之前果籃出現一隻黃色火龍果, 本來對佢無乜興趣, 但另一個人見到就話呢隻野叫 #麒麟果 食完疴屎一流, 我話有冇咁勁呀, 唔係好信喎. 於是食左幾舊, 然後唔知係咁啱定真係呢隻野發功, 打後幾日疴屎確實一流, 唔係搞肚痛, 係健康身形去得多仲每日有兩次. 我懷着一腔研究精神探索佢係咪真係咁勁抽屎, 以$78兩隻價位入手, 呢隻野原來可以貴到成五十蚊隻都仲要樣衰衰. 平時唔食火龍果, 嫌佢淡茂茂, 麒麟果雖然貌似火龍果, 但係甜到不得了, 糖尿人士真係唔啱食, 啲核大粒過火龍果, 咬落去好脆口, 第一次食嗰隻啲核苦苦地, 但自己買嗰兩隻一啲苦都無, 多水又甜又有脆脆核, 唔怕甜係幾好味.

至於研究結果係兩日食左1.5隻, 堅係疴到好甘下, 甘唔係指次數而係唔健康咁疴水, 不過又未去到要爆出黎搵厠所, 係去親都係水全部都係水🙉個肚仲一直陰陰痛, 所以呢隻野一係便秘先好食, 一係唔好食超過半隻💩

係花園街見到賣七十蚊一隻都有

雖然係好食, 但都不免甜左少少, 有失水果嗰種清甜.