記硬背，現考獲五級。她昨日在尖沙嘴文化中心外，順暢地拉奏《梁祝》。

　　「我想證明，失明人士和正常人一樣叻，甚至比正常人更叻。」今日，龍懷騫成功了，她不僅在初中及高中均以GPA滿分（四分）畢業，更在SAT取得二千分，獲美國頒發「總統獎」，表揚佳績。取錄她的大學除了著名的加州大學柏克萊分校，還有加州大學洛杉磯分校（UCLA），她早已超越同班的正常人，「失明只是我的特徵，不是缺陷」。

　　導盲犬陪讀 助擴社交圈

　　驕人成績背後，她與大部分人一樣，有自己的煩惱，她有點尷尬地笑，「我不懂獨立生活」。要離開洛杉磯，獨自到三藩市求學，她說首要學懂洗衣服，「最少要有乾淨衫穿，『襯錯衫』反而小事，最多給人取笑。」她說得慢，邊說邊已面紅，「我很怕識新朋友，幸好有志願團體於下月送隻導盲犬給我，牽着牠走入校園，就算我不說話，別人也會問起我的小狗，便可打開話匣子。」

因為見自己鐘意食榴槤雪糕
又會食下榴槤糖
所以就想測試下自己食唔食得榴槤
其實細個都食過 
我記得o個次好似係某親戚買上黎屋企一齊食
我仍然記得老豆食左好少就即刻衝入厠所o既身影................
但係就已經唔記得左榴槤係咩味 
(可能老豆衝入厠所o既衝擊太大cover左我對榴槤o既記憶 hahah)
因為屋企個個都唔食榴槤 
所以多年以來都無再食過

食落去都接受到 但又唔覺得好好味
唔太鐘意佢外面好似有層食落質感爽爽地o既外皮
我只係想食佢裡面好似pat屎咁o既質感 hahaha
仲有唔知係唔係我切開左無一次過食哂
第二日食埋淨低o個邊好似變壞左有怪味
還是榴槤本身就係咁?
anyway 都係食返榴槤雪糕
正好多~~~~~~~~~~~

維記o既豬潤麵大名已經聽左太多年
但因為從來都唔多願意排長龍食野
所以一直都未試過
咁o岩去黃金砌機要等九個字先有機拎
所以就過黎睇下多唔多人
我諗唔少人都係因為去黃金然後順道過黎食返碗
我又好好彩唔駛等就有位
唔駛諗就叫左佢兩個招牌菜
潤牛米+咖央西多士

潤牛米 $25
賣相真係毫無賣相可言
不過從來都唔多怕食核突野o既我
並無影響心情
其實本身唔多好豬潤 但又唔會話唔願意食
佢呢到堅係有佢功架o既
整得比平時o既好食
D豬潤嫩滑好多 同埋無咁大陣苦味
個湯底好有豬潤味 清清地係唔錯
但係牛肉真係好唔得
應該用左好多生粉乸佢
但都仲要食落有渣............
我見好多人都叫豬潤配其他野
睇黎大家都知道牛係麻麻地
味道未至於驚為天人
亦都唔會一輪唔食囉囉攣 可能因為我唔係豬潤愛好者
唔駛排隊順路過黎食個豬潤米都OK

再黎咖央西多士 $13
呢個真係好食 不過衰在唔夠熱 
佢kaya做得清清甜甜 蛋漿上得唔錯 好味~~~
都係未至於驚為天人
不過香港真係唔多地方有kaya食
呢個一輪唔食都會記住佢 : )

食完豬潤米同kaya西多
飲住維他檸降溫
真係好飽飽~~~~~~~~~~

因為維記地方淺窄人多 其實個個都係食得口急急
食完都未夠九個字 就走去行下
同一件事發生 就係走去行下又走左去買野食 = =
其實以前經過坤記都見佢人頭湧湧
所以我估佢應該都出名掛
不過我唔好甜o既糕點 (除左雪糕)
所以從來無買過黎食

但係記得娘親會食白糖糕所以就打去問下佢食唔食
佢話試下都好
所以就買左白糖糕 砵仔糕 紅豆糕
我問過阿姐砵仔糕同紅豆糕有咩唔同
佢好理直氣壯咁答我: 係好唔同o既..................

佢個袋

白糖糕$5件
拎出黎兩老已經話"嘩 咁鬼貴"
唔係話$5好貴 而係真係太過細舊
我試左少少覺得好難食
因為我從來都唔鐘意食
佢地就話唔算差 
不過都係有少少白糖糕好難去o既酸味
睇黎以後唔駛再買 又貴又麻麻地

紅豆糕 $7 都係細細件 
呢件中規中矩 唔會想black list佢
不過都係唔會返單架喇 

砵仔糕$5個其實係偏貴
呢個無特別細件
因為都係用平時見開o個種碗整
味道就堅係麻麻地 
件糕唔覺香甜 紅豆不見出色

總結: 坤記永別了

食完潤牛米+kaya西多+坤記糕點
一粒鐘後就食晚飯
有白灼蝦蒸黃花魚腐乳通菜
真係飽到我hihi
飯後仲係到掃花生
睇黎已經食到失左控...........................

