返工落車行幾步地下執到$20用左黎買六合彩 中3.5個字$320

之後買左30期$10六合彩 盛惠$300

可惜一期都唔中

30期唔中之後 淨左最後$20都拎埋黎買一期$20六合彩 結果都係唔中
又因為中六合彩請同事食Starbucks早餐 即係自掏腰包請同事食野
其實無乜所謂 平時請人食飯都唔只呢個數
而且兩個多月中有個小小希望存在着感覺都唔錯
不過越來越感覺到自己無横財運 下次中左小小都係見好就收😅

#SiftPatisserie #CupCake $29一件, 揀左Red Velvet同Chocolate Banana. 我揀Red Velvet係因為鐘意佢嘅酸味, 但呢個我食唔到酸味, 只係一個甜甜地嘅蛋糕, 好在頂頭cream cheese夠濃味, 否則成個蛋糕好無癮, 但個蛋糕唔酸點都無興趣再買. Chocolate Banana係面頭朱古力cream加香蕉味蛋糕, 又係好在朱古力cream夠濃味, 同埋幾滑, 不過蕉味蛋糕好普通, 同埋我唔多鐘意佢Cup Cake質地偏軟, 不過呢個純粹個人口味, 只係我自己鐘意食硬啲. 總括黎講, 味道同口感都唔係好到我位, $29一個唔平, 靚靚地試一次可以, 反正點都唔叫難食, 但唔打算再食. #RedVelvet #ChocolateBanana

罐裝咖啡首推肯定係雀巢香濃咖啡, 性價比好高, 一罐卡路里唔過百, 但糖份高到我要加冰飲, 一罐有4.5茶匙. 近來買野食配餐可以揀 #UCC #微糖咖啡 就試下新野, 點知估佢唔到好掂下, 掂在唔係味道, 而係營養表現. 雀巢已經唔高卡路里, 但佢只係雀巢嘅三分一, 糖份只有大概一茶匙, 簡直係減肥恩物!! 咁低卡, 但味道都過得去, 微糖都唔會點苦, 咖啡味唔太流, 都飲到啲咖啡香. 佢同雀巢最大分別係, 佢質地水好多, 我係唔飲齋啡嘅人會覺得爭少少, 但低卡低糖係無可避免, 無咁多全脂奶同糖自然水啲, 但整體黎講真心唔錯. 減肥唔想戒咖啡, 飲佢就啱喇. #BlendedCoffee #減肥恩物

食神伝說賣梗$12三罐
85g/ 24.05kcal/ 3.145g sugar

佢細罐啲, 變相又吸少啲卡路里, 所以實則係連雀巢嘅三分一卡路里都無, 我話三分一係化返同等份量去計.

久違的出海釣魚，出發前一天吃了過份新鮮甜美的麒麟果......拉肚子，晚上拉兩次，出門前又拉兩次，但還是超想去，問過朋友上洗手間的地方還是有的，急不及待硬着肚皮去了😅

相約早上七點半，轉乘小型巴士向目的地進發。

到達碼頭的時候還不到八點

本以為這天釣魚的地方離碼頭至少八至十分鐘船程，原來只是在靠岸的魚排活動，不過正好方便我撤退，萬一拉肚子太嚴重可先行回家休息。要是船離碼頭太遠，不好意思讓人先送我一個回岸。

早餐是火腿扒碎蛋芝味多士及意大利泡沫咖啡，其中一份餡料不小心掉到地上，小心肝都碎了💔

防曬準備必須做好，否則玩一趟黑三年......

恐怖誰都不認得了🤣

我們從碼頭爬梯落到船上，只需行駛兩三分鐘就能到達魚排。

這船是加油站

釣魚工具上場，小小的東西能玩上一天。我不喜歡用魚竿，把魚絲拋出去的動作感覺不安全，老是怕傷到身後的人，而且直接手握魚絲感受魚兒啄餌將其捕捉，才是我的釣魚樂。

沙蟲是我最常用的魚餌，雖然外表比較醜，但相對紅蟲已是"親切"。曾經使用罐裝紅蟲，一次經已印象深刻，淡紅色又肥又光滑的蟲子在蠕動......嘔心。沙蟲咬人微痛，觸碰的時候要避開它的嘴，不過真咬到了也沒大礙。不少女生都怕蟲子，但沙蟲對我來說挺好玩，以前我更無聊得把它們一條接一條綁在一起🤣把蟲子切成小段作魚餌，蟲子不恐怖，就是髒兮兮，血腥味挺重，不過正是鮮血有效地把魚吸引過來。除了沙蟲，還有死蝦作魚餌，但效果比活蟲子差多了，沒有血腥味道，魚兒啄食沒那麼起勁。

