我又再一次做左同一件傻事
點解我可以咁白痴 白痴到無葯可救
明明已經警戒左自己十萬九千七百六十二次
我都仲可以做錯
辛辛苦苦整埋整埋俾人1Q清袋
想心情好都難
所以又加深我燥落去
Sorry 我都唔想發脾氣
但我控制唔到
真係真係唔可以再有下次
我忍受唔到自己有種被人壓窄o既感覺
我唔想受呢D可以避免o既打擊

人的身體有自我免疫系統
為我們阻擋病菌 不讓我們太容易生病
這個免疫系統還會對曾患過的病症產生抗體
讓身體不容易因同一種病而被再度打挎
其實除了生體機能上的自我免疫系統
我們的大腦也存有自我學習系統
它為我們阻擋人生中的錯誤 
當我們犯下第一次的錯誤時
自我學習系統理應從錯誤中吸取教訓
免得我們重滔覆轍
可是兩者還是有所分別
對於自我免疫系統 我們不用過於苦心經營
它如一個自動程式 編入特定指令
吃好睡好運動一下就已經自動運行得不錯了
可是自我學習系統很不同 你必須苦心經營
否則無論錯多少次 還是會再犯下同一個錯誤
每次犯錯 你都必須抓緊時間感覺去反省
時機過了就無法領悟問題的核心
當錯誤已經做成了 損失已經既定了
還能為自己挽回的 就是搾取當中的教學資源
我的自我學習系統是這樣教我的

也許因為進身社會讓我意識到更加需要學習
我變得比以前更敏感
對於每一個遇上的細節
我都會引伸至風馬牛不相及的問題
情況就如我不過是正在乘坐地下鐵由旺角往九龍灣
但我已經聯想到乘坐飛機由香港往意大利該注意的安全細節...........= =
對於每一個我想到的論點
我都有急不及待寫下來的衝動
我怕我會忘記
所以我在這裡開了一個新的資料夾
好讓自己更有系統去記錄和學習
再說我這人從來不受教
成績和上課日子往往成反比
上課日數越少 成績越好
所以還是靠自我學習系統來得實際

以下是近期總結:
一. 學會沒有時間觀念
      任何未來想要的東西其實現在經已存在
      所謂的大事和小事 其實都是用同一種手段取得
      不要說"已經太遲了" 因為人生只有更遲 沒有太遲
      何必不願意相信餘下的人生已經足夠實現所謂的妄想
      不要再呆等了

二. 精神就像乳溝 擠一擠總會有的
      時間就如空位 排一排總會出現 

三. 別把自己的操控權交到別人手上  尤其是快樂的操控權
      抽多些時間給自己  把自己填到飽滿
      讓自己成為解決問題的人  而不是提出問題的人

四. 不要一廂情願 盲目認定壞人 
      他們沒有你想得那麼壞
      別白痴得以別人一個缺點推翻他三個或更多的優點
      雖說防人之心不可無
      但是那些所謂的損失其實輸得起
      所以何必處處提心吊膽防範著

五. 努力是必須要的 
      假如你想控制事情 而不是被事情控制

六. 人生其中最高境界 莫過於是活得有方向而無目標

同老豆頂嘴已經差唔多係每次見面都會發生o既事
通常都唔會動真氣 大家互頂完就算
但有時真係會講到面紅耳熱
因為頂受唔住佢D極品膠
不過有時頂下嘴都幾happy
反正每次講嬴o個個一定係我

老豆呢幾日唔知邊條筋又再痴左
好似欠阿媽打咁 不斷搞事
先有一而再 再而三係咁係阿媽專心睇電視時
"了"佢腳板底 俾人鬧完一次過一陣又去"了"
阿媽塊面已經"那"埋一舊鬧佢 佢繼續自得奇樂........
佢玩到無野玩 然後走去打開雪櫃揾野食
去雪櫃搵野食 本來係好平常
但係佢屎忽痕 打開雪櫃對住個內籠大聲唱歌
本來我係房唔知佢做緊d咁"有趣"o既事
但係阿媽一喝:你唔係諗住打開個雪櫃唱歌啊嘛!!!
我就知道老豆又做傻事 真係笑死我
阿媽一邊鬧佢 但一邊又忍唔住笑
我睇唔到老豆個樣 
但係十成估到佢俾阿媽鬧
仲要happy到特登一邊繼續搖埋屎忽繼續唱
呢個係我老豆經典動作

