我把從前一直保存著的東西放下
又把從前放下了的東西收回來
也許曾經保存著的從來就沒有保存過什麼
曾經放下的從來就沒有離開很遠
而今天放下的昨天 明天將會遠離
今天收回來的昨天 明天又將會保存著

那結論是什麼?

實情是不論放下或保存
從來一切就在身邊 (不是實體而是意識)
所謂距離
彷如眼睛每分鐘接收著數千個訊息
腦袋最終只是挑了那麼幾個而已
然而其他影像不曾離開身邊

那結論是什麼?

雖說腦袋在數千個訊息中只挑了幾個
但其實一早就沒有選擇可言
因為一切條件都設定了
能做的就只能理解這些設定

既然沒有選擇餘地又為了什麼去理解?

我還不算很肯定這個答案
只能說方向大概是
人本來就不是什麼東西
純粹是一種覺知力而已
而覺知力的喜好是早就設定好的
因此才需要去理解及後每個細分下來的設定
檢查當中有沒有不相容的情況出現
所謂放下或收回等動作只是為了捍衛相容性
在下一次的同樣情況發生前改變條件
使其結果改進
當然還有另一個途徑就是根據覺知力去創造
嗯嗯 這方面只能說我還看不化又或是太懶而未能做到

當小紫說我以前可是反叛糾結著
我可是又一呆 明明不是第一次聽
當小紫說我還是沒變就一直窮追不停地問同一個問題
我大笑 因為我才意會很久沒有遇到讓我自己想問問題的人
而這不是他有什麼過人之處 反正十之八九每次我都不認同 呵呵
我會問 不過是他是個願意立論的人
當他問我睡不著的時候想什麼 我恍惚起來
因為當我失眠無數次後
當我差不多每天都跟它遇著
我竟然無法即時回答那時候的我在想什麼
我嘗試整理出一個答案
我才發現原來我失眠的時候腦海是沒有任何畫面的
只是一堆又一堆名詞及句子
這發現讓我有點毛.................

總覺得今天小紫給了我不錯的啟示
可是每次跟他說話 
總覺得自己又有什麼是真的放開過
又有什麼是真的能留得住
總是不能理解人類的感情為何能脆弱到這種地步
生存的意志又大得那樣可怕
讓人哭笑不得

呢個世界真係咩都有佢o既價值
原來唔沖涼係可以換到雪糕食
hahaha

凡是眼可見耳可聞的東西都是非我
我不是我的身體
我不是我的財富
我不是我的工作
我不是我的知識
我不是我的關係
我不是我的一切
我只是純然的覺知力
我就是我
虛無縹緲 卻又永恆不變

我不是我的身體 
所以我吃我覺知力能感到美好的食物
我吃我所想吃的 而非餵食身體所渴求的
那些能不費心就能得到的食物
那些吃著就感到全然不違心的食物
這一切跟身體無關 
所以進食之物不需被健康主導
但那會是最好的結果
因為那是我覺知力所求

我不是我的身體
所以我不需有定量的睡眠
我只在我覺知力能感到美好的時候睡覺
我睡在我想睡的時候 而非我該睡的時候
我醒在我想醒的時候 而非我身體想醒的時候
我只睡於我能感到全然不違心的時候
這一切跟身體無關
所以作息可凌亂不堪
但那會是最好的結果
因為那是我覺知力所求

我不是我的身體
所以我不需有適量的運動
我只在我覺知力能感到美好的時候運動
我動於我想動的時候 而非我該動的時候
我停於我想停的時候 而非身體感到不能動的時候
那是全然不違心的動作
這一切跟身體無關
所以運動之事不需被健康主導
但那會是最好的結果
因為那是我覺知力所求

我不是我的財富
我只在我覺知力能感到美好的時候才花錢
我於受到啟發的時候才購買 而非買我單有慾望之物
那些不費心就能得到的物質
那些得到就感到全然不違心的物質
這一切跟財富無關
所以我可買任何奢侈多餘之物
但那會是最好的結果
因為那是我覺知力所求

我不是我的工作
我只在覺知力能感到美好的時候才工作
我作我想作的工作 而非我能做的工作
我離開我想離開的工作 而非感到辛苦的工作
那是全然不違心的工作
這一切跟安全感無關
所以工作之事不需被社會規範
但那會是最好的結果
因為那是我覺知力所求

我不是我的知識
我只在覺知力能感到美好的時候才學習
我學我想學的 而非我該學的
那是全然不違心的學習
這一切跟社會要求無關
但那會是最好的結果
因為那是我覺知力所求

我不是我的關係
我只在覺知力能感到美好的時候才跟對方親近
我親近我能感到美好的人 而非因為他們對我好
我遠離讓我感到煩擾的人 而非因為他們不愛我
那是全然不違心的關係
這一切跟將來無關
所以兩人可能根本就不能一起
但那會是最好的結果
因為那是我覺知力所求

我就是純然的覺知力
我只為我而作事
而非為我的一切而作
而那一切皆是非我之物

見到KFC有心太軟葡撻
鐘意食心太軟o既我
抱住一試o既心態叫左 $7件
個盒又幾精緻 專for放一件葡撻
右下角仲開左個窿疏氣

打開聞到好香
摸落去仲熱辣辣
睇黎咁o岩遇到出爐無耐o既葡撻
有食神：D

一啖就咬左1/3個
已經食到心太軟味
隻味唔假 真係平時食o既心太軟味
但因為朱古力係一種好強o既味
所以蛋味就俾佢搶哂
不過食到尾無朱古力味o既地方
仍然食得返蛋香味
D蛋仲好滑~~~~~~~~

真係好食 但$7一件
兩三啖就食完都幾貴 > <

p.s 唔知點解上kfc個官網同上網search都搵唔到有呢隻撻o既縱影@@?