大部份釣到的都是小魚，剛開始朋友的哥哥釣到一條頗大的，不過他說應該是別人放生而來，否則不太可能出現這種大魚。

先不說拉肚子，感冒更影響我，鼻水直流，手碰過魚和蟲子髒得要命，抹鼻子超不方便，一天產出超多雲吞球🤧這天是搶票日，在已超過數據用量被限速下，人在海上仍能搶到1280的票，超爽！但這意味着轉換場地真的很多人不能去:(

這是我們的戰利品，這天有幸釣到一條大的❤
最初我們坐在船上釣魚，後來轉到魚排上，我先坐在魚排裡釣，不用被曬，但沒收鑊。後來坐到魚排邊試試看，人被曬着卻釣到立魚，這算是一分耕耘一分收穫嗎?😅

由於多是小魚，我怕拿回家我媽不喜歡處理，自己又不會弄，不打算拿了，而且朋友會把小魚做成蕃茄豆腐魚湯帶回來分享，很美味。

朋友見我怕處理小魚麻煩，還是挑了幾條大的給我❤
回家後把魚給我媽，他挺高興，我跟他說朋友拿小魚做過湯很好吃，他躍躍欲試，說下次小魚也可以給他。

清蒸海魚最能突顯鮮味，爸媽說很鮮甜，我自己倒是不覺得跟平常菜市場買到的有什麼分別😅

雖然做了全面防曬，可是真的只局限於"面"🤣，手要整天伸出來握着魚絲曬黑了。用魚排釣魚不能戴手套，必須手指直接觸摸魚絲才能感受魚餌被啄食，然後用力把魚絲一扯將魚勾住。

釣魚前除了拉肚子，其實已經整整作死一星期🙈星期一如常在大排檔大吃一頓午餐，星期三晚吃粥底火鍋，星期四晚受不住誘惑去吃全海鮮宴，搞得回家後要通宵工作，星期五沒睡過就上班。下班後晚上八點已經撐不住要睡，睡到星期六零晨兩點爬起來，整整運作24小時到星期日零晨兩點，睡大概四小時後出海暴曬8小時。最終發燒四天，請了兩個上午的病假，所謂不作死就不會死🙈

我諗有成年無飲 #珍珠奶茶 以前最鐘意飲 #天仁茗茶 但上左市之後難飲好多, 今日路過作死買杯 #913鮮奶茶 加珍珠要七分甜. 證實情況無變依然難飲, 茶味極淡都唔知自己飲梗乜咁, 只係為左咬啲珍珠而啪哂啲肥仔水 SHIT!

原來 #馬莎 無 #IcedCappuccino, 所以要左 #IcedLatte 講好飲一定跑唔贏McCafe Iced Cappuccino呢種有回甘, 但佢咖啡味都比我預期突出, 久唔久飲一次都可以, 但 #凍咖啡 有得揀我都係返老麥. #Marks & Spencer #M&S

鋪頭細細, 收鋪前三十分鐘依然坐滿人, 店員黑面, 問問題唔多想答, 勉強用最少字回覆或者扮聽唔到. 雪糕定價好高, 名氣最大應該係金箔雪糕, 但金箔其實無味, 畀成舊水食無味野唔乎合我價值觀, 我又無興趣影相呃like, 完全無諗過食. 依我所見, 成間鋪得三隻味雪糕──牛奶、抹茶同赤肉蜜瓜, 本來仲有士多啤梨白朱古力雪糕, 不過當日無賣.