老豆好鐘意撩阿媽 總之就好似d小朋友要引人注意
但我阿媽其實係幾高鬥o既人 有時真係唔鬼采佢
有次阿媽坐係sofa睇電視 唔理佢
老豆見到阿媽隻耳仔紅左
佢好鬼細心咁跪係側邊幫阿媽隻耳仔搽膏
但阿媽眼尾都無SO佢
我見到都覺得骨痺
不過老豆而家每個星期有兩三日都會返大陸
佢成日話自己係上面有N個老婆
我就真係唔知佢講真定講笑
因為返得真係超密 密得有D唔正常
但係我覺得佢唔至於包二奶
但係有無ONS就真係唔知喇


然後琴日我地又拗去旅行o既事
老豆係一個超級自我中心o既人
自我中心到自我中心都唔會收佢
佢自己認為左o既野就認死左一定係咁
但係佢有時認為o既野真係好膠
例子.........
1.佢認為潮州人就一定係衰人
2. 發生車禍一定係因為司機開快車
    佢從來唔相信機件故障等等非人為o既可能
    最搞笑係 就算俾人撞死o個個 而唔係撞人o個個
    佢都認為佢一定係開緊快車
仲有我老豆份人超記仇 你同佢結怨o既話
佢真係連邊年邊月邊日 因邊句說話同人發生恩怨
佢都記得清清楚楚
所以阿媽話得罪親老豆真係俾佢記足一世仇
琴日嘈交又講起呢個問題
之後我同老豆阿媽講左一個道理
我話你知唔知點解呢個世界會有"一失足成千古恨"呢句說話
阿媽好自然話唔知 老豆唔出聲 因為知我又搵位串佢
我就繼續講話: 一失足之所以成千古恨 就係因為無人肯俾機會佢改過
就係因為有老豆呢D人存在 人地做錯野就記足佢一世仇
人地就算有心想道歉 都無機會"
真係寧得罪女人 都唔好得罪老豆


仲有前兩三日佢問我 而家去上海好唔好
我就話唔好住 不如過左奧運先
我覺得而家國內好似有d混亂
然後佢琴日就同我講佢已經報左團 呢個星期五去
其實佢自己想去就會去 我話唔好佢都唔會聽
真係覺得佢問我都多餘
之後佢話佢終於可以了結一個心願
因為去上海係佢一直以來想做o既事
........我無言
佢每個星期都返大陸
係佢自己一直唔去上海
好似講到上海離佢十萬八千遠.........
而家終於排除萬難去到上海
我只好OS一句:恭喜你終於等到喇!! 去上海架飛機剛剛做起左
之後佢仲要大大聲話 上海係中國最靚o既地方
北京同佢無得比 我即刻火都黎 見佢咁踩北京
但係我最起火個point係 佢連上海都未去過
就話佢一定係中國最好o既地方
情況就好似未食過龍肉o既人話龍肉係最好食咁膠
所以之後我地自然又大戰一輪
仲有我覺得老豆去旅行o既文化水平太低
佢成日跟D平價豬仔團 走馬看花 D領隊主要帶你去買野
阿媽話佢參加係因為佢只係想俾自己去過見過o個個地方
可以話俾人聽佢去過 
佢都唔係真係要享受同體會一個地方 一個經歷
講真 我真係有D睇唔起咁o既行為
為去而去 佢認為去得最多個景點就係最好
我心諗 你估家下玩check point咩 鬥多咁話
我去旅行有時去得最多次同埋留得最長時間
可能係酒店附近o既coffee shop
你話我浪費時間 我話你ON9就真

最後玩出賣
我好仁慈咁幫佢已經"打格仔"

我稱佢為"肉蛆爸"
我老豆好鐘意訓地下
有時打開房門就見到一條大"肉蛆"訓係到
阿媽話佢咁做係因為地下涼......
我即刻聯想到D狗
D狗都係好鐘意趴起地下透涼= =
佢仲要訓到半醒半睡講左句: 個地下太硬唔好訓
阿媽即刻回佢: 有床係你自己唔去訓
我亦都撘左個訕: 呢D叫柯屎唔出賴地硬

