我都唔明點解而家D人
少少野就要發忟憎
發生左就係發生左
外在環境係咁就咁係咁架la
有乜好嘈o者
我係受害者都未出聲
你地係連帶角色o者 對我吼有乜用
唔會對你地對事對其他人有幫助
只係對整件事更惡劣 
話你地激動 你地又話無
同飲醉左話無醉o既人一樣
都唔知你地想鬧情緒鬧到幾多歲

化妝掃要投資都唔係無價值o既
因為一枝靚掃分分鐘用到你皺左皮都仲用得 哈哈
但因為我唔係好鐘意化妝 (我只係用黎遮醜)
始終唔太捨得買貴掃
所以就買左以下出名平靚正美國出品o既e.l.f Brush

Yahoo拍賣都有 
網上beauty forum亦有人搞團購直接係美國訂返黎
不過就唔知係唔係山寨版
亦都貴過直接係鋪頭買成倍

e.l.f Brush真係平到笑
最平$1美金支 最貴都係$8美金
係鋪頭買左呢4支加埋都只係$10美金
不過就要計返9%稅
但計返港紙都只係$85
真係平到呵呵
如果唔係鋪頭D款唔齊係唔止買咁少
因為買左返黎用唔著
放返Yahoo賣都仲要賺返轉頭

而家只係開左支Complexion brush用
呢支價值$3美金咁大把

洗過幾次 毛都無甩過條 仍然柔軟
俾我美容師摸過上手 佢都話唔錯
真係無辜負到佢平靚正o既聲譽
以後去美國就多左一樣可入手之物
雖則我對美國仍然無興趣

話說香港呢兩年D八號仔都得個望字
有得睇 無得食
當前日一號仔上左位
阿媽就懶醒咁話 呢D尾風黎邊會打得成丫
我就即刻反駁 你又知? 你唔俾佢又係要賀我返新工 俾我標個尾會呀
(我之前份工一返就打左兩三個八號仔 呵呵)
佢話邊有可能 我就話如果打得成我就打你屎忽
之後琴晚出去食飯已經超大風 原來3號仔已經出場
我就再強調 如果打得成我實打你屎忽
佢就開始縮沙同我講 最多攝定野係pat pat到囉
之後今朝 佢係我未訓醒走入黎我房
我一聽到佢叫我 心諗死喇 唔通我訓過頭
點知佢係同我講 掛左八號仔唔駛返工
我即刻狂笑
我話打你屎忽! 打你屎忽!
佢並無作出任何反抗 自動自覺擰轉身 
係我對眼都未睜開哂o既情況下 
我就打左落去喇
如果我唔係未醒哂 我實唔止打咁細力
哇哈哈 連個天都鐘意我

打風o既早晨醒左又唔捨得訓
有咩好得過網上shopping
就咁就敗左差唔多成千蚊
哈哈哈

o岩o岩收到香港寬頻電話
話而家同新城合作送獨家容祖兒演唱會飛俾香港寬頻客戶
講左一大輪
之後終於入正題話要簽返個music one同唔知乜o既額外服務
我好冷靜咁同佢講: 唔需要
之後佢即刻問我: 點解呢? 有D咩問題同我地反映 睇下點提供返個服務俾你 
(大約係咁la)
之後我再好冷靜咁答佢: 個問題係我唔睇容祖兒
佢即刻dead左air 我諗佢O左咀
講左咁耐 佢估唔到我反映o既問題係我唔睇容祖兒
係佢dead左air o既同時 我都忍唔住爆笑左
之後條友好無耐咁話: 或者你有朋友會睇呢 送俾親朋戚友都好丫
我停左兩秒諗諗(但係仍然保持住笑唔停): 但係我真係無朋友睇容祖兒喎
佢又O咀多次 開始保持唔到佢好professional o既selling tone
然後casual地sell多我幾句 就同我friendly地say goodbye
我相信佢其實心裡面好想爆笑
我將成件事同我細佬講
我一講到: 個問題係我唔睇容祖兒
佢都笑左
所以剛才個Sales佬有乜理由唔想笑
hahahhaha!!!!

朋友與親戚及其親戚友人去挖蜆 順道邀請我一同參與

因此一早來到這裡 

某朋太白痴 時間地點說不清 原本還說要在南昌等
幸好最終臨時改為大圍等 方便多了

因為方便多了 早到了
某朋小白了 所以遲到了
於是只好拍照了............