得三隻味就試哂三隻, #北海道赤肉蜜瓜雪糕# 個味清得濟, 甜度可以, 但無蜜瓜嘅濃味, 唔係睇餐牌都唔知呢隻係蜜瓜味, 只係一種清清地嘅甜味, 連插住嗰件蜜瓜都偏淡口, 零特色. 呢個唔係北海道赤肉蜜瓜雪糕, 其實係畀左錢食就肉赤雪糕🤣

#源自日本京都宇治抹茶Mix雪糕# 個名真係咁長強調出處, 成間野定位清晰一致虛榮到底👏 呢個係雙拼口味, #源自日本京都宇治抹茶雪糕# X #北海道牛奶雪糕#. 抹茶味濃到苦, 不過呢個未必係缺點, 因為自己本身唔食抹茶呢種苦, 正如有人唔鐘意啤酒咖啡覺得佢苦, 但我鐘意, 所以對其他人黎講呢個抹茶味可能好出色. 牛奶雪糕真係正嘅, 佢比老麥啲軟雪糕甜, 但呢種甜係顯得佢更濃郁. 濃味按理推測應該係黎自牛奶, 但我自己感覺唔係, 個甜味又唔係純粹加多左糖, 就好似有一種糖本身有好濃郁嘅甜味, 更甜但唔係死甜, 而係香濃. 呢到啲軟雪糕夠滑, 個筒又脆, 有威化效果, 食牛奶雪糕的確係一種享受~ 單食北海道牛奶雪糕最平, 而佢亦係咱一好食, 雖然四十蚊都唔平, 但久唔久路過慢慢嘆返個可以接受, 不過其餘兩隻味賣十蚊都無興趣再食.  

如果今次黎只係食北海道牛奶雪糕我都只係會畀中評, 一來賣得唔平, 二來店員黑哂面, 但係今次食埋北海道赤肉蜜瓜雪糕太差又貴, 加上黑面店員, 劣評走唔甩.

泰國版 #Lay's 薯片, 應該係, 除非唔係, 因為佢個Logo無左s, 最尾個字又唔似y, 有所懷疑, 不過包裝有PEPSICO, 所以當佢係先. 泰國版有超迷你包裝, 如果唔係碎左一包都唔知有無十塊.......雖然一包唔夠喉, 但我欣賞佢可以止我癮又唔駛怕喉嚨痛, 一包放盡食都無問題. 試左兩包波浪薯片, 最鐘意食波浪咬口多啲, 一包係雙拼: 烤蝦+泰式酸辣. 泰式酸辣係帶甜味嘅小酸小辣, 好食, 但唔係乜特別野. 個烤蝦就無敵了!!! 勁香, 佢做到烤蝦嗰種香氣, 令人追住黎食, 可惜後來托人買佢Big C都搵唔到😔第二隻係辣魷魚味, 呢隻食落係甜辣味配零存在感魷魚, 比泰式酸辣感覺更味精, 不過薯片好難去到難食, 只係無乜特色啫. #樂事 #利事

咁細包仲要雙拼口味, 真係佢先做得出🤣

 一包得13g可能係世上最細袋嘅薯片

利事薯片一直畀我嘅印象係薄啲, 佢連波浪薯片都係薄身啲.

明明叫Hot Chili, 唔知點解走左甜味出黎, 應該叫Sweet Chili.

兩隻都係一包先70kcal, 食一包都唔駛有罪疚感.

勁鐘意食炸野, 又唔敢食太多, 有機會去泰國要勁掃呢啲超迷你薯片🤤

經常到芽莊吃飯，港九新界設有分店，當想不到吃什麼，自然會來這裡。幾年前我對芽莊沒什麼好感，自從遇上它的河粉後被迷住了，順道多嚐不同菜式，發現當初不喜歡是沒對好自己口味來點菜，所以中伏率高。現在會挑了，炸物選擇多，又有湯粉與不少牛肉菜式，選擇很對我胃口。

越式炸春卷的皮有別於中式春卷皮的口感，用的應該是越南米紙，吃起來像是咬上幾層東西，一同受壓碎開。中式春卷皮的口感則較單一實在，兩者相比，我更喜歡越式炸春卷的口感，它有更強烈的酥炸感。說實在我記不起饀料的味道，更別說放了什麼，單是沉浸在炸皮的酥脆感，已經足以奪去我的注意力😋

這盤"植物"是配炸春卷同吃，每次來芽莊都不禁懷疑自己被當作愛吃草的羊😅 大量不經調味烹煮的新鮮葉子提供，但太草了，我就靜靜觀賞好了......