不少人說 如果不敢看別人的眼睛
大概是對自己沒信心害羞膽小等等自卑因素所致 (除了心虛外:p)
可是先不說這個因素是否成立
那為什麼自卑就導致不敢看別人的眼睛
而不是其他身體反應 (比如放屁/抽筋/眨眼 :p)
這是我所感到疑惑的

而稍作思量後 我的想法是 
一個人跟另一個人普遍的確切互通接觸點就只有眼神 
即使聲音 就算你跟別人說話
對方有沒有在聽自己說的 聽了多少 是無法肯定的
所以這個接觸點是否健全是不能確定
但是眼神 
當你看著對方的眼睛對方也看著你的眼睛
那是無法否定的互通接觸
因此當自己不想承受對方某些反應/心情/情緒/感受
就會逃避眼神接觸 
逃避這個確切互通接觸點
所以除了自卑 (因為想逃避對方可能看不起自己的心態)
只要不想承受對方的反應就會逃避其眼神 
比如對方的悲傷 難堪 失望
有時候與陌生人的眼神碰上還是會趕緊避開 (就是互通點被觸發了)
其實情況就如兩人拿著話筒接通了卻不作聲般尷尬
然而為什麼尷尬呢?
就是接通了便是靜態轉為動態模式吧
其實這並不是定律 只是習慣而已
不過也是個不應打破的習慣
然而又不需過於執著 
否則會成為兩人嚴重的導火線
這情況跟眼神互通一樣 不是要否定這種動態意識
只是也不需執著得以致尷尬
倒不如微笑帶過 更顯地球溫暖

我認為我不該再逃避的
雖然我不多因為自卑而不敢與人對望
更多的時候我是無法抵受別人的悲傷 難堪 失望
但只要是真的我都不該錯過吧
如果是悲傷 那麼還是請看著 或者有什麼是我能做的
如果是難堪 那麼還是請看著 
因為那是別人的羞恥 為什麼反過來是我在逃避 
我不是更該看得緊緊 好讓對方知道他該為自己的行為感到羞恥麼
如果是失望 那麼還是請看著 請記下自己的失誤後檢討
請勇敢 看著別人的眼睛
那麼日後我會更加習慣面對承擔任何事情

係網上見到上面呢張圖所以吸引左我落樓下Dablo
落樓下除左錢連電話都無帶所以相都無張
首先買之前要自己劃紙揀想食咩
乜都想試o既我當然係豬牛各四安士
揀左沙嗲湯底 盛惠五十二個大洋
但係竟然唔連野飲
睇返個promotion講到食夠百二蚊送一公升汽水
我仲以為係另外送一支樽裝俾你拎返屋企
唔包野飲都算 但佢最cheap係個定價
佢最貴個半磅肥牛窩先賣$55
即係你兩個人都願意食呢個窩都送唔到野飲
仲要自己再額外加餸先有百二蚊
我見有D人食夠百二蚊送左汽水
但佢所謂o既一公升汽水裡面有三分二都係冰
送得你咁cheap就唔好送la
Dablo無野飲好唔掂喎
最後自己叫左個紅豆冰
超唔得 椰汁激少 
只係見到豆還豆 水還水
其實之前試過一次都覺得難飲
但諗住可能一時唔好彩 
經過今次真係要black list佢個紅豆冰!!!

講返個火鍋 
沙嗲湯底裡面有件豆腐仲有少少菜
豬牛各四安士 (真係幾多下)
仲有菜 (正常份量) 金菇(超少)
魚蛋魚片 (各兩件) 炸魚皮 (兩塊)
金邊粉 (一蝶)
沙嗲湯底唔會唔好味 不過無乜沙嗲味
唔當佢沙嗲湯的話唔會有乜大問題 哈
豬牛多到我要硬食 新鮮度同質素以及份量黎講
呢個價錢都算合格有餘
菜/金菇/魚蛋魚片無特別地合格了
炸魚皮好好食 好脆好fresh 好味過平時酒樓Dablo o個D添
金邊粉都幾好 好少Dablo有金邊粉揀 I like it :)
仲有佢做到酒樓咁 有哂椒絲/生蒜/炸蒜/蔥任添
呢個係值得一讚o既
仲有佢個火都可以去到幾大下 D野好快就熟
唔會要喪等先有得食

總括黎講$52一個豬牛鍋
呢個價錢呢個質素呢個份量其實係值o既
不過無野飲就真係唔掂
仲要cheap到咁樣定價去送汽水
係情緒上黎講我唔多唔少會因為你咁cheap而想抵制你

不過食完真係飽到好辛苦
仲要飲哂個紅豆冰 (唔想浪費食物)
其實四安士都夠一個人食................... 

食完飯太飽想行下 行下又走鬼左去買野食 (惡性循環 = =)
八點da完blo 十點幾見到D零食又忍唔到口
明明都仲飽到就黎爆炸
而基於我係一個完整主義者
從來就無開左食少少過口癮呢個觀念
一食就食哂....................

係火星o既時候差唔多日日都食waffle
除左係街上面食到新鮮熱整o既waffle外
仲有呢種係超市又或者朱古力店買到o既waffle
佢個質感都幾過癮
無一般waffle咁軟熟 但又未到餅乾咁dry
中間夾左層甜到hihi o既醬 (先唔好計有幾多kcal)
所以通常係會搭住咖啡或茶黎食
而我娘食一啖就棄權
帶返黎呢隻應該係vanilla味
佢其實仲有其他唔同味 
雖然我平時都唔算好甜
但可能俾佢地同化左
所以都食左唔少..............

返到黎仍然繼續日日食
食到今日已經係最後一塊 Cry........
唯有同佢拍返張遺照
暫時別了 My Dearest Waffle

係到問緊阿媽一D洗衫問題
突然一個Idea閃過DIY左條無聊IQ題俾佢答
我問佢: D人成日話錢有陣銅臭味 到底點洗先可以洗乾淨佢
佢答: 用水洗 (唔o岩)
佢再答: 用消毒葯水洗 (唔o岩)
佢再答答: 用厠所水洗 (好明顯已經放棄作答.........)
所以我就開估: 咪就係洗左佢囉 咁仲唔一乾二淨 哇哈哈!!!!!!

下次試下問老豆 睇下個傻B會答乜 :p