第一次到數碼港，感覺很可惜，一個設計時尚且空間寬敞的商場居然十室九空，面海的餐廳只有寥寥可數的客人，對於寸金尺土的香港來說實屬反常現像。在Google搜尋數碼港自動跳出“數碼港失敗”的相關詞，按下去看見多篇指責李氏與政府的文章，然而過去已成定局，只是奇怪這一抹美好的風景繼續被流放，令人感概。

#cyberport #數碼港 #香港 #風景 #香港風景 #分享 #hk #hkig #hongkong #igdaily #travel #pictureoftheday #scenery #hongkonger #hongkongphotography

🏠澳洲牛奶公司@佐敦白加士街47-49號
餐廳收9pm, 8點先剷落去, 配搭毛毛細雨, 果然唔駛排隊, 但呢個唔係重點, 重點係伙計叔叔會笑! 會笑! 係笑容啊~其實今晚都八成滿, 不過唔駛打仗, 加上我落單快到阿叔寫唔切, 無位畀佢吹我, 然後佢笑住覆我一次有無落錯. 理論係當你落單快過阿叔支筆就會產生速度快過光速嘅效果......bullshit

🍲叉燒通粉/意粉: 老老實實麻麻地, 意粉太淋, 通粉普通, 叉燒偏薄無乜口感.
🍳炒蛋/煎蛋: 蛋係澳牛嘅靈魂, 炒蛋真係又香又滑, 蛋黃味好重, 煎蛋可以前後蛋白都煎哂中間流心又唔穿.
🍞多士: 厚切加溶哂嘅牛油好香, 不過再烘多陣挺身啲會有更好口感.
🍖火腿: 唔起眼嘅野但都覺得好食啲, 唔會乾爭爭鞋口, 同埋味道幾突出, 有時出面食嗰啲就咁一塊無味嘅野咁.
🍮蛋白燉鮮奶($30): 真係好滑, 裡面偏液態半固體火候啱啱好, 但係太甜, 一個人食半碗已達上限. 唔記得相機食先碗野無左忽...
☕茶走/杏霜: 茶走要少甜都甜過燉蛋, 似乎水吧大佬豪放型不解少甜, 建議自己落返沙糖掌握命運, 不過茶味係得嘅, 濃郁又無苦澀. 杏霜唔錯, 唔落糖已經夠甜, 唔會太多嘔吐味.

🤓結論: 火腿蛋多士先係主角, 碗粉只係用黎塞飽埋個肚, 燉蛋如果政府發出一人限聚令就唔食得. 澳牛可以食, 但不至於要排隊食.
💯分數: 4.83 out of 7

#雙黃連口服液 👉喉嚨痛人類恩物
打邊爐食到尾段喉嚨已經赤住, 返到屋企牙肉都腫埋喉嚨痛黎料, 即刻啪一支, 唔駛一個鐘喉嚨舒服返七成, 快到好似打針💉

🥘芫茜皮蛋鍋+竹蔗茅根水
無辣, 無牛, 無海鮮(除左魚)
快食個半鐘都即刻喉嚨痛
虧到無朋友🤦‍♀️

#香港 #美食 #香港美食 #美食日記 #美食分享 #美食推薦 #小食 #小吃 #零食 #劣食 #打邊爐 #火鍋 #晚餐 #喉嚨痛 #hk #hkig #hongkong #foodie #foodiehk #hkfoodie #foodlover #foodblog #foodpic #foodaholic #food #dinner #snack #igdaily #travel

康年餐廳@太子通菜街143-145號地下
早餐最方便就係返工路上買個包, 一般十蚊以內搞掂, 呢間茶餐廳做埋麵包鋪, 門口包櫃非常清晰睇哂有乜包, 就算唔買路過都會望兩眼.

