成日經過見好多人排隊, 勾起好奇心想試下有咩咁掂, 標榜古早味道, 但我覺得蛋糕軟到應該留返畀清朝人食先啱, 仲要濕濕地, 濕軟蛋糕真係唔多吸引. 蛋味好重但奇怪係唔香, 中間有條勁咸濃味軟芝士, 軟芝士單食堅係正, 但同個有啲甜味嘅濕軟蛋糕放埋一齊產生強烈九唔搭八效果, 分開食仲啃得落, 一齊食特別難食......

雖然幾大盒, 但其實只係海綿蛋糕加芝士條, $75一個貴。

既然係古早蛋糕可想而知無乜花巧野

除左蛋味好重同比較濕, 同一般海棉蛋糕無乜分別, 但佢蛋味又唔香, 仲要濕濕地咁, 食一般海棉蛋糕好過.

條芝士好濃味係正, 但夾埋蛋糕九唔搭八到我碟上面嗰啲都啃唔哂. 如果呢種係古早味道, 古人睇黎無啖好食, 哈哈.

星期日早上六點半不到的時候，作為消費者也談不上擁有選擇權，因為大部份食店還未營業，路上只見這家茶餐廳開門迎客，所以必須是它了。

炒蛋配蒜茸多士，炒蛋無蛋香且水份過多，導致狀態太散碎，若加長烹煮時間使蛋汁多凝固可改善。平常早餐多是配牛油多士，這裡用上蒜茸多士有點新意，但是多士烘烤情況不理想，沒有烤出來的香脆感。

這個名叫金牌沙嗲牛肉即食麵，味道不錯，重點是沙嗲汁給很多，使整碗麵充滿沙嗲香，而且牛肉很軟，適合早上還沒睡醒的時候食用😅

即食麵比一般份量大，遺憾口感不好，麵條已微脹，不爽過軟，沙嗲味道再好也因為麵條而大大失色。

奶茶有點苦澀，我雖然不滿，但大多茶餐廳做出來都有這種狀況，所以這裡說不上特別差，而且它還沒苦得令我不想喝下去。

早餐咱一令我滿意的是沙嗲牛肉，其他都有不足之處，但在清晨沒有選擇的情況下，草草吃一頓還是可以。當下情況客觀來看其實能達到合格水平，倒不至於難吃，而且定價符合大眾，但寫出來總得着眼於問題之處，所以比較多提缺點。然而，個人對食物要求比較高，即使客觀來說合格，我寧可吃幾塊錢的杯麵，也不願意再來吃早餐😅

一般人都不會路過這地方位置偏門，不近港鐵站，附近亦少有可吸引人來逛街的店，一般人都不會路過這地方，偏偏經常看見門口有好幾個人等着，使我好奇它有什麼引人之處。

價錢合理，每件四至六元，同類食店大多都是這個價錢。

這裡的食物多是即點即煮，除了韭菜窩貼剛好有四隻剩下來，其他都需要我們等候一會才送上。先來四隻不熱的，不熱自然味道大打折扣，還沒吃已知沒驚喜。後來再點一份生煎鍋貼，員工立刻給我們做，吃起來還是沒有驚喜，就是一般的窩貼，完全不會難吃，但皮與肉餡都沒有令人留下印像的特點。

生煎包我們共要了八個，四個面頭放芝麻，四個放蔥，我只吃了其中一種，餐牌上亦只見一種生煎包，不知道兩者是否真有區別。我對生煎包挺失望，皮頗厚，煎過後表面做不到乾脆，蒸包感覺比煎包強烈。

上海菜肉雲吞味道偏淡，香不起來，皮與餡同樣沒見得比別家出色。

小籠包超多汁，我一口咬下去，噴得褲子上都是，足以證明它汁量驚人。即點即蒸，所以肉饀是被包覆在超熱的湯汁裡，蘸上一點醋提鮮，味道可人。可惜它的皮不夠薄，口感有些過於笨重，所以它是當天最好吃，但並不是表現面面到位，不過若是人在附近還是願意再吃一次小籠包。

整體來說，質素不見亮點，比它好吃的我能想到幾家，但是它的價錢合理，若然人在附近，當天又不想吃飯，以這個當主食轉換口味也可，但絕對沒必要特地過來。我們當天四人來吃，發現門前有收起的桌椅，我問店員能不能坐下來吃，他爽快給我們佈置好，店裡的食物又是即點即煮，因此我們可以坐着享受食物最熱的狀態。食物味道的確有欠，但即點即煮使熱度在最佳狀態有加分，而且能立刻坐下來享用有令人增加好感，中評還是可以的，但再次強調絕對沒必要特地過來吃。