每次看見路軌上的電纜 都會泛起外國生活的那種滋味 那絲澀意 

外國的月光特別圓
總是比較喜歡外國的火車站

人群聚集

It is comming~

Comming~

Arriving~

從火車站到達海邊還需走一段路程
這天天氣差 未到海邊已下起毛雨
可是人都來了 還是堅持著前進 

走過一段叢林小路 大海出現眼前一剎
確實有眼前一亮的衝擊

其實眼前景色未能稱美 沙更是粗得刺腳
然而香港貴為石屎森林
那一點水就如黑暗中的弱光 仍能令人半點著迷

可是天氣實在太差了 那種毛雨附著的壓迫感
即使身處海邊 仍感到不舒暢 

挖寶工具 必備強而有力的臂彎 哈哈

然而雨勢又再加大 我跟友人最終被雨水淋熄了興致
還未開始挖蜆便先行撤退 
1大叔 2 ladies & 2 little boys 則繼續留守..............

又回到那叢林小路 但有點認不得路
幸而不少途人在近 最終去了附近的馬鞍山廣場用餐聊天

在海邊的時候看到私營的帶蓋燒烤場
真有衝動以BBQ來抵償我大清早爬起來再攀山涉水來這裡的代價
可惜只有衝 還是未有動
壓抑的一天 > <

最絕望的事情並不是發現沒有人愛自己
也不是發現了說愛你的人並不愛你
更不是自己愛的人並沒有愛上自己
而是發現你愛上了真正愛你的人 那人卻不懂愛你

How many time I want to say
please don't try to love
but go to learn how to love
casue when the love you give by a wrong way
it would turn to be a real hurt to others and yourself one day

若不是因工作關係 需一早起來上深圳而路經紅磡
從來不知道紅磡的清晨另有一番景象
街上四處擺著地攤
有如外國的跳蚤市場 頗讓人驚奇

不過不同於外國的跳蚤市場是
擺賣的人及來買東西的人都是年紀較大
這就意味著賣的東西並不太適合年輕人

上火車前買了老麥的早餐
打開紙袋有驚喜發現
裡面有一杯熱朱古力奶
就是說店員先用膠袋帶了一杯給我
混亂下又多放一杯進紙袋
但結果並非好事
因為我喝不下第二杯
最後一直拿著到深圳還是丟了
途中拿著好煩人...........

一大清早來到這裡工作

話說這是我第一次到國內工作
雖然有點不情願超時工作
但的確讓我有一點興奮 :p

整天在一片混亂中渡過

在陌生的環境 步步為營 為求不要出錯

上午的工作暫告一段落

休息的時間有兩個多小時 可享用午餐

午餐水準不俗
然而午餐後未有工作 等待得讓人沉悶 

晚上還是混亂的延續 幸好一切仍能順利渡過
工作也比預期中結束得早
鬆一口氣

不要再跟我說何必相見
因為當你受了一次傷害就如此被深深影響
多年來一直對這件事耿耿於懷
不斷在腦海中一次又一次重播那些畫面

那麼同樣地 相見也可以有同樣的效果
一次見面也可以被深深影響 
記憶可以一直藏於懷內
可以在腦海中一次又一次重播那些畫面
既然你允許那些痛苦長存
那麼見面不是同樣可以理所當然嗎?

我知道你不能認同 但也無法反駁
可是我連你既不認同也無法反駁的原因都知道
因為你是如此追逐著痛苦而活
只願刻下痛苦的印記
而不允許任何美好回憶存在
因為這一切會妨礙你把受害者的角色演得淋漓盡致

但是你的好
早就經已刻進我的記憶
那如同你的壞
所以是你的全部

才沒來兩個月 就新開了一間Starbucks
位置不錯 比樓下的那一間好多了

座位設於窗旁 外面不算什麼特別景色
可是卻有一番說不出的滋味
讓人萌生一種從壓迫的城市拋開一切的衝動 

在A區發呆

天空劃過一架又一架的飛機

原來香港的機場繁忙非常 每一兩分鐘便有一架飛機駛過

偶爾拿起手機 把劃過的飛機拍下

曾希望自己可以坐在這眾多飛機中的其中一架

卻又不希望是這樣的自己坐在上面

我說過 我暫時都不會再離開香港了

因為每一次回來 我都還是一樣的不成熟 

夜幕徐徐降臨
我懂的 如果我還是這個我 那麼到哪裡去都於事無補 

每一次回來 我都很失落
因為即使製造過美好回憶
我仍無法不痛恨自己又一次把一段旅程沾污
我討厭我無法好好感受善用我所擁有的
我不想再離開 我不想再去製造那份無力感 

是否人類已經進化至頂點 還是人越大就得被污染掉
不管自己還是身邊的人 要麼一直沒變過 要麼就只有退步

夜了 已看不見窗外的景色
照出來的就只有自己的倒影 

並非我太傷感 確實如此吧
人大了 看到的就只有自己 外面的景色根本就不想過問

因此落得只能一直呆在A區的下場

當一個人突然揮霍起他無聊的道德感時
一般是為了隱藏自己的欲望