雖然我認為我老豆係一個Above Average o既老豆
但始終唔可以抹殺佢膠o既事實

幻想是夢想的開始
夢想是理想的燃料
然而
一切被名為妄想的外殼綑綁著

的確係好小好小事 但我真係好紋好紋好撚紋!!!!
我根本就覺得做人係灰到仆街
但係我唔想就咁就死左佢住
我壓住自己 唔好俾自己覺得好灰
我假裝 我扮 我逃避 點都好
我只係唔想俾咁樣一個感覺殘留係喉嚨中
所以其實我一點都受不了被人踐踏我僅有的東西
這不是錢的問題
你踐踏屬於我的一元和踐踏屬於我的一百萬都是一樣
我介意的是又再讓我意識到被人破壞屬於我的東西
而不是因為那些東西是錢
每次這樣 我總不會發作
因為別人覺得這樣的小事情何需介懷
的確我也覺得 只以事情評論沒什麼好介懷
它不過是一個比微塵還小的錯失
對於這些事情 我表面上總會保持沉默
因為我們活在一個需要禮貌的地方
別人破壞我的東西
既然只是小事 我不想和他們一般見識
他們做錯是他們的事
我不想因為他們的錯誤而讓自己有藉口當一個沒品的人
然後對他們破口大罵
但容忍有限度
小事 我可以算數
大事 不等如我會為了面子禮貌人格而忍氣吞聲
我認為比起這些 讓對方知道自己踐踏了別人的東西更為重要
更甚是 有些人受硬不受軟
對這些人 我不會吝惜面子
直接把他們罵個狗血淋頭 索取雙倍賠償
所以別再惹我!!!!!!!!!!

但我真係好躁底 或者因為我好攰
所以唔該唔好再問我低能問題
亦都唔好俾D白痴觀念我好唔好
我覺得好ON9 叫我早半個鐘起身
有床唔訓多陣
撘車返工企係公司門口半個鐘等開門
ON9唔該有限度

返工每日都無得停手
真係水都唔想飲 厠所都唔想去
話就話返9放6 一個鐘lunch
但一定會over
所以其實工作時間係9個鐘 差唔多放7點
真係整整9個鐘 因為我係唔可能停手
有時望個mon就快眼都盲
就去個厠所 出黎滴D眼葯水又再開始 
今日我都話遲早要claim 工傷.......眼盲!
所以其實唔會覺得9個鐘好難捱
因為你覺得好似返去一陣就食飯
食完飯返黎一陣又放工
但係放左工之後會好攰
不過我而家努力習慣中
今日放工已經無之前幾日咁攰
仲會打下blog
仲會無聊到玩埋表情符號
仲有我努力緊收早d
第一二日我收七點
琴日我收六點十
今日我收六點八
聽日我目標係收六點半
哈哈 真係諗起都想淫笑

仲有佢地原來真係日日食新款
第一日去左間餐廳食左個葡汁雞扒飯 呢個係咁多日之中最差
第二日食湯飯 N世未食過 味道一般la
但見到間野d粥好似好正咁
琴日係最正 食日本野
個拉面湯底好味 又多料
今日食米線都幾好食
不過唔知點解而家間間餐廳d野食都超大碗
好似驚你食唔死咁
唔鐘意食剩野o既我 將自己食死左
仲有原來公司仲會有零食出公數
今日買左推野飲同餅 好正咁 
仲俾我見到一直以為失傳左o既南乳餅
放工即刻去買左包返屋企現野
不過平時有食bf  lunch又咁飽
而且又無時間食 又怕肥
但見到又想食 搞到我好矛盾 

陪我去東京　陪你看風景
就算其實雙方早已結冰
做你沉默的身影　仍然能高興

在我一生中　大志得一種
情侶在異鄉一起去過冬
讓我拿著千杯雪　去做我手信
我在你敷衍之中　得到快樂
結伴到淺草等於　身在天國
約定過瀏灠遠方　走遍異國
卻怕以後無寄託