極少於早上來到這區，想"食好西"咱有在網上找資料，找到這家隱世茶記，門口沒有招牌，車子駛過兩次也確認不到它的位置。我單憑藍色一點估計是這裡，可是門是關上的，也沒有門把讓我拉開，我弱小無助用指甲試圖抓開它也不行，直到侍應來開門，我才獲救😅

我是被網上厚度驚人的蛋牛治照片色誘而來

現場所見不如照片震撼，但是厚度的確比一般茶餐廳高出不少，多士烘烤得宜，炒蛋質素亦達中上，但是嫩滑程度與蛋香仍有上進空間，不過當下表現已足以讓我回頭。咸牛肉正常，就是平常罐頭裝的味道，這種東西在哪裡吃都沒有明顯差異。

熱奶茶有模有樣，沒有苦澀，以當下大多港式奶茶都難喝的情況下算是較出色。雖然茶香仍有欠，但如有機會再來，我還是要喝熱奶茶。

這家茶餐廳食物選擇特別多，除茶記一般常見選擇，還有辣雞煲、冬陰功、肉躁等等，它是我見過最多食物選擇的茶餐廳，可惜地點離我活動範圍太遠，否則可以成為我的飯堂之一。

大角咀是一個沒有地鐵直達的地方，不免給人感到一點陌生的感覺，但是近在太子的它靜中帶旺，區內更有不少美食。

星域酒廊是我其中一個喜歡到訪的地方，酒廊位於三十樓高層，居高臨下觀賞一片石屎森林，產生在亂世中放空的感覺。

大角咀相對人流不高，酒廊少有滿座情況，入黑前更是接近無人。這裡有一點美中不足，又影響甚大的問題，椅子硬得很，全以直線設計，形成角位，非常不符合人體工學，坐久了屁股痛。

晚上萬家燈火成為石屎森林中的螢火蟲

於高樓隙縫間可窺見一點點海景

先來一杯Kronenbourg 1664 Blanc，Happy Hour時段$78，正價時段則要$108，以啤酒來說$78稱不上快樂時光吧😆 它的味道清甜，啤酒苦味不明顯，我平常差不多當它低糖汽水來喝。啤酒味道早已固定，跟餐廳質素關係不大，所以我注意是餐廳處理啤酒的手法。這裡所有飲料以膠杯盛載，杯子也沒有冰過，比起使用玻璃杯，啤酒更快不冷而泛起苦澀，而且沒了啤酒拿在手中的沉甸感，總覺得欠缺一份豪邁爽快。

點了龍蝦小食拼盤套餐，包括兩杯Mojito Cocktail，第一杯要了Ginger Mojito，酒味全無，要是沒看餐牌，真不知道它是雞尾酒，只把它當作手調汽水。它的甜度沒有超市汽水的高，薑味頗輕，整杯飲料味道很平。

第二杯是Grapefruit Mojito，這杯比較好，酒味與西柚味明顯多了，雞尾酒的質感回歸。然而，西柚的糖漿甜度高，多喝幾口感覺比汽水還要甜，我向侍應要了一杯冰邊喝邊加進去才緩過來，結果一杯飲料被我開成兩杯，自製買一送一😅

這個所謂的龍蝦小食拼盤如同Ginger Mojito說酒沒酒味，它說是龍蝦卻沒龍蝦味，就連龍蝦殼也見不着。

其實餐廳並非明目張膽欺騙，沙律給的是香芒龍蝦沙律，發揮狗仔隊的查證精神能夠發現幾絲龍蝦肉埋葬其中，至於龍蝦的味道早已掩沒在沙律醬與雜果裡。若不追求龍蝦的存在，當它雜果沙律來看挺不錯，沙律醬給很足，味道濃郁，而且我喜歡沙律加入椰果，既滑又彈，有嚼頭。菠蘿與青瓜也是我愛的配料，菠蘿多汁，青瓜爽口，其它不同蔬果粒亦能增添口感的多樣化。

這個號稱芝士薯角配龍蝦汁的東西不知哪來龍蝦汁，芝士薯角目測只是灑上沒有芝士味的芝士粉，薯角也沒有炸出來的香脆口感，不過是外皮上了一層金黃色。質感乾得很，只好多塗蕃茄醬來濕潤它，或夾着菜絲同吃，否則啃不下去。

