近期對酒味雪糕甚是想念, 但我所知嘅酒味雪糕其實只有 #HaagenDazs N年前食過Baileys味, 但而家影都無, 前排佢係出左好多隻酒味, 但只限定加拿大. 無野揀只可以食Rum Raisin, 不過呢隻我都好鐘意, 雖然唔覺佢有乜酒味, 但mix出黎個甜我形容為成熟型仔, 唔係糖果水果嗰啲清新香甜, 加上本身又鐘意食提子乾. 不過前面講嘅可以話係廢話, 個味幾正都係要打佢入冷宮, 對我黎講雪糕係越硬越好, 之前係分店食以為係街所以溶得快, 但係盒裝買返屋企雪左成日都唔硬, 打開食兩啖就溶到不得了, 佢極度有生理需要入冷官cool down😑

個蓋唔知想點完全吸唔實, 好無安全感😒

估佢唔到成份幾天然, 無穩定劑乳化劑嗰堆化學野, 健康係好, 但係溶得快到我唔多覺食係享受, 呢件野健康又有乜意思🤔

因為鐘意食硬雪糕, 所以喺屋企食一定係由中間最硬食起, 反正側邊快溶嗰啲可以入返雪櫃雪硬佢, 但喺街食一定係由邊食起, 我唔想最後要飲奶昔......