但覺得　多麼愛你得不到你陪伴半天
多麼蠢都會令我相信　共你承諾漸變
這失約如何倖免　整個地球我們難遇見

但覺得　多麼愛你應該已可成佛化仙
清高得有著條件　快樂來受騙
鳴謝你　日日夜夜受鍛鍊

上次坐飛機　令我太歡喜
令我疑惑彼此間有轉機
下次期望於天國　再共你嬉戲
~~~~~~~~~~~~~~~~~~~~~~~~~~~~~~~~~~~~~~~~~

時間其實真有其恐怖性
以前我不相信的 因為我覺得一個人不會對一件曾遇過的事沒有記憶
以前我總以為任何事情只要別人稍稍提起就該足以勾起回憶
神龍見首不見尾的明珠今天在MSN給我留言
他說三年前我給了他以上那首歌 他說很好聽
我覺得好笑 他竟然三年後才拿來聽
我也覺得好笑 我竟然完全毫無印象
特意去搜尋這首歌的詞 看了還是想不起旋律
然後下載了才知道自己曾經聽過
可是卻不曾記起給明珠傳過這樣一首歌
現在再看看歌詞 竟然是如此貼切
我想三年前的我一定沒想過
時間過得真快 這樣就三年了
有些無奈 有些唏噓 有點殘渣剩下來
又記起曾經單純 容易聽信於人的自己
還記得以前追著明珠追樣書
他欠我台灣旅遊書 還有一公升的眼淚
他說僅餘的樣書送了給患絕症的女孩
我倒是半信半疑 總覺得他是很會找藉口的人
哈哈 不過無所謂 我追他的書不過是鬧著玩
還有好奇想看看他的文筆
我記得他以前批評我文筆超爛
爛就爛 我又不像他吃這行飯
還有青兒 以前久不久就追著他問低能的英文文法問題
人超好 有時間就會幫我看功課
不過我從來都沒看過他翻譯的書
連半篇他寫的英文文章都沒看過
但我倒看過他要翻譯的東西
超多奇怪名詞 真是望塵莫及...........
還有月亮 我們一般都不會叫對方
但有時偶爾因為一些事情聊起來就會沒完沒了
他是第一個讓我感到星座真有其影響力
和他說話總有同聲同氣之感 首尾呼應!!!
不過如今人雖還是那個人
卻又已不像是那個人
在同一個地方看著同一個人
然而心裡覺得已不是那個人
這比人事物非 或物事人非更難壓抑

都唔鬼慣咁早起身
我可以話無訓過就去返工
所以無可能遲到 仲第一個返到無門口入= =
公司得幾個職員
1個老細 今日無返
1個Manager 唔知係唔係老細老婆
1個女仔
2個男仔
聽閒仲有個大病中無返
仲有唔知幾多個出左去做野
成日都無停過手
但我覺得佢唔算俾太多野我做
只係我唔熟
每份文件都要改少少野
但份份改法都唔同
改到我pk
同埋佢要我做d野太濕碎
每樣都得丁屎咁多 記死我
不過Manager唔惡 
從來都無趨我做快D (有份文件我整左兩粒鐘....)
等我做完一件先學一件
但不幸係佢叫我今日同聽日學哂佢...........= =
仲有先前唔sure係唔係真係咁好會有埋飯食
原來真係有
每日都會同manager + 個女仔一齊食(唔知之後會唔會仲有更多人) 
食D野都幾好架
佢地主要都係女人街側邊條街到食
每餐 around $35 la
入公司數
(P.S 今日出去食飯我地無帶傘 點知落雨 佢即刻去買兩把傘入公司數
...........crazy 成舊水, 又唔係好大雨, 而且公司已經有勁多傘 真係豪)
仲有我都係行路返工(暴雨, 暴曬, 暴亂, 暴斃除外) 
manager已經問定我食唔食湯飯= =
佢話有間幾正 要聽日食
我諗佢都幾鐘意每日食唔同款..........
但係其實咁食法都幾肥...哎
仲有連食飯時間都唔可以透下氣
雖然佢地係幾好 
但係我想靜下 緩和下返工o既feel
有好有唔好la
家下都幾累
不過未至於累死
我諗我會發揮我捱得o既小宇宙

有些事情 我以為自己有了抵抗力
不再難過了
可是只要隨便一句說話
一個景象
我就會毫無防備地流淚
這是我從來都無法想像的
我不曾知道有一些事情能把我牽動得如此深
深得如本能反應
我懷疑我後悔了
可是我還是不會相信
因為假如沒有曾經的死心
又怎會有現在的眷戀

假如孤獨已注入骨髓
最原始的願望還在燃燒
我不再問世事
也不要懂你的真意
我們注定在看不見的地方獨自相愛

生生 你為我流淚了嗎?
是的 你正在為我流淚
閉上雙眼 就能看見你的痛苦
你因我而難過的樣子
太美