#SAMYANG三養蜜糖芝士味碗麵 今次食蜜糖芝士味, 我太天真以為蜜糖芝士就唔辣, 原來都係辣o既, 只係無Fire Chicken咁辣("≡ _ ≡)食呢個有少少麻煩, 佢個調味料唔係好似Fire Chicken液體狀而係粉黎, 所以唔可以倒哂啲水, 我無睇指示以為做法一樣, 後來覺得唔對路睇返指示先知要有水. 但啲水唔易控制, 少水太濃味又漿粉, 一路食續啲加左幾次水先算啱feel返, 但個麵已經食左一半......麵質依然正, 但味道無Fire Chicken咁好食, 首先完全食唔出蜜糖芝士味, 然後粉開出黎o既味硬係膠膠地, 嗰種化學同味精感覺特別突出, 總之就係隻味同個麵做唔到天人合一, 哈哈哈. 不過咁講, 佢麵質好食, 個味不至於差, 只係唔算正, 加上辣住可以掩蓋一部份味道上o既問題, 所以水平同食個出前一丁差唔多啦.
而家七仔仲係做梗$19.5兩件, 可以兩件唔同味.
蜜糖芝士只係一個傳說
眼不見為淨, 當睇唔到.
比Fire Chicken少10g, 同少左5 kcal咁大把, 留意第三步要留十匙水, 老細隻匙幾大先.
就係左手邊嗰包睇落得丁屎咁多o既油搞到個麵咁辣, 唔好以為佢半透明好溫和, 一包少少地辣味已經好出, 只係無Fire Chicken咁辣, 平時會食下辣野o既人一定handle到, 唔食開o既RIP.......
三點三(AM)啤酒與杯麵, 好宅好毒XDDD
水同粉撈完又撈都係去唔到最perfect狀態, 只係叫做OK.
麵質好係佢o既優勢
全站熱搜