拼盤之中最好吃是日式芝麻雞翼，雞翼非常熱，外皮香脆，內裡肉嫩，微微的甜味格外誘人，下次來必定再點。

每次來這裡我都不求食物飲料有多高質，但求一個寧靜寬敞的環境，得以在繁忙壓迫生活中喘一口氣。即使了解到飲料與食物的不足之處，價錢有點小貴，但是在沒到難吃難喝的程度，偶爾還是過來放空一下。如果不喜歡飲料以膠杯盛載，可選擇Bottle Beer，而且味道早已固定，不會碰到手調雞尾酒太甜或太無味的情況，當然前提是要喜歡喝啤酒才行，這點我可是有優勢。食物方面，除了薯角比較差，沙律味道其實不錯，雞翼更是令人回味。然而，這裡的消費水平不算溫和，椅子又硌人屁股，而且哪有酒吧用膠杯呢，中評吧。

今期迷戀 #牛角包 #McCafe 朝早買$14細Cappuccino加$11就可以換到一隻牛. 先唔講好唔好食, 近年換左有撕口錫紙袋簡直膠到震, 袋中間有虛線畀人”容易”啲撕開, 但條虛線唔夠虛, 就算好小心都撕到一忽忽, 撕嗰陣又搞到麵包碎落雪……仲有個袋唔入得微波爐, 凍左想返熱又要換落碟, 就咁入落紙袋食嗰時推出黎咪已經做到方便手效果, 簡單繁雜化😑買嗰時店員會拎去壓返熱, 所以隻牛扁扁地, 但熱左表皮都係唔多脆無乜酥皮效果, 不過牛油味比麵包重, 食落係香過麵包, 但香過麵包唔等如好食過麵包, 因為佢係一隻無餡又質感唔多酥嘅淋牛角包, 食呢個都係揀有餡牛好啲, 當返一般麵包野算. #牛角酥

其實唔明用錫紙袋有乜好, 都已經現場整熱左, 唔通仲預你拎返去焗爐整熱咩.

扁扁的牛

軟軟的心

成日獨孤一味食 #HARIBO 熊仔糖, 近來發現多左隻好食, 不過之前唔見超市有賣, 而家終於有喇! #FruityBussi #果汁流心軟糖 雖然佢賣點係中間有jam流心, 但我鐘意佢係因為透明個層糖仲硬過熊仔糖, 堅好嚼! 個底係雞蛋軟糖蛋白部份嗰種淋淋地, 雖然個底唔係好吸引, 但有透明嗰層一齊食就唔會覺得淋. 一包有三隻味: 紅桑子/橙/芒果, 最好食係橙味, 隻味最出, 橙得黎仲有啲疑似檸檬味. 紅桑子同芒果味就食唔出係紅桑子同芒果, 紅桑子完全無酸味, 亦一啲芒果味都無, 根本講唔出係咩生果, 而且幾甜下, 不過為左可以喪嚼, 會忍唔住係咁食食食😅

$12.9一包, 買兩包平$6.9, 兩包可以唔同款, 即係$9.45一包.

100g/336kcal, 一包我應該分到三四次食, 即係每次大概食100kcal, 感覺一啲都唔過份😅

排排坐,食糖糖~~

紅桑子咬開後個樣幾適合萬聖節用👻

唔好話食唔出芒果味, 睇包裝上啲公仔都唔肯定, 芒果都只係勉強生到又橙又黃又青, 我係見成份有出現過芒果隻字先對號入座.

初時我以為係檸檬味, 因為酸酸地, 睇圖見係橙再嗒真啲又覺得係似橙多啲.

平時飲維記鮮牛奶多, 但個味好似越黎越淡, 所以試下 #北海道特選3.6牛乳 多數食甜品先會遇到佢, 真係買黎飲第一次. 如果肯買一公升($30.9), 其實兩者價錢只係差三四蚊, 無買細盒價錢差得咁誇, 不過買一公升麻煩在要連住幾日喪飲......老老豆豆3.6真係飲得出濃味啲, 但話奶味超香又唔算, 而且佢係常溫保存可能品, 即係用UHT消毒法, 營養無咁高又無咁新鮮 (除非買嗰時仲有好L長食用期限), 所以畀多幾蚊好味啲, 但同時失去啲營養抵唔抵好難講, 而我就視乎嗰期有冇可能喪飲奶而決定買邊種, 如果打算連飲幾日都會轉下口味飲3.6. #牛奶 #鮮奶 #Milk

其實啲超市好賤將可以常溫保存嘅奶放入雪櫃同啲鮮奶擺埋一齊扮新鮮😠

完全睇唔明點開口先可以收返埋, 跟虛線剪完點整都有個窿, 咱有拎保鮮紙包住上身三分一再用橡筋綁住, 好麻煩😑不過Google左呢種奶係要點開口, 我諗下次應該可以做到圖中效果掛......