這一盤植物是配河內生牛+爽腩粉，這些我倒是能用上，把它全放湯裡，可是感覺沒以前新鮮。以前只放兩三片辣椒已有很明顯的辣味，現在全放下去都不辣，青檸檬又乾得快沒汁。

生牛肉粉驅使我經常回到芽莊，每次必點，不過跟前面提及的配菜一樣，湯底不及從前出色。沒有以前的熱騰騰，味道也沒有那麼濃郁，但是當下質素還是沒減少我回頭的意欲，誰叫我特別愛吃湯粉，又愛吃生牛肉，芽莊正好分店多，位置與我靠近。

生牛肉超超超嫩滑~~~~軟軟的在舌頭上翻弄好迷人~~~牛肉的鮮味也挺明顯，味道與口感俱佳。芽莊的河粉比較厚，相對沒有薄滑的爽快口感，但是它依然是滑的，這個厚度在口感上多了一份彈性。除了生牛肉，不得不提湯面上的大量菜絲，洋蔥非常新鮮爽口，綠色的菜絲我不曉得是什麼品種，但是清新爽口又不帶青草氣，我非常喜歡！

點菜時進入記憶誤區，我竟然忘記不要點爽腩。爽腩多年前的確是最好吃，可惜吃過幾次後已不如最初，肉質傾向粗糙難咬。雖然談不上差，但價錢又是所有單拼河粉中最貴，不如單吃生牛肉粉好了。

個人偏愛熱湯粉，只有特別想吃酸甜東西的時候才會吃撈檬，這是朋友挑選的燒雞撈檬，我只吃他餘下的小部份。不知是否因為我吃的檬粉在最底下，麵條碎碎的，影響口感，燒雞也是硬邦邦。我個人來看是不合格，不過橯檬的酸汁總是無敵，粉裡加入它令人胃口大開，把它吃完毫不費力。

第一次點蘇丹王D24榴槤沙冰，入口立刻令人眼前一亮，味道超級榴槤，卻沒有我所不喜歡的原件生果榴槤帶來的過度濃膩 。面頭的沙冰綿密得像雪糕，底下回歸飲料狀態，結合甜品與飲料兩用，非常出色！

對我來說芽莊是優質越式快餐店，位置便利於我，價錢雖然比快餐貴兩三倍，但是質素成正比，人均大概一百五十，是成年人可以輕鬆負擔的價格。二人來各挑一碗粉麵，再點一個小吃就行，下單決策快，上菜速度也挺快。環境未見突出之處，但肯定比快餐店寬敞舒適，服務質素也合理。芽莊咱一的麻煩是顧客多，必須避開午飯與晚飯的高峰時間，否則等待比吃飯的時間還要長。

#馬莎 #牛角包 畀我嘅初印象係好L大隻, 但後來變返正常範圍嘅大隻, 即係都大隻但無左誇張效果. 馬莎超市裡面啲野我無興趣, 但佢沖嘅咖啡同麵包曲奇係平價中嘅高質 (p.s. 朗豪坊分店成日買大杯裝都畀唔足份量, 好呃錢!) 牛角包有佢自己風格, 表面挺身厚重, 但唔係好似Starbucks厚而un, 佢係硬淨得黎脆, 裡面酥得起, 牛油味夠香. 馬莎一隻牛賣$14, 平過Starbucks, 仲要買咖啡跟餐$35就得, 如果McCafe唔係揀細熱Cappuccino跟餐都平唔過佢. 凱斯最平, 但無馬莎咁好食, 有得揀我寧願貴啲食馬莎. 得A1牛價錢同質素有得同佢fight下, 但兩種牛風格唔同, 無話邊個嬴邊個, 兩隻都食下間唔中轉下口味. #Marks & Spencer #M&S #牛角酥

馬莎個牛袋都pro過人, 一面係紙, 一面係有窿嘅膠袋.

其他食過嘅牛都偏向鬆化軟身, 係得馬莎有挺身質感, 自成一格.

橫切面都睇到頂頭啲酥皮係利落硬淨

佢咖啡價位比Starbucks平, 而且咖啡味都算出, 不過朗豪坊間分店成日扮大杯, 我平時買幾杯放哂入紙袋無為意, 之後拎上手先知中伏, 下次一定會現場驗貨!