之前迷過呢個韓式魚糕, 不過佢唔係街邊小食嗰啲魚糕, 而係魚形蛋糕. 第一次食係人地去韓國嘅手信, 嗰時唔似而家周街有得買, 自己網購左一箱返黎. 近來喺韓國重遇佢, 雖然而家周街都有, 但忍唔住接佢返黎懷念下. 佢自稱Moist & Chewy Cake又真係畀佢做到, 濕度密度比海棉蛋糕高好多, 中間有啲麻糬定唔知棉花糖嘅口感, 成件蛋糕特別好咬, 同埋個饀唔會太甜剛剛巧. 另一種玩法係叮熱食暖暖地都唔錯, 不過一件要成五六蚊三啖就無左唔夠喉👉👈

呢個蛋糕4件裝, 6件裝, 8件裝我都買過......

 一件121kcal得三啖, 且吃且珍惜.....

細個嗰時曾經流行過食朱古力巨魚餅, 而家見到啲魚形零食係有親切感啲~

半年壽命

因為嗰舊白色疑似棉花糖物體令我麻糬棉花糖傻傻分不清, 唔敢肯定中間係麻糬黎.

之前食一盒裡面有3種包裝袋, 其中一款仲有貓貓, 而家得返一種無咁得意. 話說個袋手感幾好, 有啲似牛油紙, 唔膠.

其實除左衫就唔萌, 常言道距離產生美🙈

之前網購一箱係為左安利別人, 然後出現左朱古力同紅豆兩派, 我認為個饀係朱古力味, 但有啲人認為係紅豆味. 到香港周圍有得賣, 成份有翻譯做英文, 詸底終於揭開係兩種成份都有😂