今日真係用盡左整整一日
星期六 早上半日如常返工
放工即刻去左M記 原來而家M記有玉貴狗D野換
每款只係8蚊 討厭儲野o既我都換左隻
因為又靚又得意又平又實用
覺得真係物超所值 買到正野好happy~~
買完個餐但只係食左半盒薯條就打包哂剩低o既野
因為趕住一點八睇盜墓迷城3
好耐無入過戲院
但其實我都幾鐘意係戲院睇戲
因為係戲院睇個feel真係會正好多
套戲差極會有限
情況就好似熱辣辣o既野食
難食極會有限 哈哈哈~~
所以D人話盜墓3好差 我又唔覺
我覺得都OK 係不淪不類左D
但音效都做得幾好
至少我打包左D野食入戲院
會掛住睇戲而最後成個包無食過
所以證明套戲唔算太差 haha~~

睇完戲之後即刻入左東涌 去左個會所打左2粒鐘羽毛球
幾年無打過 細個仲要係好少打
但我竟然覺得自己打得好過以前好多
hahaha~~好神奇~~~
我本來仲expect自己係走唔郁打唔中
但原來唔係~~~ha
久唔久運動下真係幾過癮
個人打完都會輕鬆返~
而且過程亦都好搞笑~~
不過東涌個環境真係relex D
連個商場design都會做返休閒feel
行遠D 離開市區 果然係唔同好多

之後打完波 沖個涼之後 仲要去大食一餐
龍蝦 鮑魚 魚翅 海斑 乳豬 好多好多.....
個壽包最可愛 好大好大個 仲要一大籠熱辣辣上
好得意 好好味~~~~~
仲有D餅仔都整得唔錯 但係已經太飽 食唔到好多

但全日最正o既一點係
成日連玩連食連車費仲要連埋換王貴狗都駛唔超過五十蚊
呢一點先係最happy o既原因~~~~~~哇哈哈~~~
我要實行我有得玩有得食用得少錢o既宗旨!!!!!!!!!

不過凡事都有代價 就係攰到個人散哂
第二日周身骨痛 隻手無哂力
我仲搞到打爛左係澳洲拎返黎o個隻杯~~~唉~~
覺得好唔捨得 話哂佢係澳洲陪住我
我通頂趕功課捱夜飲熱咖啡都係用佢
而家打爛左 好sad
個殘骸唔捨得丟 睇下仲有冇得救
覺得自己自從返左工真係笨左好多
成日撞到自己周身傷瘀哂
仲要唔係瘀少少 係幾嚴重下
有幾個人已經叫我去驗下眼
佢地話我可能近視所以成日撞到野
但係我又覺得自己睇野好清楚
真係唔似有近視
如果我對眼真係有問題
我覺得唔會係近視或遠視
頂多會係老花..............= =

不過人蠢就係蠢
邊到有得賴近視
我蠢我認

今日又係出糧日 終於係整整一個月o既糧
象徵式俾左一千蚊阿媽
阿媽好好人 佢問返我有無錢洗先
如果唔夠洗就叫我留返自己用
突然覺得自己搵咁少錢有D過意唔去

自從做左野意識到自己係一個窮人
身家已經見底
諗返轉頭 都唔多記得o個十萬洗左去邊
我諗不外乎都係飲下食下 買下野 去一兩次旅行
唔見得做過D乜大事 但係錢就已經唔見左
但係我無後悔 反正錢本來就係要黎洗
我雖然唔太記得D錢用左係邊
但同時我亦記唔起有邊次洗左係唔應該洗o既地方
除左o個一次 但當買個教訓
而且又唔係真係去到咁差 
不過我一定唔會再俾自己有下次
所以可以算係洗得無怨無悔
再且而家又未到要憂柴憂米
錢財身外物 何必太在意

曾經有D人問我點解咁多錢洗
我成日都會笑笑口話俾人包起左
唔知有無人真係信
但如果有人信左真係要驗驗眼同IQ
因為邊有人咁肯蝕底拎錢黎包我D咁o既質素o既人
如果真係有 唔該快D介紹黎
不過係我個人立場黎講
呢十萬應該都算係唔見得光o既地方黎
但每一件事終會有佢o既代價
只係差在你願唔願意負責
同幾時及咩方式去償還
但係呢十萬我本來就唔係為左吃喝玩樂而籌備
佢係助我改變自己整個人生o既踏腳石
最後胎死腹中 錢還在手 
倒不如吃喝玩樂去罷
不願再想太多