每一天
看著別人一點點殺害自己
又一點點地殺害他人
到我忍無可忍出言的時候
他們不約而同會說"你說的我都明白 但是我不能不這樣做"
我還是會再說說 說到無話可說的時候
說到他們還是只會回答"你說的我都明白 但是我不能不這樣做"
才發現自己原來早就置身荒島
其他人早就在戰爭中身亡了

又三日連續失眠
無乜點訓過 So sad = =
今晚澡完涼個幾鐘
差唔多想訓教就去吹頭先發現D護髮素仲係頭到未過水 
我完全遺忘左呢個近乎每日都做o既指定動作
俾自己笑死左自己
講埋俾阿媽聽笑死埋佢
一石二鳥勁過憤怒鳥 

Google的進取一直帶給人驚喜
它的街景地圖實在很讚
遺憾是聽聞因私隱問題香港已禁止Google取景
所以日後也許再沒有更新的街景地圖了 > <

近來愛用Google翻譯
因為一般網上字典不能翻譯的文字都能翻
不存在的字也能發音
而且翻譯準確度也不低
剛才把一整篇文章貼進去
沒想到它貼心得把Orz都為我翻成中文
也未免翻譯得太準確了
太強大了!!!!!!!!!!!!!!囧

見朗豪坊間Toast Box幾光猛闊落就係到用餐
相所見o既套餐盛惠$29
明明聽到個收銀問我要炒蛋定係要烚蛋
我揀左炒蛋 但唔知點解係煎蛋
而我睇過其他食評 所謂o既烚蛋應該係半熟蛋@@

奶茶又唔錯喎 夠哂熱
佢地o既奶茶係偏茶味重 o岩我

煎蛋就係煎蛋 nothing special
但係佢枱有支鼓油o既物體
我諗應該用黎落係蛋到
好杰身 好怪味下@@

Kaya Toast 細細件
好在佢細細件 因為都幾難食
D麵包口感麻麻地
應該係因為太薄 無哂鬆軟感覺

Kaya係假o既 山寨版黎 得個甜字 
加埋鬼死咁多牛油 漏到爆
成件多士 都唔知自己係到食緊咩

總結: 煎蛋不翻炒 Kaya要不得 奶茶可翻兜
下次打算試的組合: 厚土司 + 熱奶茶/咖啡 + 半熟蛋 

有時D野第一下感覺好有緣
但諗深一層可能就係吸引力法則
話說呢位朋友仔係我o係前公司在位其間最後一位入職o既同事 (唔計D過客)
而我前公司員工轉換率係高到
假如每位同事入職或離職都要party下
我做左咁耐平均都要每個月party一次先消化哂........
但係咁多同事之中偏偏最熟反而係最後一位入職o既同事
而我地係公司相處o既日子亦都只有短短幾個月我就quit左喇
但之後我地都有keep住聯絡 有時出黎食下飯
而我走左無耐佢都另謀高就
(我前公司可能唔係人做 所以我呢d唔係人先可以做左咁耐 XDD)
到我而家搵野做喇
有一日我interview有個字唔記得左點串就偷偷地sms問佢la
話說唔知點解o個日會sms問佢
明明見咁多份工都無用過"打電話問朋友"呢個錦囊
in完就同佢sms吹左陣
同埋同佢講過 我覺得in我o個位好似對我印象麻麻地
咁其實講完就算 覺得呢份唔得唯有努力搵過第二份
點知竟然最後就係呢份工請左我
我收到offer第一時間打俾佢 
因為咁o岩有相關工作上o既野問佢就最合適喇
然後講返佢知其實請我o個間公司就係我當日sms佢問問題o個間
本來以為衰硬 點知竟然得左 
之後講下講下先知原來大家公司係同一個MTR 先前我只係以為好近
仲係到好興奮話可以一齊約埋食Lunch 
因為反正佢而家只係自己一個食
而我同佢以前如果唔係大圍一齊食 好多時都兩個自己食
點知夜d我地又msn再傾之下發現原來我地公司唔係同區咁少野
而係就o係大家打正對面o個幢 哈哈哈
之後我就話雖然以前我有時都係坐o係你對面
但係你而家唔好好似以前咁係office大叫我 
我應該聽唔到喇
因為始終都隔左條大馬路 hahahha

諗返真係覺得好妙
話說我呢排搵工o既野好多時都係同佢講
每次聽完佢意見都會嘗試採用某D自己可以接受o既部份改變下
可能就係因為咁 所以結果我就係工作上連佢個人都吸埋黎
巧勁勁呀~~~~

諗下下一樣吸D咩返黎好呢? hehe~~~~

假如有一天我太愛別人
那是因為我不愛自己了