🍞奶皇墨西哥包($9)
▪個皮無我預期咁鬆化, 水份多左啲, 不過絕對唔係濕左淋左.
▪墨西哥包獨特之處係個皮甜中夾住少少咸香, 呢個包做到, 但加左奶皇嘅甜搶左脷仔注意力, 品唔到咁多咸香, 同埋酥皮已經好夠味, 加左奶皇有啲膩.
🤓結論: 唔叫差, 但無出色地方令人想食多次, 紙袋出哂油就知食一個好肥, 唔係好好食又同自己增肥唔抵嘛.
💯分數: 3.85 out of 7

#香港 #美食 #香港美食 #美食日記 #美食分享 #美食推薦 #小食 #小吃 #零食 #劣食 #頹飯 #茶餐廳 ＃茶記 ＃墨西哥包 ＃早餐 ＃太子 #hk #hkig #hongkong #foodie #foodiehk #hkfoodie #foodlover #foodblog #foodpic #foodaholic #food #dinner #noodle #snack #igdaily #travel

🏠Lost Stars Livehouse Bar & Eatery@大角咀利得街11號利奧坊一期地下506號地鋪

🧀法式熱融蜂蜜芝士配法式麵包 $138
▪芝士好滾動, 嚴重拉絲, 可能加左蜂蜜所以偏液態, 但個鐵盤冷卻之後芝士都係會凝固, 要快快食, 不過凍左只係無開頭咁惹味, 依然好食. 芝士陣味濃得黎唔膩, 唔知係咪蜂蜜功勞?
▪美中不足係麵包畀太少, 再添要加幾十蚊唔平. 呢到主菜(牛&豬)偏淡味, 無乜醬, 正好拎個芝士加落去補救, 慳返麵包錢.
🤓結論:餐廳樓底高, Livehouse暗暗有情調, 黎再食芝士飲野唔錯, 但對主菜無興趣.
💯分數:4.9 out of 7

🥃Made of Gold $98
▪一杯凍朱古力要成舊水真係無叫錯made of gold~但又心服口服佢係令人一試難忘, 第一啖就有驚喜, 第二啖已經諗住下次黎都要飲呢杯🤤
▪朱古力味勁濃, 唔係死甜, 食完主菜啲冰溶得6677都係咁濃, 睇返餐牌話佢係French Earl Grey Chocolate, 茶溝朱古力咁新潮? 茶味我就唔覺喇, 但佢嗰種濃而不苦, 夠甜又唔會太甜, 唔排除就係茶仔發功. 仲有底下好多朱古力碎, 飲得之餘仲有啲野嗒下咬下過癮, 同埋掛杯嗰兩粒棉花糖好煙韌, 啱哂唔鐘意食淋野嘅我.
🤓結論: 杯朱古力比芝士更吸引人
💯分數: 6 out of 7 

#香港 #美食 #美食日記 #美食分享 #美食推薦 #芝士 #晚餐 #小食 #小吃 #生活 #朱古力 #飲酒 #食好西 #hk #hkig #hongkong #foodie #foodiehk #hkfoodie #foodlover #foodblog #foodpic #food #dinner #drink #livehouse #cheese #snake #wine #beer #blog #vlog #life #bar #restaurant #chocolate #cocktails

🏠Cinnabon@大角咀奧海城二期地下G06號鋪
開張嗰時好多人排, 近來唔駛排就買黎食下, 果然有啲料到, 本身唔多鐘意肉桂陣味都被佢征服到, 佢嗰種肉桂係另一層次, 香得黎好順, 唔會太嗆, 正~~~

🍩蕉糖蘋果肉桂味($46)樣係衰嘅, 個頭生哂野咁, 不過味道掂! 咁多醬係面都做到甜而不漏, 鐘意食酸嘅人啱哂. 佢個蘋果酸味夠重, 食得咁甜間中有一兩啖夠酸反而覺得醒一醒味蕾, 不過想追求肉桂味就要食返乜都無加嘅原味好啲, 呢隻會偏重左蘋果味.

