今日奇奇怪怪同左個一D都唔熟o既人出黎飲野
佢俾我感覺係都有陣膠味 佢d行為都幾唔似一個香港人
不過呢種膠完全無帶有負面意思
只係代表佢o既思想行為模式與我有好大出入
佢中途講左好多佢個人想法
仲有佢做左好多係我唔會表現出o既行為
但係我完全理解呢D事情o既發生
不過我本人係唔會咁做

然後撘車返屋企o個時 係車上我見到三個陌生人
A同B係識o既 但A同B都唔識C
A坐左係C隔離 而B就坐係A後面
好明顯A同B雖然係識但係完全唔熟
A係一個好鐘意講野o既人 佢講完幾句擰返去前面唔夠3秒
又會令擰個頭去後面繼續講新野 而B一直都對A講o既講無乜反應
好明顯對A 呢個人毫無興趣
C因為A不停咁擰前擰後又狂講野而十分不滿
我覺得個場面好搞笑 
A好明顯係一個自我中心好強o既人
雖然d人同佢坐得好近 但佢完全唔去理解身邊o既人對佢o既觀感
B係一個會將唔願意寫係塊面到 但偏於保持啞忍o既人
呢種態度係我做part time時經常出現
但係一般情況下 如果心情ok我雖則唔願意都會好配合
心情唔好的話 你唔好采 我會友善地屌爆你 哈哈
而C係一般人都會有o既方式
唔識你就唔好意思屌9你o 但個心就想屌到你上天花版 哈哈

其實知自己好自然就會分析左一個人
一個動作 一些語言 個腦就好似set左個auto program
自動理解左o個個係乜人 就算我無刻意想去理解
但係資料已經輸入左
我諗我係一個好鐘意真相o既人
我想明白人地行為背後o既真正動機
有好有唔好 好o既係當我理解到之後我就可以冷靜落黎
去理解去原諒去接受o個件事
雖則其他人都覺得o個個人做緊唔好o既事
唔好o既係 睇到太多 明白太多
有時覺得好灰 做人好絕望 
因此從來都無法成為天真o既人
因為人性根本就係醜陋
因為知道自己係自己重視o既人心目中o既微不足道
所以無法安心相信任何人

無論我埋解出什麼 無論o個個人係乜野人都好
無論佢從世俗中定義為壞人
我從來都唔想破壞任何人的現有模式
因為對錯之分從客觀黎講係本來就模稜兩可
我只會粗略講出自己o既觀點 但毫無要對方跟隨自己想法o既意思
除非o個個人會影響我個人利益 除非o個個人同我很親近
我先會好細心咁去分析 然後push佢改變
我先會去判定他的錯與對

想起從前認識的人 很多都說我為人很冷淡
我想大概是因為我缺少了很多激動
缺少了很多投入與參與
當別人頭頭是道數某個人的不是
激動地表達意見與不滿  積極參與別人的事情
我總是毫無幹勁的 一臉不在乎
因為站在別人的觀點上去想
有時就會明白左o個個人點解要咁做
就無興趣去數佢o既不是 亦都唔覺得需要不滿
我無本事決定太多對與錯 每個人都有佢個人o既生存空間
既然我唔知佢係唔係真係做錯 我又點去參與o個個人o既事
仲有我唔係多事o既人 又點會無端白事去改變一個唔影響自己o既人
不過而家已經收斂左 
如果唔係我會好似世紀大細菌咁被隔離
但不打算改變本性的我 都係注定菇毒一身
所以今日剪左個菇頭應下景