#CJ紫菜味湯飯 真堅係飯黎, 成碗密封左係到, 個紫菜湯似係麵豉湯啲friend, 呢個組合其實即係琴晚食淨左碗隔夜飯係雪櫃, 加埋屋企好日都唔拎出黎o既即食麵豉湯煮左佢, 咁簡單o既組合好難會難食, 味道係唔錯, 但$21.9值唔值就見銀見智了. 佢生存空間應該係當一個人通頂做野未食晚飯好很攰唔想搞咁多野又無乜謂口但又想湊米氣暖下胃, 呢個時候就係體現呢$21.9o既價值.
真 ‧ 飯
雖然係紫菜湯, 但嗰啲綠色一塊塊唔係叫昆布/海帶先啱?
以可以即食o既野黎講又飽到肚, 佢都算係低卡了.
可以用微波搞佢, 但今次選擇開爐煮重佢米.
一包湯汁+一包昆布+一碗白飯=簡單而奢侈, $21.9
唔好成日以為日子仲有好長, 當你諗住包昆布仲可以擺下先, 其實你碗飯可能已經不知不覺過左期XDDD
粒丸係自備, $21.9唔包架, 就係為左煮佢先開爐.
成個家郷得呢粒野係見得下人, 爽彈到無朋友o既手打魚蛋, 除左佢上面真係無啖好食_(:3 」∠ )_
全站熱搜