不過積蓄防飢好重要
所以由而家開始我要將每一蚊 每一分資源
都要用得其所 儲返D錢返黎
不過我係一個唔主張慳錢o既人
因為我相信錢唔係慳返黎 
而係因為懂得運用錢而生財
如果一件物件經過計算所有tangible cost及intangible benefit後
真係值$1000
我絕對唔會為左要銀行戶口個銀碼保持不變
而唔買呢樣野
如果錢能夠買到快樂 我覺得已經係物超所值
因為對我黎講 我o既快樂實在太罕有
而且我覺得一個人如果去到無錢旁身o既地方
好手緊
真正原因唔係單單因為佢買野太多
而係因為佢無將一蚊當成一蚊咁洗
即係佢總係用一蚊買左只係值五毫o既野
呢種洗錢心態先係真正致窮o既原因
所以我o既target係 
一係就保持生活質素依舊但係用o既錢少左
如果唔係就用o既錢係一樣咁多但係生活質素上升
我唔係單單追求要慳多D錢
我覺得有好多野 用下腦花少少心思 安排下
Make and Match
同樣可以用好少錢就做到好多野
呢個世界其實存在著好多種玩法
但同時又會萬物歸一
兩者並列但絕不矛盾

D失物都差唔多返哂黎
但係o個兩隻夾同個正小人吊飾
真係影都唔見
我已經節哀順變
搵日得閒同佢地做場法事就算

今日公司難得無咁忙
其實仍然係無停手 
但係至少可以放慢少少黎做
我覺得而家係響到挑戰自己
呢份工其實真係無乜要用腦o既野學
唔似D Finance野咁
但學習係無處不在
我係到練緊點樣面對堆積如山o既工作
遇敵殺敵 黎一件殺佢三件
泰山崩於前而面不改容

今日D文件都差唔多俾我殺哂
走時一個email 都無剩
視每個麻煩為一個學習機會
個人都即刻鬆返好多
聽日我要連個底都清埋佢!!!!!!
然後再來兩個Meeting

講起Meeting真係變態
今日表小妹唔得閒話要改聽晚
但係聽晚o個4條友話約左食私房菜
然後珍妮花小姐問我聽日得唔得閒
最後我決定聽日放工即刻去搵表小妹
然後再趕返落太子食私房菜
珍妮花小姐就改星期四
但係我想星期五請半日假先見佢
然後星期四晚就可以搞埋星期六D Preparation
但係我好似樂觀過頭= =

仲有公司D meeting又係喪o既
我黎左做一個月之嘛 已經搞過幾個meeting
詳情如下:
6/7 海洋公園
8/7 朗豪坊Buffet
18/7 中菜兩圍
2/8 羽毛球 + 唔知乜(呢個下半部仲未firm)
然後黎緊九月或十月會全公司去旅行
但係我無個個都Join因為有時自己咁o岩唔得閒
大部份meeting都係公司出數
就好似黎緊旅行都係公司俾
雖然我人工唔高 但係如果你真係enjoy o個d meeting
其實都幾So

好多野做 所以身體好累
然後開始感冒 但係好似有越戰越勇o既感覺
好似搵返以前讀書o個種feel
就係響緊迫有限o既時間下仍然可以完成大量o既工作
用僅有資源再憑自己就可以成就大事
係時間與時間之間的隙縫處 爭取時間再多做一件事
當回頭一望見到自己原來可以係咁短時間
完成好多件事 每一件都做得唔錯o既時候
這就是一種滿足感
不過其實我做o既野都係生活上o既瑣碎事
就好似諗下一日之內點樣又返工又去兩個meeting
然後仲可以再去shopping
好似好無關重要
但係如果做到我會覺得自己好勁
哈哈哈~~~呢D就叫在平凡中尋找不平凡

今日返工又係忙到癲
仲嚴重過之前
但係就無之前咁攰
可能因為星期日狂訓 所以頂得住
但係放工仍然俾人揸乾哂
所以又呆下呆下

放左工落旺中買野
我一邊拎住個電話傾 又拎住個columbia水樽
樽水仲要係滿哂 成六百ml
個蓋未整實 點知係人地鋪成枝水跌左落地倒瀉哂
真係勁唔好意思 我即刻收線 勁say sorry
個店員好人到爆炸 佢無話我之餘仲係咁同我講唔緊要
只係水黎 唔駛介意 安慰返我轉頭
然後佢去左隔離鋪借報紙索左D水佢
我都想係佢鋪買返D野 但係我真係睇唔o岩
如果我有野覺得ok 貴d我都會買
佢o既服務態度已經值得我係到洗錢
可惜我睇唔o岩 最後say多幾次sorry先走
唉 我真係覺得自己好唔掂
好似做左份工之後人都鈍哂咁