其實啲奶唔到脫脂, 低脂全脂定係3.6卡路里都唔會有明顯差異, 但味道分別幾明顯, 除非低脂大特價, 否則只飲全脂, 脫指就算好平都唔會買.

#家樂氏 #香甜玉米片 偶爾會忽然買一盒($25.9)密密食, 但食完一盒可能兩三年都唔會食😅必須食本身有甜味嗰種, 原味太dry唔會買, 但又唔多鐘意朱古力味. 通常都係同奶一齊食, 但唔會一次過倒哂落去, 放少少食完再放, 唔鐘意浸淋哂, 口感一定要脆脆地. 雖然食呢個有時當一餐, 但其實係當佢零食咁食, 好似炸野食咁, 所以有時會齋食乜都唔加, 緩解下想食薯片嘅心癮. 齋食雖然甜味唔弱, 但食得多都唔會漏, 佢令我諗起旺旺雪餅, 又係甜甜地個面凹凸不平. 加左熱奶去浸會脆得黎有小小煙韌, 口感幾得意, 仲有杯奶痴左粟米片啲糖就會香香甜甜~如果用凍奶粟米片唔會點淋, 不過糖溶唔到杯奶就無得變甜, 所以有時我會凍食哂啲粟米片, 然後蒸熱淨返啲奶飲😎 #Kelloggs #粟米片

我係到諗點解叫東尼香甜玉米片, 係咪隻老虎個名, Google出黎果然係, 隻野叫東尼虎.

有傳聞家樂氏當初發明粟米片目的係幫人戒J😂

一盒分八次食, 每次113kcal, 加埋奶大概250kcal, 其實同食個包差唔多, 唔見得食粟米片可以減肥, 純粹係想轉下口味, 唔駛早餐成日食包. 

有時想熱食粟米片要先整熱啲奶, 早餐搞呢樣野就無食包咁方便, 但如果當晚餐就覺得快靚正, 所以同一件事唔同時候都有唔同觀感.

佢整大塊啲當薯片咁sell應該有市場

平時唔會放咁多, 為左張相好睇先倒多啲🙈

這天心血來潮想要吃豬潤麵，本來想過吃維記的，可是想到那咸得有點過的湯底卻步了，接着想起民華也有賣豬潤就過來。之前幾次光顧都點牛肉麵，一直沒發現豬潤已經消失，向服務員詢問才得知已經沒賣大概一年，可是人已經坐下來也不好意思直接走掉，所以點了鮮茄牛肉麵。

常餐的永遠配搭是餐肉炒蛋和即烘牛油多士，這裡的即烘牛油多士特別好吃，用上厚厚的麵包，口感飽滿，麵包又烘得火候恰當，表面脆脆的，咬起來有酥化感，而且牛油給很足，滿口酥香。午餐肉這種東西則是天生好吃，味道統一，差異微，與餐廳質素沒什麼關係，在哪裡都是差不多的好吃。

炒蛋質感綿滑，可惜有些咸過頭，雞蛋的鮮香被稍微壓下去，為什麼近來光顧的茶餐廳都把食物做得比以前咸😑 

鮮茄牛肉麵的湯底讚在濃稠度高，可是這天稠得有點過，不過依然在合適範圍，只是水多一些更順口。味道保持着過往良好質素，蕃茄味道濃郁且帶有一定程度鮮甜，同行人可是把湯底全喝光😅

牛肉質感真實，沒有感覺到牛肉被生粉處理過的假滑，這做法可是在茶餐廳很常見，當然也許是放了只是我沒吃出來，可是我感覺不到已經足夠。在沒有假滑幫助下咀嚼也不起渣子，牛肉切成薄片有助營造軟嫩口感，以茶餐廳來說口感不錯就好了，不追求牛味是否濃郁。

之前我特別喜歡民華的即食麵，麵質爽口有嚼頭，可是這次嚼頭仍在，但沒以前爽口，從外觀來看也比較膨漲。

凍奶茶巨差，雪水味道太明顯，茶味極弱，還帶死甜。死甜的意思是甜味並不是跟其他成份結合起來後的甜，而是很單純喝到糖水的甜味。前面我說炒蛋有些咸，湯底稠得有點過，或是麵條不夠爽口，這些都是從正面的基礎上求進步，食物本身已經處於良好狀態，所以我不會因為那些原因把評分降級，咱獨凍奶茶真的讓我過不去，要把餐廳從好評降至中評。民華是我經常光顧的茶餐廳之一，我認為食物仍屬不錯，日後還是會再來，也會再點凍奶茶看看有沒有改善。