之前食過 #Tarami 白桃啫哩好好味, 今次試提子味, 又係但凡提子味零食野飲都係差唔多嗰個味, 但呢個味我又唔覺同真提子好似, 而且對我黎講甜過頭. 呢個啫哩賣點應該係裡面有唔少無核無皮青提子, 不過青提子而家多數買返黎已經無核, 食生果我又鐘意連皮食有口感啲(菠蘿榴槤呢類另計), 而且提子久唔久就會自動係屋企出現, 所以對我無乜吸引力. 仲有本身唔多迷啫哩, 嫌佢太淋, 如果係蒟蒻就好好多, 除非個啫哩有其他正點, 唔係好難吸引到我自掏腰包買黎食😅
包裝走清雅路線, 都畀到人少少矜貴感覺.
一杯270g(181kcal)唔算細, 雖然滑嘟嘟好快食哂, 但已經夠喉, 放入冰箱整硬佢仲可以延長享用時間.
呢個啫哩個名叫生菓子, 之前食嘅日本香蕉蛋糕都係叫生菓子, 日文會唔會令人太混亂🙄
估佢唔到放咁多提子, 呢點值得一讚, 不過依然唔會返單.
全站熱搜
留言列表
我寫意 (4)