我將呢件事講左俾兩個人聽
佢地都有一個相同反應
就係話 旺中D sales竟然都會咁好人?
我唔知旺中sales係唔係真係大部份都好差 
難道真係我近來咩衰野都會逢凶化吉
唔知道 不過o個位小姐真係好好人
而我都好好彩 但又好沮喪 因為覺得自己太唔小心喇

近來其實又真係衰唔哂o既
雖然每日都有好多唔好o既事發生 
但係都會安然渡過
今日我係公司終於與我o既Miss Schedule重逢
呢兩日真係好鬼掛住佢 
佢係我o既淫賤小秘書

而公司有車車小姐幫助
佢真係一個又靚又有耐性又做得野o既人
公司o既野問佢一定解答到
而且佢又好有耐性教人
仲有真係好多謝佢自告奮勇 頂力相助
幫我解決左星期六個私人大難題
雖然唔敢講以身相許 (咁即係益左我)
但係得人恩果千年記 
有日還到我實還

仲有表小妹o既贊助 又係唔話得o既
真係好一件Sweet Heart
正o既

但呢兩個WeeK真係放工都超忙
一來澳洲sem break 有D人返黎
有D人又就快返去
二來又因為要搞Extra Long Working Day D野
又因為呢件事 無端端好多十世唔見o既人蒲頭話要gathering
仲有好多可以自願性參加o既gathering 如果你要去可以join
不過真係無能為力 好累
o岩o岩o個個星期日已經推左個約 係屋企訓死左
星期二就要去搵表小妹
星期三兩個booking 撞左
兩個我都答左話應該ok = =
但其實我係等聽日 邊個打黎先就firm邊個
另一個就再改去星四..............
星期五就緊係乜都唔可以做要早訓la
星期六就係ELWD 唔知會唔會做到pk
星期日一定要休息 如果唔係會人都癲

或者好多人以為我好多朋友
但係佢地有時就好似病菌咁
只會突發性係唔適當o既時候集體性攻擊你
但係過左之後就會好似一個完全斷尾o既病
無疾而終
但可惜朋友並唔係真係病菌
消失左 唔係快樂
而係無奈

話說有日同fd行街 經過一間寵物店
眼前突然有對情侶飛咁快走過
然後企係寵物店門前o既寵物櫃睇小動物

當我離寵物店有返咁上下距離
確定o個對情侶聽唔到我把聲
我就拉左身邊個fd過黎 然後大笑
我同佢講 我呢世絕對唔可以做寵物店店員
佢問我點解
我就將剛才見到o既情況話佢知
剛才o個對情侶係我地側邊行 大概離我地五、六個身位
佢地兩個當時無拖手
但當個女人發現寵物店時 面部表情立即以迅雷不及掩耳o既速度扭曲
佢o既五官突然好似發生異變咁拿埋一住  兩條眉皺哂
豬長個咀 然後一手Q住男朋友手臂沖埋去
個情況就好似佢食左一粒會另人HIGH o既變身酸梅
然後對住d小動物嗌好得意
我話呢個打擊太大 
我抵受唔住 每日要見到幾十個會豬長個咀
五官拿埋一住o既女人沖埋黎
個打擊太震撼
日日要咁過我會覺得人生即刻灰哂

我唔明點解D女人一見到小動物就興奮成咁
興奮下係好應該
但係佢地o既相同興奮方式己經多到可以作為典型式
就係個樣一定會好似食左酸梅咁
仲係一粒會令人high o既酸梅
本來正正常常行緊街 但係會突然變身
然後一定會係男朋友面前撒哂嬌
個個變哂低能 把聲壓哂喉咁偏高音 
講哂疊字 我見到會

不過正確黎講 我唔係唔做得寵物店店員
我只係唔做得有毛o既小動物管理員
因為D女人通常只會對住D有毛又細隻o既動物先會變身
所以我可以做其他類動物o既管理員
例如黑熊管理員
我斷唔信如果我做黑熊管理員
佢地又肥又大隻 個樣凶神惡煞
口水狂流
都日日仲有好多女人"梅"住個樣 
豬長個咀high哂咁沖埋黎 
如果係咁 我會幾欣賞呢個女人