💯分數: 5.81 out of 7

#香港 #美食 #香港美食 #美食日記 #美食分享 #美食推薦 #小食 #小吃 #零食 #肉桂捲 #hk #hkig #hongkong #foodie #foodiehk #hkfoodie #foodlover #foodblog #foodpic #foodaholic #food #dinner #noodle #snack #dessert #cinnamonrolls #Cinnabon #sweet

✔必食豬紅, 比潮州打冷鋪仲軟滑!
✔豬腸第二最愛, 好食到一早賣哂食唔到......
✔豆腐炸皮有咬口, 裡面又唔會太硬 (不過有時會遇到有啲酸味)
✔羅漢齋有幾樣菜, 舒緩選擇困難症病人
✔蘿蔔次次甜, 冬菇幾入味
✔豬皮都好食, 但怕肥少叫
✔沙嗲汁無敵, 惹味到連湯都忍唔住要飲
✔公仔麵煙韌過出前X丁
✔幼麵唔係梘水麵, 有咬口質感
❌魚皮餃要踩一踩鞋親個口

$34兩餸一麵連野飲, 仲要冷熱同價
唔駛排隊, 遠遠好味過經常排長龍嗰間車仔麵

#香港 #美食 #香港美食 #美食日記 #美食分享 #美食推薦 #小食 #小吃 #零食 #劣食 #頹飯 #車仔麵 #hk #hkig #hongkong #foodie #foodiehk #hkfoodie #foodlover #foodblog #foodpic #foodaholic #food #dinner #noodle #snack #igdaily #travel

#鮮芋仙 #芋薯圓Q麻薯牛奶冰 $52
#芋圓 切得太細粒搞到無口感, 橙色嗰粒野, 味道唔錯, 有蕃薯甜味, 不過嚼頭都係差咁啲. #麻薯 糯米磁咁上下嘅軟, 但呢樣野本身好似就唔會有芋圓咁有嚼頭, 所以算係達標, 純粹未夾到自己嘴形. #冬瓜凍 無特別, 無乜味嘅啫喱. 呢盤野佔得最多係 #牛奶冰, 頂頭似係 #雲呢拿雪糕 雪糕無問題普通野, 問題啲冰係廢, 勁無味, 好似食碎冰飲雪水咁, 食幾啖就bye. 成盤野除左夠大盤睇上黎好勁咁, 毫無亮點. 仲試左個熱 #芋㘣4號 唔記得影相, 都係麻麻地, 湯底係 #紅豆沙 好水, 芋圓大粒返都係唔夠嚼頭, 裡面仲有珍珠, 普通野. 無論凍食定熱食, 心目中都有好過佢嘅餐廳, 芋㘣做得更好. 呢間野勁多人, 好似快餐點咁搵位, 唔係排隊係鬥搶, 食完要即走讓座, 群眾壓力山大, 無下次. #荃灣 #荃新天地 一期地下G46號舖

食神伝說啲野都幾抵, 我覺得係超市全線打左八折咁.

呢隻一包75g, 都係迷你size最好, 呢個開左真係好難收口, 唔食哂係強人所難😫

一包有成400kcal, 越好食越邪惡😈

吃塊薯片都是愛你的形狀❤

🏠香港九龍海灣酒店@紅磡灣紅鸞道8號
💯指數:⭐⭐⭐⭐ (7粒滿分)
💲價錢: $691

住宅的格局，兩房一廳一廚房一厠所，兩張單人床及一張雙人床可供四人居住，整體面積比酒店房間大多了，但奇怪訂單只許3人入住，即人均$230。

酒店位置不算便利，周邊沒什麼餐廳、商店及交通工具，必須走一大段路，不過靠近海旁，能夠在海邊散步也是一個小優點。當天最大的問題是Check-in等了大半個小時，希望只是突發事故造成。

房子乾淨整潔，酒店一般提供的用品這裡都不缺，但當下三四百元的酒店選擇不少，若非追求特別大的空間或帶有廚房，可選擇其他酒店省錢。

#香港九龍海灣酒店 #staycation #stayhome #hkig #hk #hongkong #kowloon #hunghom #hotel #travel #hktravel #daily #dailylife #share #like #cls #vocation #resort #happylife #blessed #blessedlife #photograhy #香港 #紅磡 #本地遊 #酒店 #渡假 #推薦 #分享 #假日好去處