#SAMYANG三養香辣雞肉味碗麵 呢個辣麵紅左咁耐見七仔$19.5兩件終於買左, 包裝上多左隻Fire Chicken唔知同經常見開嗰個(即圖一)有冇分別. 睇challenge片個個食到被人爆菊咁, 不過我唔想貼錢買難受, 係見唔少人話佢好食麵質正, 所以包醬只係落一半多啲, 仲自家製定左杯芒果橙解辣, 雖然個杯好唔自家......個麵真係堅好食喎, 浸左5分鐘啲麵淋左少少但仲好煙韌, 下次可以浸3分鐘改善. 紫菜碎同芝麻好香, 如果畀多啲就好喇. 個辣真係堅辣, 但帶住少少甜好鬼惹味, 而且好辣食得快一個唔夠喉, 食多個又唔想, 一個105g已經425kcal, 下次再放少啲醬, 無咁辣慢慢食應該仲正. 食完嘴唇發大1.2倍, 不過飲完芒果橙已經消左大部份辣, 再口痕食塊朱古力就完全唔辣lu. 淨左啲醬唔捨得丟, 拎左黎撈米粉吊下味都唔錯. 我諗以後會經常用佢取替印尼勞麵, 唔駛自己開爐住或者出去買就食到, 而且呢個仲好食添(✪ω✪)

終於排到食你(ﾉ>ω<)ﾉ

個雞樣好抵死下(*ﾉ≧∀)ﾉ 

一個麵105g已經425kcal, 好食o既野永遠同卡路里有路......

包醬同個麵一樣咁重要, 不過背後o既紫菜同芝麻都係幕後功臣.

自家製外賣自己飲芒果橙（´◔౪◔）

同個嘴上色

煙煙同韌韌

留返下半場用

得返咁少醬其實唔多覺辣, 但吊下味都唔錯( *• ̀ω•́ )b