月餅識食一定係過左中秋先食! 呢個炒燶左嘅 #美心 #流心奶黃月餅 包裝係幾靚, 白底金線簡單又不失華麗. 味道方面都唔錯, 一拆開袋就聞到奶黃香, 入微波爐叮幾秒更加係香味激增, 而且個餅叮熱後軟軟地, 加埋流心嘅餡絕對唔會乾爭爭. 奶黃雖然係甜但唔會甜到漏, 又有少少咸蛋黃香, 但講咁耐佢咪又係酒樓嘅流沙包個味, 只係將個白色包換左做啡黃餅皮, 個餡無流沙包咁流係固體啲, 一句講哂就係微硬版流沙包. 咁就要畀二百幾蚊, 應下節都無妨, 但去到要買黃牛月餅就痴佢個線😑 #黃牛 #月餅 #中秋節

一盒八個

一個細細隻都已經172kcal

原來流心英文係用lava黎形容

雖然話唔係甜到漏, 但始終都係甜, 細細個都係食一隻就夠, 半個就唔係好夠喉未完全體驗到奶黃香.

呢個係未叮過嘅樣, 食落唔差但都有少少乾.

叮完個樣好似嘔鬼口水咁😅我叮11秒係over左, 包裝原來有寫叮3-5秒, 不過都比唔叮好食好多, 叮完熱熱地又軟又香, 有溶化口感, 係除左蓮蓉月餅外, 我會食嘅月餅.