近來好失魂
成日唔見野 漏野 做錯野 睇錯野
講錯野 打錯野 諗錯野
又或者諗唔到野

返工之前去禁錢
但係我入左張credit card落去都唔知
之後入左兩次pw都唔得
唔敢再試 拎返出黎先知o個張唔係EPS
之後再用張EPS拎錢
我禁完機 拎返張咭就走
企左係匯豐門口發呆
然後有個女人應該係菲傭 走出黎
佢D廣東話好好 
佢手拎住三百蚊 問我剛才係唔係禁完錢
我先知原來自己無拎錢就走人
個女人真係好好人
但係我同佢講唔該o個時仲係呆下呆下
唔識反應

之後今日仲發現唔見左本schedule
唔知係唔係留左係公司定係老細車到
要星期一先知
如果兩個地方都唔係咁我就pk喇
裡面仲有張六合彩
如果中左先黎唔見
我真係要去還神
竟然俾個咁大整蠱我!

但係近來好似總有貴人相助
所有麻煩都會有D唔熟o既人突然出現幫忙
就好似唔記得拎錢
但係又會有個女人拎返黎俾我
所以都覺得自己好lucky

快樂不是因為擁有的多 
而是因為計較的少

今天他叫我傻傻地的時候
我恍惚起來
突然想起你以前總喜歡這樣叫我
然後我會說你是嬲爆爆
而我稱呼他為低低地

傻傻地 低低地 嬲爆爆
沒有交叉點的三角關係

公司平常就已經很忙了
但是近期更是忙得變態
這讓我產生了一個念頭: 這樣的工作還該做下去嗎?
我現在根本就沒有精神做工作以外的事情
但是我又想 是不是我太沒用了
或許對別人來說這樣的工作量根本就不算什麼

我不知道

但近來不單工作很忙
連下班後也是忙得變態
每一天下班後總有要去的地方 要做的事情
這個星期的七日都排滿了
每一天我都告訴自己
撐過去 撐過去
即使累 即使忙
也要用享受的心情面對它
但是今天我真的不行了
公司內的工作已經很多
突如奇來又被派去灣仔拿東西
下班已經很累
但我還是想著要撐過去
所以下班後立刻坐地鐵到太子
但是走到聯合廣場我根本已經走不動了
腳痛到不行
只好打電話給某人
告訴他我必須現在坐的士回家 不能應約
但是我站著的地方根本沒有的士經過
走不動 只好再打電話給那人想請他來幫忙
可是他也一時走不開 要讓我等十分鐘
但是我等了一會兒 還是想自己慢慢柺著出去好了
不想煩著別人
我柺著走 路過的途人都看過來
突然覺得自己像殘疾人士

疲累的身驅把感情活活淹死
對於過量的勞動 沒有讓我情緒更低落
我累得連感覺的力氣都沒有
今天也許很倒楣
早上在雪櫃內打翻了飲料
錯過巴士 要坐的士上班
又忙 又被人派出外
腳受傷了 夾不見了
剛才還發現在新加坡買的吊飾不見了
那是一個人手製的木吊飾 
它代表幸運
我很喜歡 這是我唯一在星加坡買的東西
但是不見了 難怪我今天這樣不幸運
可是我一點都不難過 
因為我累得連難過都不能 
眼淚跑出來
可是我真的不覺得悲傷
所以它不是眼淚
這不過是淚水
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
>>>>>>>>>
還有 
今期六合彩 竟然沒中

我用對別人的愛、祝福、仁慈、體諒和寬恕
來懲罰自己 
反映自己人生的悲哀

你說你無法送我出嫁
但最後我卻做到了
因為當別人給我更多更多的冷漠
這會化成我對自己更多更多的狠心
我說過
當我有一天更愛別人
為別人付出更多
那是因為我越來越不愛自己了
所以我想要在這裡陪你走到最後
緊緊的站在你身邊 照顧你直至最後一秒
見証著你成為最幸福的人
然後把你送走

我總以為自己給了某些人很多寶貴的感情
但最後其實無人珍惜
有時候我想要知道
自己到底賤在哪裡

今日好似做左好多野
早上七點起床 
然後扮下靚 食早餐
八點九先出門 以為要撘的士
點知又俾我見到巴士 又可以慳返
其實而家巴士都好準時 八點十到

返工如常地忙
放工同朋友食飯 
傾左都差唔多兩個鐘
然後自己仲去左新之城行街
買左條$30皮帶 
最正係用$78買左隻勁靚蝴蝶尾戒
覺得今日好充實 幾開心